ក្នុងនាមជាចៅហ្វាយនាយម្នាក់រមែងតែងតែចង់ឲ្យកូនចៅគោរពនិងស្តាប់បង្គាប់ខ្លួន។ ដូចនេះគេតែងតែតឹងរឹងចំពោះកូនចៅ។ ទង្វើនេះមិនត្រឹមតែមិនអាចឲ្យកូនចៅគោរពស្រលាញ់ទេ ថែមទាំងធ្វើឲ្យកូនចៅស្អប់ទៀត។ តើចៅហ្វាយនាយគួរតែប្រុងប្រយ័ត្នចំពោះចំនុចណាទើបធ្វើឲ្យកូនចៅគោរពស្រលាញ់នោះ?
1. មិនត្រូវឲ្យកូនចៅធ្វើការហួសព្រំដែន មានន័យថាគ្មានថ្ងៃឈប់សម្រាក ថែមម៉ោងរាល់ថ្ងៃ។ ដូចនេះកូនចៅមិនមានពេលសំម្រាកគ្រប់គ្រាន់ ធ្វើឲ្យលទ្ធភាពការងារធ្លាក់ចុះ។
2. មិនត្រូវប្រជុំឬវឹងហាត់កូនចៅនៅពេលចេញពីធ្វើការ ព្រោះវាជាពេលវេលាសម្រាករបស់គេ បើចៅហ្វាយនាយធ្វើបែបនេះ កូនចៅមិនត្រឹមតែមិនពេញចិត្ត ហើយថែមទាំងអាចលាឈប់ពីការងារទៀតផង។
3. មិនត្រូវកាត់ប្រាក់ខែបុគ្គលិកនៅពេលដែលគេធ្វើខុសទេ ព្រោះគេក៏ត្រូវការរស់ដែរ បើអ្នកកាត់អស់តើគេមានលុយឯណាមកចិញ្ចឹមគ្រួសារគេនោះ? ប៉ុន្តែអ្នកអាចប្រើវិធីផ្សេងដើម្បីធ្វើការពិន័យបាន។
4. មិនត្រូវបែងចែកការងារឲ្យកូនចៅធ្វើផ្តេសផ្តាសនោះទេ គឺសំដៅដល់ការងារមិនតាមមុខតំណែង ចេះតែឲ្យធ្វើព្រោះដើម្បីសន្សំប្រាក់ក្នុងការជួលបុគ្គលិកម្នាក់ទៀត។
5. មិនត្រូវយកកំហឹងរបស់ខ្លួនមកជះលើបុគ្គលិកទេ ព្រោះមានចៅហ្វាយនាយខ្លះតែងតែធ្វើបែបនេះ តែងតែស្តីបន្ទោសឲ្យបុគ្គលិកដោយគ្មានមូលហេតុ។ ដូចនេះ ចៅហ្វាយនាយគ្រប់រូបត្រូវតែកែចោលទម្លាប់ទាំងនេះ ដើម្បីឲ្យបុគ្គលិកគោរពស្រលាញ់ខ្លួននិងបំពេញការងាររបស់ខ្លួនឲ្យអស់ពីសមត្ថភាព។