ជួយចែករំលែក! ចង់រក្សាសុខភាពល្អចៀសផុតជំងឺសាហាវៗ កុំភ្លេច “ទឹកផ្លែប៉េងប៉ោះស្រស់”

ភាគច្រើននៃពួកយើងប្រហែលជាធ្លាប់ទទួលទានទឹកប៉េងបោះស្រស់ទេ ហើយក៏មិនចាប់អារម្មណ៍អំពីអត្ថប្រយោជន៍ដ៏ប្រសើរនៃភេសជ្ជៈចំពោះសុខភាពរាងកាយដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណាក្រោយពីអានអត្ថបទនេះរួចអ្នកអាចនឹងប្ដូរចិត្តចង់ទទួលទានទឹកផ្លែប៉េងស្រស់ជាប្រចាំមិនខាន! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលអ្នកគួរទទួលទានទឹកប៉េងប៉ោះស្រស់ ១ កែវ ជាប្រចាំ ៖

១. កាត់បន្ថយហានិភ័យនៃជំងឺមហារីកពោះវៀនធំ

នោះក៏ព្រោះតែទឹកប៉េងប៉ោះស្រស់ជាប្រភពដ៏ប្រសើរនៃសារធាតុប្រឆាំងអុកស៊ីតកម្មដ៏មានឥទ្ធិពល lycopene ជួយកាត់បន្ថយហានិភ័យនៃជំងឺមហារីកពោះវៀនធំ។

២. ផ្ទុកសម្បូរទៅដោយសារធាតុ carotenoids

ក្រៅពីសារធាតុលីកូប៉ែន (lycopene) ប៉េងប៉ោះក៏មានផ្ទុកសារធាតុផ្សេងទៀតនៃ carotenoids រួមបញ្ចូលទាំង alpha-carotene, beta-carotene និងlutein ផងដែរ ហើយសារធាតុទាំងនេះធ្វើការរួមគ្នា ដើម្បីរក្សាឲ្យបាននូវសុខភាពរាងកាយល្អរឹងមាំ ជៀសឆ្ងាយពីជំងឺផ្សេងៗ។ ដូច្នេះត្រូវប្រាកដថា អ្នកមិនបានចិតសម្បកប៉េងប៉ោះចេញ មុននឹងទទួលទាន ក៏ព្រោះសារធាតុចិញ្ចឹមសំខាន់ៗ រួមទាំងសារធាតុប្រឆាំងអុកស៊ីតកម្ម flavonols គឺមានផ្ទុកនៅក្នុងសំបកនៃផ្លែប៉េងប៉ោះ។

៣. ល្អសម្រាប់ក្រពេញប្រូស្តាត

សារធាតុ lycopene ក៏ជួយទប់ស្កាត់ជំងឺមហារីកក្រពេញប្រូស្តាតប្រកបដោយប្រសិទ្ធិភាពខ្ពស់ផងដែរ។ ដូច្នេះចូរព្យាយាមទទួលទានទឹកផ្លែប៉េងបោះស្រស់ជាប្រចាំដើម្បីទទួលបានអត្ថប្រយោជន៍អស្ចារ្យ ក៏ដូចជាសារធាតុ lycopene គ្រប់គ្រាន់។

៤. ប្រយុទ្ធប្រឆាំងនឹងភាពចាស់តាមវ័យ

​សារធាតុ Lycopene ក្នុង​ប៉េងប៉ោះអាច​ជួយ​ការពារ​ស្បែក​ពី​ពន្លឺព្រះអាទិត្យ​បានយ៉ាងប្រសើរ ។ ការទទួលទានផ្លែប៉េងប៉ោះ គឺ​ជួយ​កោសិកា​ពី​ខាងក្នុង​ទប់ស្កាត់ការបំផ្លាញដោយសារពន្លឺព្រះអាទិត្យ។ប៉េងប៉ោះក៏ជួយបង្កើតការផលិតកូឡាជែនដែលរក្សាបាននូវភាពតឹងណែនស្រស់ស្អាត

៥. ទប់ស្កាត់ជំងឺមហារីកលំពែង

ការទទួលទានអាហារមានផ្ទុកសម្បូរទៅដោយសារធាតុ lycopene ដូចជាផ្លែប៉េងប៉ោះច្រើនជួយកាត់បន្ថយហានិភ័យនៃជំងឺមហារីកលំពែងបានដល់ទៅ ៣០ ភាគរយ។ ទឹកប៉េងប៉ោះស្រស់ក៏ជាប្រភពដ៏ប្រសើរនៃសារធាតុ beta carotene ជួយប្រយុទ្ធប្រឆាំងនឹងជំងឺមហារីកលំពែងបានប្រសើរដូចគ្នានឹងសារធាតុ  lycopene។

៦. សុខភាពថ្លើម

ទឹកផ្លែប៉េងប៉ោះស្រស់មានផ្ទុកសារធាតុ glutathione និង lycopene ដែលជួយសម្អាតថ្លើមបន្សាបជាតិពុល ទប់ស្កាត់ជំងឺមហារីកថ្លើម និងជំងឺខ្លាញ់រុំថ្លើម។ ដូច្នេះកុំភ្លេចបន្ថែមប៉េងប៉ោះ ឬទឹកប៉េងប៉ោះស្រស់ក្នុងរបបអាហារប្រចាំថ្ងៃរបស់អ្នក។

៧. បង្កើនការរំលាយអាហារ

ទឹកប៉េងប៉ោះស្រស់ មានផ្ទុកសម្បូរទៅដោយជាតិសសៃ។ ការទទួលទានភេសជ្ជៈនេះទៀងទាត់ជួយធ្វើឱ្យសុខភាពប្រព័ន្ធរំលាយអាហារកាន់តែប្រសើរឡើង ដោយទប់ស្កាត់អាការៈទល់លាមក, បំបាត់ជំងឺរាគ និងកម្ចាត់មេរោគផ្សេងៗទាក់ទងជាមួយប្រព័ន្ធរំលាយអាហារ។

៨. កាត់បន្ថយហានិភ័យនៃជំងឺបេះដូង

បរិមាណខ្ពស់នៃជាតិសសៃដែលមានផ្ទុកក្នុងទឹកប៉េងប៉ោះស្រស់ជួយកាត់បន្ថយហានិភ័យនៃជំងឺបេះដូង។ ក្រៅពីជួយបញ្ចុះកម្រិតកូឡេស្តេរ៉ូលមិនល្អដែលជាសត្រូវធំបំផុតនៃសុខភាពបេះដូងល្អប្រសើរហើយនោះ ទឹកប៉េងបោះស្រស់ក៏មានផ្ទុកសម្បូរទៅដោយសារធាតុចិញ្ចឹមសំខាន់ៗច្រើនទៀត រួមបញ្ចូលទាំងប៉ូតាស្យូម សារធាតុ niacin សារធាតុ folate និងវីតាមីន B6 ដែលល្អសម្រាប់រក្សាសុខភាពបេះដូង។

៩. ទប់ស្កាត់ហានិភ័យនៃជំងឺពុកឆ្អឹង

កាល់ស្យូម មិនមែនជាសារធាតុចិញ្ចឹមតែមួយដែលរាងកាយត្រូវការដើម្បីរក្សាបាននូវសុខភាពឆ្អឹងល្អប្រសើររឹងមាំឡើយ។ អ្នកក៏ត្រូវការវីតាមីន K ដែលចាំបាច់ក្នុងការជួយរក្សាជាតិកាល់ស្យូមក្នុងឆ្អឹងផងដែរ។ ហើយទឹកប៉េងប៉ោះស្រស់មានផ្ទុកសម្បូរទៅដោយវីតាមីន K។

១០. ប្រយុទ្ធប្រឆាំងនឹងការរលាកក្នុងរាងកាយ

ប៉េងប៉ោះមានផ្ទុកសារធាតុ  flavonoids  រួមបញ្ចូលទាំង quercetin និង kaempferol ដែលសុទ្ធតែជាសារធាតុប្រឆាំងនឹងការរលាកផ្សេងៗក្នុងរាងកាយ៕