អត្រានៃអ្នកកង្វះវីតាមីន D គឺមានខ្ពស់ណាស់លើស្ត្រីមានផ្ទៃពោះ ហើយវាក៏ជាប់ទាក់ទងនឹងការសម្រាលកូនដែលខូចអវៈយវៈពីកំណើតច្រើនដែរ។ ការកង្វះវីតាមីន D ក្នុងពេលមានផ្ទៃពោះដំបូងៗក៏ជាប់ទាក់ទងនឹងរោគសញ្ញាថប់អារម្មណ៍ និងបាក់ទឹកចិត្តដែរ។ ឥឡូវនេះ អ្នកវិទ្យាសាស្ត្របានរកឃើញហេតុផលមួយផ្សេងៗទៀតដើម្បីឲ្យអ្នកប្រាកដថា ខ្លួនឯងទទួលបានវីតាមីន D គ្រប់គ្រាន់ហើយ។
យោងទៅតាមការសិក្សាថ្មីមួយបានឲ្យដឹងថា ស្ត្រីមានផ្ទៃពោះដែលកង្វះវីតាមីន D ទំនងជាមានការឈឺចាប់កាន់តែខ្លាំងក្នុងពេលសម្រាលកូន។ នេះដោយសារតែ ស្ត្រីកង្វះវីតាមីន D ប្រហែលជាត្រូវការប្រើថ្នាំបំបាត់ការឈឺចាប់ច្រើនជាងអ្នកដទៃក្នុងពេលសម្រាលកូន។
អ្វីដែលអ្នកវិទ្យាសាស្ត្រនិយាយ
អ្នកស្រាវជ្រាវបានពិនិត្យទៅលើកម្រិតវីតាមីន D ក្នុងស្ត្រីមានផ្ទៃពោះ ៩៣នាក់ដែលត្រូវសម្រាលកូន។ ពួកគេទាំងអស់គ្នាត្រូវការចាក់ថ្នាំបំបាត់ការឈឺចាប់បែប Epidural ក្នុងពេលសម្រាល។ ប៉ុន្តែអ្នកស្រាវជ្រាវបានពិនិត្យទៅលើចំនួននៃថ្នាំបំបាត់ការឈឺចាប់ដែលស្ត្រីម្នាក់ៗត្រូវការក្នុងពេលសម្រាល។ ក្រោយមក គេក៏បានរកឃើញថា ស្ត្រីដែលមានចំនួនវីតាមីន D ខ្ពស់គឺមានការឈឺចាប់ខ្លាំងជាងអ្នកដែលមានវីតាមីន D ទាប។
តើនរណាខ្លះដែលប្រឈមនឹងការកង្វះវីតាមីន D?
គេជឿថា ប្រជាជនអាមេរិកទាំងអស់មានអត្រានៃការកង្វះវីតាមីន D រហូតដល់ ៤០ ទៅ៦០ភាគរយ ហើយក្នុងនោះក៏មានស្ត្រីមានផ្ទៃពោះដែរ។ យ៉ាងណាមិញ មានមនុស្សមួយចំនួនតូចទេដែលមានការប្រឈមខ្ពស់នឹងការកង្វះវីតាមីន D ដូចជា៖
• អ្នកញ៉ាំអាហារបួស
• ស្ត្រីមិនសូវប៉ះពាល់នឹងពន្លឺព្រះអាទិត្យ
• ស្ត្រីធាត់ជ្រុល
• មនុស្សស្បែកខ្មៅ
• ទារកដែលមានម្តាយកង្វះវីតាមីន D
ប្រភពនៃវីតាមីន D
ការកង្វះវីតាមីន D ក្នុងពេលមានផ្ទៃពោះអាចនាំឲ្យមានការលុតលាស់ឆ្អឹងខុសធម្មតា បាក់ឆ្អឹង ឬមានជំងឺឆ្អឹងខុសទ្រង់ទ្រាយពីកំណើត។ ការកង្វះវីតាមីន D អាចបណ្តាលឲ្យកូនកើតមិនគ្រប់ទម្ងន់។ វាអាចជាមូលហេតុមួយនៃការកើតជាជំងឺហឺតតាំងពីក្មេងដែរ។ វាក៏ជាប់ទាក់ទងនឹងផលវិបាកនៃការមានផ្ទៃពោះមួយចំនួនដែរដូចជា ជំងឺទឹកនោមផ្អែមក្នុងពេលមានផ្ទៃពោះ កូនកើតមិនគ្រប់ខែ និងជំងឺត្រៀមក្រឡាភ្លើង។ ដូច្នេះ ួកល្អគួរតែរក្សាការទទួលទានវីតាមីន D ឲ្យបានគ្រប់គ្រាន់។ ខាងក្រោមនេះគឺជារឿងមួយចំនួនតូចដែលអ្នកអាចធ្វើបានដើម្បីធានាថា មានវីតាមីន D គ្រប់គ្រាន់ក្នុងរាងកាយ។
• ប៉ះពាល់នឹងពន្លឺព្រះអាទិត្យឲ្យបានគ្រប់គ្រាន់ព្រោះវាជាប្រភពនៃការបង្កើតវីតាមីន D ក្នុងខ្លួន
• ញ៉ាំអាហារសម្បូរវីតាមីន D ដូចជា ស៊ុតផ្នែកកណ្តាល ត្រីសាលម៉ុង ព្រមទាំងទឹកដោះគោ
• ចូរពិគ្រោះជាមួយគ្រូពេទ្យអំពីការប្រើថ្នាំបំប៉នវីតាមីន D ដោយថ្នាំបំប៉ន់វីតាមីន D គ្នុងពេលមានផ្ទៃពោះគួរតែប្រើត្រឹមតែ ៤០០IU ទេ៕