ការបន្សាបជាតិពុលពីក្នុងពោះវៀន គឺចាំបាច់ណាស់ដើម្បីអនុញ្ញាតឱ្យប្រព័ន្ធរំលាយអាហាររបស់អ្នកដំណើរការកាន់តែមានប្រសិទ្ធិភាពផ្ដល់ឱ្យអ្នកនូវសុខភាពរឹងមាំ ស្រកទម្ងន់ និងមានថាមពល។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែថាតើអ្នកអាចលាងសម្អាតបន្សាបជាតិពុលចេញពីពោះវៀនបានដោយរបៀបណាទៅ? ភាគច្រើននៃពួកយើងប្រហែលជាមិនធ្លាប់ដឹងទេថារបបអាហារអាចបន្សាបជាតិពុលពីក្នុងពោះ
វៀនបានយ៉ាងងាយ។ថាតើអាហារអ្វីខ្លះទៅដែលមានប្រសិទ្ធភាពកម្ចាត់ជាតិពុល? កុំបារម្ភ! ថ្ងៃនេះ
វេបសាយសុខភាព Health.com.kh នឹងបង្ហាញឱ្យដឹងពីអ្វីដែលអ្នកគួរទទួលទានដើម្បីបន្សាបជាតិពុលក្នុងពោះវៀន ៖ 

១. ទឹក

ការទទួលទានទឹកបានច្រើនគ្រប់គ្រាន់ គឺជាវិធីដ៏ងាយបំផុតមួយដើម្បីសម្អាតពោះវៀនរបស់អ្នក។ ទឹកចាំបាច់ណាស់សម្រាប់ការរំលាយជាតិសសៃបានត្រឹមត្រូវ។ ដូច្នេះប្រសិនបើអ្នកទទួលទានអាហារសម្បូរដោយជាតិសសៃច្រើន ប៉ុន្តែទទួលទានទឹកតែបន្តិចនោះអ្នកនឹងជួបប្រទះបញ្ហាពិបាករំលាយអាហារ ឬទល់លាមកជាមិនខាន។ ដើម្បីកម្ចាត់សំណល់លោហៈនិងជាតិពុល ហើយរក្សាបាននូវសុខភាពពោះវៀន ក៏ដូចជារាងកាយទាំងមូលល្អប្រសើរ ចូរព្យាយាមទទួលទានទឹកឱ្យបានយ៉ាងហោចណាស់ ៨ កែវ ឬប្រមាណ ២ លីត្រក្នុងមួយថ្ងៃ។ 

២. បន្លែបៃតង

ជាប្រភពដ៏ប្រសើរនៃជាតិសសៃដែលជាសារធាតុចិញ្ចឹមចាំបាច់ជួយក្នុងការសម្អាតពោះវៀនធំបង្កើនការរំលាយអាហារ។ បន្លែបៃតងក៏មានផ្ទុកសម្បូរទៅដោយជាតិរ៉ែនិងសារធាតុប្រឆាំងអុកស៊ីតកម្មដែលកម្ចាត់ជាតិពុលផ្សេងៗចេញពីរាងកាយ។ ប្រសិនបើអ្នកងាយនឹងជួបប្រទះបញ្ហាទាក់ទងជាមួយការរំលាយអាហារ កុំទទួលទានបន្លែឆៅដោយចាំបាច់ត្រូវចម្អិនជាមុនសិនទើបប្រសើរ។

៣. តែខ្ញី

ចូរទទួលទានតែខ្ញី ១ ពែងអោយបានពី ២ ទៅ ៣ ដងក្នុងមួយថ្ងៃដើម្បីកម្ចាត់កាកសំណល់ ក៏ដូចជាជាតិពុលផ្សេងៗចេញពីក្នុងពោះវៀន។ មិនត្រឹមតែជួយលាងសម្អាតពោះវៀនកម្ចាត់ជាតិពុលប៉ុណ្ណោះទេ ប៉ុន្តែតែខ្ញីក៏ជួយព្យាបាលការរលាកក្នុងពោះវៀន និងធ្វើអោយសុខភាពពោះវៀនកាន់តែប្រសើរឡើងតាមរយៈលក្ខណៈសម្បត្តិប្រឆាំងការរលាក និងសារធាតុ Gingerols ដែលវាមានផ្ទុកផងដែរ។ 

៤. ក្រូចឆ្មារ

ក្រូចឆ្មារមិនត្រឹមតែមានផ្ទុកសម្បូរទៅដោយវីតាមីន C ប៉ុណ្ណោះទេ ប៉ុន្តែក៏ចាំបាច់ផងដែរក្នុងការបង្កើនសុខភាពប្រព័ន្ធរំលាយអាហារ។ ការទទួលទានទឹកក្ដៅឧណ្ហ ១ កែវ លាយជាមួយទឹកក្រូចឆ្មារស្រស់ ១ ស្លាបព្រាបាយ រាល់ព្រឹក គឺនឹងជួយបន្សាបជាតិពុល ក៏ដូចជាសម្អាតពោះវៀន ហើយបង្កើនការរំលាយអាហារបានយ៉ាងប្រសើរ។

៥. រមៀត

រមៀតមានផ្ទុកសម្បូរទៅដោយសារធាតុប្រឆាំងអុកស៊ីតកម្ម ពិសេសសារធាតុ Curcumin ដែល
ជួយបន្សាបជាតិពុលគួរអោយកត់សម្គាល់។

៦. ផ្លែប៉ោម

ផ្លែប៉ោមប្រសើរណាស់សម្រាប់សុខភាពរាងកាយទាំងមូល រួមទាំងពោះវៀនដោយវាមានផ្ទុកសម្បូរទៅដោយសារធាតុចិញ្ចឹមល្អៗ ជាតិសសៃ និងវីតាមីន C ដែលសារធាតុប្រឆាំងអុកស៊ីតកម្មជួយកម្ចាត់ពពួកបាក់តេរីអាក្រក់ ហើយបង្កើនចំនួនបាក់តេរីល្អជំនួសវិញធ្វើអោយឲ្យមុខងារពោះវៀនកាន់តែ
ប្រសើរឡើង៕