ចាស់បុរាណខ្មែរពោលប្រដៅថា “កុំធ្វើខ្លួនដូចស្រីខូច”។ ពាក្យនេះចង់ដាស់តឿនស្ត្រីខ្មែរ គ្រប់រូបឱ្យ ធ្វើខ្លួនសមសួន និងថ្លៃថ្នូរ ពោលគឺកុំធ្វើខ្លួនដូចស្រីផ្កាមាស ឬនារីរកស៊ីផ្លូវភេទ។ ប៉ុន្តែនារីម្នាក់នេះបែរជាហ៊ានជះលុយយ៉ាងច្រើន ហើយសុខចិត្តទ្រាំការឈឺចាប់ឱ្យតែខ្លួនបាន ដូចស្រីផ្កាមាសទៅវិញ។
នាង វីកឃី ផេឡេធា ព្រីម៉ូ (Vicky Pelletier-Primeau) អាយុ ២៦ ឆ្នាំមកពីទីក្រុងម៉ុងត្រេអាល់ ប្រទេសកាណាដា ដែលបានជះលុយជាង ៥០.០០០ ដុល្លារប្រែកាយតាមរយៈការកែសម្ផស្ស ខាងលើនេះនិយាយថា លទ្ធផលនៃចំណង់របស់នាងដែលចង់បាន “រូបរាងដូចតួសិច” ឥឡូវនេះកំពុងរងការឈឺចុកចាប់។
នាងនិយាយថា ផ្នែកខ្លះនៃរាងកាយរបស់នាងលែងអាចកែកុនបានទៀតហើយ ពីព្រោះកំប៉េះគូទ របស់នាងដែលធ្លាប់ឆ្លងកាត់ការចាក់ថ្នាំពង្រីកជាច្រើនលើកមកហើយ ទ្រាំទ្រលែងបាន។
នារីដែលមានមុខរបរជា “មិត្តស្រីអាជីព” រូបនេះទទួលស្គាល់ថា នាងពិតជាងប់ងុលនឹង “សម្រស់ ក្លែងក្លាយ” ហើយនាងបានចំណាយប្រាក់អស់ជាច្រើនដើម្បីកែសម្ផស្សដូចជាកែបបូរមាត់ពង្រីក សុដន់ និងពង្រីកកំប៉េះគូទជាដើមចាប់តាំងពីនាងមានអាយុ ១៩ ឆ្នាំ។
ហើយពេលនេះនាងនៅតែចង់កែសម្ផស្សបន្ថែមទៀតទោះបីជាកំប៉េះគូទរបស់នាងឈឺចុកចាប់ដោយសារ កែសម្ផស្សក្តី៕
ប្រភព៖ rasmeinews.com