ធ្លាប់ទទួលទាន “ប្រេងអូលីវ” ឬអត់? ប្រសើរចំពោះសុខភាព ទប់ស្កាត់សូម្បីជំងឺមហារីក

មិនមែនជាតិខ្លាញ់ទាំងអស់សុទ្ធតែអាក្រក់ចំពោះសុខភាពឡើយ! ក៏ព្រោះតាមពិតទៅខ្លាញ់ គឺល្អចំពោះរាងកាយនៅពេលទទួលទានក្នុងកម្រិតមធ្យម។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដើម្បីរក្សាបាននូវសុខភាពរាងកាយទាំងមូលល្អប្រសើរ ប្រភេទនៃខ្លាញ់ល្អគួរត្រូវរួមបញ្ចូលក្នុងរបបអាហារប្រចាំថ្ងៃ។ ហើយប្រេងអូលីវ ជាអាហារសម្បូរខ្លាញ់ដ៏ប្រសើរបំផុតមួយចំពោះសុខភាព។ ថាតើប្រេងអូលីវអាចផ្ដល់អត្ថប្រយោជន៍អស្ចារ្យយ៉ាងណាខ្លះទៅ? ខាងក្រោមវេបសាយសុខភាព​​​ Health.com.kh នឹងបង្ហាញឱ្យដឹងពីផលល្អៗនៃការទទួលទានប្រេងអូលីវ ៖ 

១. កាត់បន្ថយហានិភ័យនៃជំងឺមហារីក

ប្រេងអូលីវមានផ្ទុកសម្បូរទៅដោយសារធាតុប្រឆាំងអុកស៊ីតកម្ម phytonutrients រួមបញ្ចូលទាំង squalene ដែលរារាំងការលូតលាស់នៃដុំសាច់មហារីក និងកម្ចាត់រ៉ាឌីកាល់សេរីជួយទប់ស្កាត់ជំងឺមហារីកបានយ៉ាងប្រសើរតាមរយៈការកាត់បន្ថយការរលាករ៊ាំរ៉ៃក្នុងរាងកាយ។ ដូច្នេះកុំភ្លេចរួមបញ្ចូលប្រេងអូលីវក្នុងរបបអាហារប្រចាំថ្ងៃរបស់អ្នក។ 

២. កាត់បន្ថយហានិភ័យនៃជំងឺបេះដូង

នោះក៏ព្រោះតែប្រេងអូលីវជាប្រភពដ៏ប្រសើរនៃជាតិខ្លាញ់ល្អ monounsaturated ដែលមានប្រសិទ្ធិភាពកាត់បន្ថយហានិភ័យនៃបញ្ហាស្ទះសសៃឈាមទប់ស្កាត់ជំងឺស្ទះសសៃឈាមបេះ។

៣. ព្យាបាលទប់ស្កាត់បញ្ហាស្បែកស្ងួត

ប្រេងអូលីវមានផ្ទុកសម្បូរទៅដោយវីតាមីន E ដែលជួយរក្សាសំណើមនៃស្បែកទប់ស្កាត់បញ្ហាស្បែកស្ងួតបានយ៉ាងប្រសើរ។ 

៤. ព្យាបាលភ្នែកស្ងួត

អ្វីដែលអ្នកត្រូវធ្វើ គឺគ្រាន់តែបន្តក់ប្រេងអូលីវប៉ុន្មានដំណក់លើចុងម្រាមដៃ រួចឈ្លីម៉ាស្សាថ្នមៗលើត្របកភ្នែក និងអនុញ្ញាតអោយជាតិប្រេងជ្រាបចូលក្នុងស្បែកភ្នែកជាការស្រេច។

៥. ជួយអោយស្រកទម្ងន់

ជម្រើសនៃអាហារមួយប្រភេទទៀតដែលអ្នកគួរដាក់បញ្ចូលក្នុងរបបអាហារប្រចាំថ្ងៃដើម្បីស្រកទម្ងន់នោះ គឺប្រេងអូលីវ ហើយប្រេងនេះក៏ប្រសើរសម្រាប់សុខភាពរាងកាយទាំងមូលផងដែរ។ អ្នកអាចបន្ថែមវាក្នុងអាហារសាឡាដនិងទឹកជ្រលក់ជាដើម៕