ជំងឺនាពេលបច្ចុប្បន្ននេះដូចជា ជំងឺទឹកនោមផ្អែម និងធាត់ជ្រុល ព្រមទាំងការប្រើប្រាស់ថ្នាំសុទ្ធតែអាចនាំឲ្យធ្វើទុក្ខក្រពះបាន តែយើងក៏អាចបង្ការបានដែរ។ យ៉ាងណាមិញ ការផ្លាស់ប្តូរទម្លាប់ញ៉ាំអាហារធម្មតាៗពីរបីមុខអាចជួយអ្នកបង្ការការមិនស្រួលក្នុងក្រពះបានយ៉ាងល្អវិញ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដូច្នេះតើអ្វីទៅជាទម្លាប់នៃការញ៉ាំអាហារអាក្រក់ដែលនាំឲ្យក្រពះធ្វើទុក្ខញឹកញាប់ទៅ?
ញ៉ាំអាហារច្រើនៗនៅពេលយប់ជ្រៅ
មិនខ្វល់ថាអ្នកត្រូវបញ្ចប់ការងារ ឬត្រូវធ្វើការដល់យប់ជ្រៅឬអត់ទេ តែចូរប្រាកថា អ្នកបានញ៉ាំអាហារតិចៗ និងញ៉ាំអាហារពេលយប់លឿនបន្តិចដើម្បីបង្ការបញ្ហាធ្វើទុក្ខក្រពះ។ នេះដោយសារតែ ទម្លាប់នៃការញ៉ាំអាហារនៅពេលយប់ជ្រៅ និងញ៉ាំអាហារច្រើនៗអាចបណ្តាលឲ្យមិនស្រួលដល់ពោះវៀន ដែលជាហេតុនាំឲ្យធ្វើទុក្ខក្រពះបាន។
អាហារមានជាតិខ្លាញ់និងហិរច្រើន
អាហារពីរប្រភេទនេះតែងតែអាចបណ្តាលឲ្យក្រពះមិនស្រួល ដូច្នេះត្រូវតែនិយាយថាទេចំពោះអាហារទាំងនេះពេលត្រូវការញ៉ាំច្រើនៗ។ វាមិនត្រឹមតែបណ្តាលឲ្យរលាកក្រពះទេ តែក៏ប្រឈមកាន់តែខ្លាំងនឹងផលវិបាកក្នុងក្រពះដែរដូចជា ឡើងជាតិអាស៊ីខ្លាំង និងឈឺក្នុងពោះទៀត។
ញ៉ាំច្រើនជ្រុល
មនុស្សយើងភាគច្រើនមានទំនោររកការញ៉ាំច្រើនៗនៅពេលស្រ្តេស ឬកំពុងមើលទូរទស្សន៍ ដែលជាហេតុនាំឲ្យធ្វើទុក្ខក្រពះជាញឹកញាប់។ ម៉្យាងវិញទៀត អាហារទាំងនេះភាគច្រើនមិនផ្តល់សុខភាពឡើយ។
ចន្លោះពេលញ៉ាំអាហារយូរៗពេក
មនុស្សភាគច្រើន ជាពិសេសដែលចង់សម្រកទម្ងន់ តែងតែចាប់ផ្តើមញ៉ាំអាហារពេលព្រឹកច្រើនៗ តែមិនញ៉ាំអាហារថ្ងៃត្រង់ ឬអាហារសម្រន់ទេ ហើយបែរជាញ៉ាំអាហារពេលយប់ច្រើនៗទៅវិញ។ វាពិតជាមិនមែនរឿងល្អឡើយដែលត្រូវគម្លាតពេលញ៉ាំអាហារយូរៗបែបនេះ ហើយក៏ជាហេតុនាំឲ្យធ្វើទុក្ខក្រពះជាញឹកញាប់ដែរ។
ញ៉ាំទឹកក្នុងពេលញ៉ាំអាហារ
មែនហើយ បើសិនជាអ្នកមានទម្លាប់ញ៉ាំទឹកក្នុងពេលញ៉ាំអាហារ អ្នកគួរតែចៀសវាងវាទៅ ព្រោះវានឹងទៅពង្រាវរសក្រពះសម្រាប់ជំនួយដល់ការរំលាយអាហារ ដូច្នេះការរំលាយអាហារនឹងថយចុះ ដែលជាហេតុនាំឲ្យធ្វើទុក្ខក្រពះទៀត។
មិនទំពារអាហារម៉ត់ល្អ
តើអ្នកខ្លាចទៅធ្វើការយឺតពេលមែនទេ? ដូច្នេះអ្នកតែងតែញ៉ាំអាហារពេលព្រឹកលឿន និងមិនបានទំពារម៉ត់ល្អឡើយដោយផឹកទឹកមួយកែវឲ្យវាទៅអស់តែម្តង។ (អាន:ថ្នាំងងុយគេង ពេលអ្នកគួរប្រើ) បើសិនជារឿងនេះកើតឡើងរាល់ព្រឹកមែន នោះអ្នកគួរតែដល់ពេលឈប់ ហើយត្រូវទំពារអាហារឲ្យបានម៉ត់ល្អសិនដើម្បីកុំឲ្យក្រពះធ្វើទុក្ខទៀត៕