នាងខ្ញុំអាយុ ២២ឆ្នាំ ហើយថ្មីៗនេះខ្ញុំបានរួមភេទជាមួយសង្សារខ្ញុំ។ ក្រោយមកខ្ញុំក៏បានប្រើថ្នាំពន្យាកំណើតបន្ទាន់ ហើយនៅខែក្រោយខ្ញុំក៏មករដូវធម្មតា។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ឥឡូវនេះ សង្សារខ្ញុំចង់រួមភេទជាមួយខ្ញុំដោយមិនមានការការពារម្តងទៀត ហើយគាត់ក៏និយាយថាចាំឲ្យខ្ញុំប្រើថ្នាំពន្យាកំណើតបន្ទាន់ម្តងទៀតទៅ។ ដូច្នេះខ្ញុំចង់សួរថា តើខ្ញុំអាចប្រើថ្នាំពន្យាកំណើតប្រភេទនេះញឹកញាប់ប៉ុណ្ណាទៅ?
ថ្នាំពន្យាកំណើតបន្ទាន់ងាយនឹងរកទិញបានណាស់ ហើយក៏ដាក់លក់ដោយមិនបាច់មានវេជ្ជបញ្ជាដែរ។ បើសិនជាវាត្រូវបានប្រើប្រាស់ក្រោយពីរួមភេទមិនបានការពារក្នុងអំឡុងពេល ៧២ម៉ោង វាពិតជាអាចការពារការមានផ្ទៃពោះដោយចៃដន្យបាន។ ប៉ុន្តែ អ្នកជំនាញខាងរោគស្រ្តីបានព្រមានថា វាមានប្រសិទ្ធភាពតែ ៩៥ភាគរយប៉ុណ្នោះបើសិនជាប្រើក្រោយពីរួមភេទមិនបានការពាររយៈពេល ២៤ម៉ោង។
កាលណាអ្នករងចាំកាន់តែយូរ កាន់តែលែងមានប្រសិទ្ធភាព ហើយបើសិនជាជាប្រើដល់ក្រោយ ៧២ម៉ោងវិញនោះ វាពិតជាលែងមានប្រសិទ្ធភាពតែម្តង។ អ្វីដែលជាកំហុសរបស់ស្រ្តីភាគច្រើននោះគឺថា ពួកគេបារជាប្រើប្រាស់ថ្នាំពន្យាកំណើតនេះដើម្បីជំនួសដល់ការពន្យាកំណើតផ្សេងដែលមានសុវត្ថិភាពជាងនេះទៅវិញ។
ចំពោះសំណួរសួរថា តើអាចប្រើថ្នាំពន្យាកំណើតបន្ទាន់នេះញឹកញាប់ប៉ុណ្ណា? ចម្លើយគឺថា មិនត្រូវប្រើប្រាស់ច្រើនជាងម្តងក្នុងអំឡូងពេលមួយវដ្តរដូវឡើយ។(អាន:ថ្នាំងងុយគេង ពេលអ្នកគួរប្រើ) ថ្នាំនេះគួរតែប្រើតែម្តងគត់ក្នុងមួយវដ្តរដូវ ហើយពេលវេលាប្រើដ៏មានសុវត្ថិភាពបំផុតនោះគឺក្នុងពេលពាក់កណ្តាលវដ្តរដូវតែម្តង។ បើសិនជាអ្នកប្រើច្រើនជាងម្តងក្នុងមួយមួយវដ្តរដូវ វាអាចបណ្តាលឲ្យរដូវមកមិនទៀងបាន៕