ស្រ្តីភាគច្រើន ១០នាក់ ក្នុងចំណោម ១០នាក់ គឺមិនសប្បាយចិត្តនៅពេលមានអាការៈនៃការមករដូវឡើយ។ យ៉ាងណាមិញ មានអាហារមួយចំនួនអាចបន្ថយអាការៈទាំងនេះបាន ខណៈបេលដែលអាហារខ្លះទៀតអាចធ្វើឲ្យអាការៈនេះកាន់តែធ្ងន់ធ្ងរបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អាការៈនៃការមករដូវអាចមានដូចជា៖
- ឈឺពោះបែបរមួល
- ឈឺក្បាល
- ចង្អោ
- អស់កម្លាំង
- ហើមពោះ
- អារម្មណ៍មិនល្អ
- រាករូស
បើសិនជាអ្នកមានអាការៈទាំងនេះមែន យកល្អគួរតែលុបបំបាត់ចោលអាហារខាងក្រោមនេះបើសិនជាចង់ឲ្យមានអារម្មណ៍កាន់តែល្អឡើងវិញ៖
អាហារប្រៃ
ការញ៉ាំអាហារមានជាតិប្រៃច្រើន អាចធ្វើឲ្យចាលជាតិទឹកក្នុងខ្លួន រហូតដល់ទៅជាហើមបាន។ ដើម្បីបន្ថយការហើម ចូរកុំបន្ថែមជាតិប្រៃទៅក្នុងអាហារ និងចៀសវាងអាហារកៃឆ្នៃណាដែលមានជាតិសូដ្យូមច្រើនអី។
ជាតិផ្អែម
វាពិតជាមិនអីឡើយក្នុងការញ៉ាំផ្អែមកម្រិតមធ្យម ប៉ុន្តែបើញ៉ាំច្រើនពេក អាចធ្វើឲ្យមានកម្លាំងខ្លាំងមែន តែក៏អស់វិញលឿនដែរ។ រឿងនេះអាចធ្វើឲ្យអារម្មណ៍កាន់តែមិនល្អបាន។ បើសិនជាអ្នកងាយនឹងមានអារម្មណ៍មិនល្អ បាក់ទឹកចិត្ត ឬតក់ស្លុតក្នុងពេលមករដូវ យកល្អគួរតែកាត់បន្ថយការញ៉ាំផ្អែមទៅ។
កាហ្វេ
ជាតិកាហ្វេអ៊ីនអាចធ្វើឲ្យហើមពោះ និងចាលជាតិទឹកក្នុងខ្លួនបាន។ វាក៏អាចធ្វើឲ្យឈឺក្បាលកាន់តែខ្លាំងថែមទៀត។ ប៉ុន្តែការមិនបានញ៉ាំកាហ្វេអ៊ីនសោះអាចក៏អាចធ្វើឲ្យឈឺក្បាលដែរ ដូច្នេះ ចូរកុំបង្អត់កាហ្វេមួយរយភាគរយអីបើសិនជាអ្នកធ្លាប់ញ៉ាំវា ឬញ៉ាំជាប្រចាំថ្ងៃហើយ។ បើសិនជាអ្នកងាយនឹងរាករូសក្នុងពេលមករដូវ ការកាត់បន្ថយការញ៉ាំជាតិកាហ្វេអ៊ីនអាចបញ្ឈប់រឿងនេះបាន។
គ្រឿងស្រវឹង
គ្រឿងស្រវឹងមានឥទ្ធិពលអវិជ្ជមានមួយចំនួនចំពោះរាងកាយ ដែលអាចធ្វើឲ្យអាការៈនៃការមករដូវកាន់តែធ្ងន់ធ្ងរបាន។ ឧទាហរណ៍ គ្រឿងស្រវឹងអាចបង្កជាការខ្សោះជាតិទឹកក្នុងខ្លួន ដែលអាចជំរុញដល់ការឈឺក្បាលកាន់តែខ្លាំង និងហើមពោះផង។
អាហារហិរ
ស្រ្តីភាគច្រើនយល់ថា អាហារហិរធ្វើឲ្យឈឺក្រពះ រហូតដល់រាករូស ឈឺពោះ និងចង្អោផង។ បើសិនជាក្រពះប៉ះនឹងអាហារហិរមិនបាន ឬមិនអាចញ៉ាំបាន វាប្រហែលជាត្រូវចៀសវាងដែរក្នុងពេលមករដូវ។
សាច់ក្រហម
ក្នុងពេលមករដូវ រាងកាយនឹងផលិតសារធាតុ Prostaglandins សម្រាប់ជួយឲ្យស្បូនកន្ត្រាក់ និងជម្រុះភ្នាស់នៅក្នុងស្បូនមកខាងក្រៅដើម្បីបង្កើតជាឈាមរដូវ។(អាន:ថ្នាំងងុយគេង ពេលអ្នកគួរប្រើ) ប៉ុន្តែកាលណាសារធាតុមួយនេះច្រើន វានឹងធ្វើឲ្យឈឺពោះបែបរមួលៗបាន។ សាច់ក្រហម មានជាតិដែកខ្ពស់ តែវាក៏ជំរុញឲ្យផលិតសារធាតុ Prostaglandin និងគួរតែចៀសវាងក្នុងពេលមករដូវ៕