ជាធម្មតានរណាៗក៏ចង់បានស្បែកមុខសរលោងស្រស់ស្អាតគ្មានមុនដែរ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែការស្រមៃនេះតែងត្រូវបានរំខាន ដោយសារមុនក្បាលខ្មៅ ហើយមុនប្រភេទនេះពិបាកនឹងកម្ចាត់ចេញ។ ទោះជាយ៉ាងណា ឈប់បារម្ភខ្លាំងថានឹងត្រូវចំណាយប្រាក់ និងពេលវេលាយូរដើម្បីដោះស្រាយបញ្ហានេះទៀតទៅ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីវិធីសាស្ត្រងាយៗ ប៉ុន្តែមានប្រសិទ្ធិភាពខ្ពស់កម្ចាត់មុនក្បាលខ្មៅឆាប់រហ័ស ៖
១. ក្រូចឆ្មារ និងទឹកឃ្មុំ
អ្វីដែលអ្នកត្រូវការ គឺគ្រាន់តែលាយទឹកក្រូចឆ្មារស្រស់ចំនួនម្ខាង ជាមួយទឹកឃ្មុំ ៣ ដំណក់។ កូរឱ្យសព្វ
សឹមដុសលាបល្បាយលើកន្លែងដែលមានមុនក្បាលខ្មៅ។ ទុកចោលសម្រាប់រយៈពេលពី ៥ ទៅ ១០
នាទី មុននឹងលាងសម្អាតចេញជាមួយទឹកត្រជាក់។ អនុវត្តឱ្យបាន ២ ដងក្នុងមួយសប្តាហ៍ជាប្រចាំ។
២. ផ្នែកពណ៌សនៃស៊ុត
អ្វីដែលអ្នកត្រូវធ្វើ គឺលាយផ្នែកពណ៌សនៃស៊ុត ១ គ្រាប់ ជាមួយទឹកក្រូចឆ្មារ កន្លះស្លាបព្រាកាហ្វេ និងទឹកឃ្មុំ ចំនួន ១ ស្លាបព្រាកាហ្វេ។ កូរលាយចូលគ្នាឱ្យសព្វ សឹមលាបល្បាយលើតំបន់ស្បែកដែលទទួលរងផលប៉ះពាល់ដោយសារមុនក្បាលខ្មៅ។ ទុកចោលសម្រាប់រយៈពេល ១៥ នាទី ហើយលាង
សម្អាតចេញជាមួយទឹកក្ដៅឧណ្ហៗជាមុនសិន សឹមលាងជាមួយទឹកត្រជាក់តាមក្រោយ។
៣. ទឹកខ្ពុរមាត់
អ្វីដែលអ្នកត្រូវធ្វើ គឺគ្រាន់តែលាបទឹកខ្ពុរមាត់លើមុនក្បាលខ្មៅទាំងនោះជាការស្រេច។ ជាតិអាល់កុលដែលមានផ្ទុកនៅក្នុងទឹកខ្ពុរមាត់សម្ងួតមុនទាំងនោះយ៉ាងឆាប់រហ័ស ព្រមទាំងសម្លាប់បាក់តេរីទប់ស្កាត់មិនឱ្យឆ្លងមេរោគផងដែរ។ បើប្រៀបធៀបទៅនឹងទឹកថ្នាំកម្ចាត់មុនដទៃទៀតដាក់លក់តាមទីផ្សារដែលមានផ្ទុកសារធាតុគីមីខ្លាំង នោះទឹកខ្ពុរមាត់ គឺជាផលិតផលប្រសើរបំផុតសម្រាប់សុខភាពស្បែករបស់អ្នក។
៤. ប្រទាលកន្ទុយក្រពើ
អ្វីដែលអ្នកត្រូវធ្វើ គឺគ្រាន់តែលាបជែលប្រទាលកន្ទុយក្រពើស្រស់លើមុនក្បាលខ្មៅ និងទុកចោលសម្រាប់រយៈពេលប្រហែល ១០ នាទី សឹមលាងសម្អាតចេញជាមួយទឹកក្ដៅឧណ្ហៗជាការស្រេច។
អនុវត្តរាល់ថ្ងៃជាប្រចាំដើម្បីទទួលបានស្បែកស្រស់ថ្លារលោងស្អាត។
៥. ប៉េងបោះ
អ្វីដែលអ្នកត្រូវធ្វើ គឺគ្រាន់តែចិតសំបកប៉េងបោះចេញសិន រួចកិនវាអោយម៉ដ្ឋ ហើយលាបលើមុនក្បាលខ្មៅមុនពេលចូលគេង។ ទុកចោលពេញមួយយប់ សឹមលាងសម្អាតចេញជាមួយទឹកធម្មតានៅពេលព្រឹក។ អនុវត្តរៀងរាល់យប់មុនពេលចូលគេង៕