យោងទៅតាមសារព័ត៌មាន Mail Online បានឲ្យដឹងថា ទារកកើតមិនគ្រប់ខែរយៈពេលមួយខែទំនងជាប្រឈមនឹងជំងឺរពិសច្រើន និងមិនចេះស្តាប់គ្នា ខុសធម្មតា (Attention Deficit Hyperactivity Disorder, ADHD) ក្នុងជីវិតថ្ងៃក្រោយ។ 

អ្នកស្រាវជ្រាវក្នុងប្រទេស ណ័វេ បានប្រៀបធៀបក្រុមក្មេងៗដែលកើតមិនគ្រប់ខែជាមួយនឹងក្រុមក្មេងៗដែលកើតគ្រប់ខែដើម្បីមើលថា តើវាមានទំនងជាមានរោគសញ្ញានៃជំងឺ ADHD ដូចជា រពិសខ្លាំង និងនិយាយមិនចេះស្តាប់គ្នា ក្នុងវ័យត្រៀមចូលរៀន និងចូលរៀន ឬអត់។ 

ក្មេងត្រូវបានចាត់ទុកថាពេញវ័យនៅពេលពួកគេកើតក្នុងពេលអាយុពី ៣៧សប្តាហ៍ឡើងទៅ។ តែបើសិនជាកូនកើតមុនអាយុនេះ ពួកគេត្រូវបានចាត់ទុកថាកើតមិនគ្រប់ខែហើយ។ ក្នុងការសិក្សានេះ អ្នកស្រាវច្រាវបានរកឃើញថា ក្មេងដែលកើតយ៉ាងហោចណាស់ ៤សប្តាហ៍មុនគ្រប់ខែ (សប្តាហ៍ទី ៣៣ចុងក្រោម) ទំនងជាបង្ហាញរោគសញ្ញានៃជំងឺ ADHD ជាងក្មេងកើតគ្រប់ខែ។ ទំនាក់ទំនងនេះកើតឡើងលើក្មេងស្រីច្រើនជាងក្មេងប្រុស។ 

ជំងឺ ADHD គឺជាជំងឺដែលស្មុគស្មាញមួយ ហើយមូលហេតុរបស់វាក៏មិនទាន់យល់ដឹងពេញលេញដែរ។ កត្តាបរិដ្ឋានដូចជា ក្មេងកើតមិនគ្រប់ខែ និងហ្សែនសុទ្ធតែដើរតួនាទីក្នុងរឿងនេះខ្លាំង។ ខណៈពេលដែលមិនមានវិធីសាស្រ្តណាមួយដែលធានាថា អាចបង្ការការសម្រាលកូនមិនគ្រប់ខែបាន តែម្តាយអាចបន្ថយការប្រឈមមុខបានតាមរយៈការរស់នៅបែបសកម្ម និងចៀសវាងការញ៉ាំគ្រឿងស្រវឹង និងជក់បារី៕