នៅប្រទេសកម្ពុជា ទំពាំងបារាំង មិនសូវជាសម្បូរណាស់ណាទេ ដោយសារវាជាប្រភេទនៃដំណាំថ្មីមួយ។ ទំពាំងបារាំង ជាប្រភេទនៃបន្លែដែលអាចយកទៅច្នៃធ្វើជាម្ហូបបានច្រើនមុខ ហើយកំពុងទទួលបានការពេញនិយមគួរអោយកត់សម្គាល់នាពេលបច្ចុប្បន្ន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាធ្លាប់ទទួលទាន ប៉ុន្តែអ្នកដែលចាប់អារម្មណ៍ដឹងអំពីអត្ថប្រយោជន៍របស់បន្លែនេះចំពោះសុខភាពឡើយ! ថ្ងៃនេះវេប
សាយសុខភាព Health.com.kh នឹងបង្ហាញឲ្យដឹងពីមូលហេតុគួរឲ្យភ្ញាក់ផ្អើលដែលអ្នកគួរចាប់ផ្ដើមទទួលទានទំពាំងបារាំង ៖

១. ជួយទប់ស្កាត់ជំងឺពុកឆ្អឹង

ទំពាំងបារាំង ជាប្រភពដ៏ប្រសើរនៃវីតាមីន K ដែលមានប្រសិទ្ធិភាពជួយរក្សាសុខភាពឆ្អឹងរឹងមាំ និងថែមទាំងបង្កើនការស្រូបយកនូវជាតិកាល់ស្យូមទៀតផង។ ដូច្នេះទំពាំងបារាំង គឺជាជម្រើសនៃអាហារដ៏ប្រសើរ ដើម្បីទប់ស្កាត់បញ្ហានៃជំងឺពុកឆ្អឹង។

២. ពង្រឹងប្រព័ន្ធភាពស៊ាំរាងកាយ

បន្លែនេះមានសមត្ថភាពពិសេសម្យ៉ាងជួយរាងកាយក្នុងការបញ្ចេញ និងកម្ចាត់ចោលនូវជាតិពុលផ្សេងៗ ព្រមជាមួយសារធាតុប្រឆាំងអុកស៊ីតកម្មពិសេស គឺវីតាមីន C ដែលធ្វើអោយប្រព័ន្ធភាពស៊ាំកាន់តែមានលក្ខណៈរឹងមាំប្រសើរឡើង។

៣. បង្កើនសុខភាពប្រព័ន្ធរំលាយអាហារ

តាមរយៈបរិមាណនៃជាតិសសៃដែលមានផ្ទុក ការទទួលទានទំពាំងបារាំងជាប្រចាំ គឺប្រសើរណាស់ក្នុងការជួយគ្រប់គ្រងចលនានៃពោះវៀន និងកម្ចាត់ទប់ស្កាត់បញ្ហាទល់លា​​​មក។ ជាតិសសៃក៏ជួយលើកកម្ពស់ការរំលាយអាហារត្រឹមត្រូវ ក៏ដូចជារក្សា និងបង្កើនបាក់តេីល្អៗក្នុងពោះវៀន។ អ្នកជំនាញជាច្រើនបានឲ្យដឹងថា របបអាហារដែលមានផ្ទុកសម្បូរទៅដោយជាតិសសៃអាចជួយកាត់បន្ថយហានិភ័យនៃជំងឺមហារីកពោះវៀនធំ។

៤. កាត់បន្ថយហានិភ័យនៃជំងឺមហារីក

ការទទួលទានទំពាំងបារាំងជាប្រចាំ ក៏មានប្រសិទ្ធិភាពអាចជួយកាត់បន្ថយហានិភ័យនៃជំងឺមហារីកដ៏សាហាវបានផងដែរ។ នោះក៏ព្រោះតែបន្លែនេះមានសារធាតុស៊ុលផួរិច សារធាតុ glutathione និងសារធាតុ anthocyanins ដែលជួយទប់ស្កាត់ហានិភ័យនៃជំងឺមហារីក ក៏ដូចជាទប់ស្កាត់ការរលាកផ្សេងៗដែលផ្សារភ្ជាប់ទៅនឹងការវិវត្តនៃជំងឺមហារីកផងដែរ។

៥. ទប់ស្កាត់ និងកាត់បន្ថយហានិភ័យនៃការសម្រាលកូនមុនកំណត់

ស្ត្រីមានផ្ទៃពោះ គួរដាក់បញ្ចូលទំពាំងបារាំងក្នុងរបបអាហារ។ បន្លែនេះមានផ្ទុកសម្បូរទៅដោយជាតិ folate ដែលជាសារធាតុចិញ្ចឹមជួយទប់ស្កាត់ការសម្រាលកូនមុនកំណត់។ លើសពីនេះទៅទៀត ការរួមបញ្ចូលទំពាំងបារាំង ក៏ជួយទប់ស្កាត់អាការៈទល់លាមកដែលជាបញ្ហាមួយងាយនឹងកើតឡើងចំពោះស្ត្រីមានផ្ទៃពោះផងដែរ។

៦. បង្កើនសុខភាពភ្នែក

វីតាមីន A នៅក្នុងទំពាំងបារាំង គឺជាសារធាតុអុកស៊ីតកម្មមួយដែលមានអត្ថប្រយោជន៍ណាស់សម្រាប់សុខភាពភ្នែក។ វីតាមីន A មានប្រសិទ្ធិភាពជួយទប់ស្កាត់ការបំផ្លាញដល់រ៉េទីនភ្នែក ក៏ដូចជាកាត់បន្ថយហានិភ័យនៃជំងឺភ្នែកផ្សេងៗផងដែរ។

៧. បញ្ចុះទឹកនោមបែបធម្មជាតិ

ទំពាំងបារាំងជាប្រភេទនៃបន្លែជួយបញ្ចុះទឹកនោមបែបធម្មជាតិបានយ៉ាងប្រសើរតាមរយៈកម្រិតនៃអាស៊ីតអាមីណូ asparagine ដែលវាមានផ្ទុក។ ដូច្នេះកុំភ្លេចបន្ថែមទំពាំងបារាំងក្នុងរបបអាហារប្រចាំថ្ងៃរបស់អ្នកដើម្បីកម្ចាត់ជាតិពុលផ្សេងៗពីក្នុងរាងកាយ។ ការទទួលទានទំពាំងបារាំងជួយបង្កើនការផលិតទឹកនោមជួយគ្របគ្រង់សម្ពាធឈាម និងកម្ចាត់ជាតិទឹកដែលលើស៕

Loading...