Join with Health.com.kh on Telegram

ជាធម្មតាអាការៈរឹងក ឬងាក់កទៅឈឺ អាចបណ្តាលមកពីការគេងខុសទំនង ឬប្រើខ្នើយមិនបានត្រឹមត្រូវ។ អ្នកអាចសាកល្បងម៉ាស្សានៅកន្លែងឈឺនោះរយៈពេលមួយនាទីសិន ប៉ុន្តែបើសិនជាការឈឺចាប់មិនបាត់ទៅវិញទេ តើគួរធ្វើអ្វីទៀតទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមនេះខ្ញុំនឹងបង្ហាញអំពីវិធីដោះស្រាយការឈឺកនេះដែលងាយៗ ហើយអាចធ្វើបានគ្រប់គ្នា។

ជំហានទី១

ចូរស្វែងរកកន្លែងដែលឈឺនៅក ហើយដាក់ប្រអប់ដៃនៅកន្លែងនោះ។ បើសិនជាអ្នកមិនអាចដាក់ដៃនៅលើកបានទេ អ្នកអាចប្រើគ្រាប់បាល់តេនីស ឬរបស់អ្វីដែលមានលក្ខណៈដូចគ្នានៅកន្លែងឈឺនោះក៏បានដែរ។ បន្ទាប់មកចូរទ្រេងកអឹបនឹងជញ្ជាំងដោយឲ្យគ្រាប់បាលនោះនៅលើកន្លែងឈឺនោះផង។ 

ជំហានទី២

ចូរប្រើម្រាមដៃសង្កត់ទៅលើកន្លែងឈឺនោះនៅកនោះបន្តិចម្តងៗ។ អ្នកគួរតែមានអារម្មណ៍ពេលសង្កត់ទៅឈឺតិចៗហើយ។ តែចូរប្រាកដថា អ្នកមិនបានសង្កត់ខ្លាំងពេកទេ ព្រោះវាអាចធ្វើឲ្យឈឺកាន់តែខ្លាំង។ 

ជំហានទី៣

បន្ទប់មកចូរងាកក្បាលផ្ទុយនឹងកន្លែងដែលឈឺនោះ បន្ទាប់មកចូរអោនក្បាលចុះដូចហឹតឃ្លៀក។ សម្ពាធនៃការអោនក្បាលនេះនឹងជួយសម្រួលដល់សាច់ដុំដែលកំពុងតែរឹងឈឺនៅក ហើយក៏ជួយសម្រាលការឈឺចាប់បានដែរ។ 

ជំហានទី៤

ចូរធ្វើជំហានទី១ ដល់ ទី៣នេះម្តងទៀតប្រហែល ២០ដង ហើយព្យាយាមពុតពែនក និងខ្នងផ្នែកខាងលើផងនៅពេលអ្នកក្រោកពីគេងម្តង។ (អាន:ថ្នាំងងុយគេង ពេលអ្នកគួរប្រើ)កាលណាអ្នកធ្វើតាមជំហានខាងលើគ្រប់ហើយ នោះវានឹងជួយឲ្យសាច់ដុំនៅកធូរល្អ និងលែងរឹងក និងឈឺកទៀតហើយ៕