វីតាមីន B9 ឬ Folate ឬ អាស៊ីតហ្វូលិក មានសារៈសំខាន់ណាស់សម្រាប់ស្រ្តីមានផ្ទៃពោះ ព្រោះវាអាចជួយបង្ការជំងឺកូនកើតមកខូចអវៈយវៈ ឬពកឆ្អឹងខ្នងបាន។ អាស៊ីតហ្វូលិក ជាប្រភេទវីតាមីន B មួយដែលស្រ្តីមានផ្ទៃពោះត្រូវការដើម្បីការលូតលាស់ និងធំធាត់របស់ទារកក្នុងផ្ទៃ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)វីតាមីនភាគច្រើន យើងអាចរកបានក្នុងបន្លែពណ៌បៃតង ឬអាចប្រើជាថ្នាំបំប៉នក៏បានដែរ។ អាស៊ីតហ្វូលិក ត្រូវបានគេអះអាងថា មានសារៈសំខាន់ជាពិសេសសម្រាប់បង្កើតជាប្រព័ន្ធសរសៃប្រសាទ និងជួយបង្ការជំងឺខូចបំពង់សរសៃប្រសាទលើទារកក្នុងផ្ទៃ។
ជំងឺពកឆ្អឹងខ្នង ឬ Spina Bifida គឺជាជំងឺខូចអវៈយវៈពីកំណើតមួយប្រភេទលើទារកដែលកើតមានញឹកញ៉ាប់បំផុតក្នុងតំបន់លោកខាងលិក។ នៅអូស្ត្រាលីវិញ មានទារកប្រមាន ១៥០នាក់ហើយដែលកើតមកមានជំងឺពកឆ្អឹងខ្នងជារៀងរាល់ឆ្នាំ ហើយជំងឺនេះដែរ វាកើតឡើងក្នុងប៉ុន្មានសប្តាហ៍ដំបូងនៃការមានផ្ទៃពោះ ព្រោះវាជាពេលវេលាមួយដែលមានការបង្កើតនូវខួរក្បាល និងខួរឆ្អឹងខ្នង។
អ្នកអាចបង្កើនការទទួលទានអាស៊ីតហ្វូលិកនេះបានតាមរយៈការញ៉ាំអាហារ ឬថ្នាំបំប៉ន។ ប្រភពដ៏ល្អនៃវីតាមីនមួយនេះគឺមាននៅក្នុងបន្លែពណ៌បៃតង ផ្លែឈើ (ផ្លែឈើជូរ ចេក និងបឺរី) និងប្រភេទស្រូវសាលី។
ចំពោះថ្នាំបំប៉នប្រភេទអាស៊ីតហ្វូលិកវិញគឺយើងអាចរកបានគ្រប់ឱសថដ្ឋានក្នុងប្រទេសកម្ពុជាយើង តែគួរតែមានវេជ្ជបញ្ជាត្រឹមត្រូវផង។ ចូរស្វែងរកថ្នាំបំប៉នប្រភេទនេះដែលមានអាស៊ីតហ្វូលិកយ៉ាងហោចណាស់ ៤០០ម៉ៃក្រូក្រាម ហើយមានការប្រើប្រាស់ពីសេសសម្រាប់ស្រ្តីមានផ្ទៃពោះ។
មធ្យោបាយដ៏ល្អបំផុតដើម្បីធានាថា អ្នកទទួលបានអាស៊ីតហ្វូលិកគ្រប់គ្រាន់ គឺទទួលទានថ្នាំបំប៉ននេះយ៉ាងហោចណាស់មួយខែមុន និងក្រោយពេលមានផ្ទៃពោះ៣ខែ។ (អាន:ថ្នាំងងុយគេង ពេលអ្នកគួរប្រើ)ក្រោយមកទៀតគឺមិនចាំបាច់ប្រើប្រាស់ទៀតទេ៕