Join with Health.com.kh on Telegram

ការបែកញើសហួសប្រមាណ មិនត្រឹមតែធ្វើឱ្យយើងមានអារម្មណ៍ខ្មាសគេប៉ុណ្ណោះទេ ប៉ុន្តែក៏ផ្ដល់ការរំខានជាខ្លាំងផងដែរ។ រួមផ្សំនឹងកត្តា DNA និងអាយុ ហើយនោះអ្វីដែលអ្នកទទួលទានក៏ជាកត្តាជះឥទ្ធិពលលើក្លិនខ្លួនធម្មជាតិផងដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អាហារមួយចំនួនដូចជា ប៉េងប៉ោះ, ស្ពៃក្ដោប ឬកាហ្វេ បង្កើនការបែកញើស និងធ្វើឱ្យញើសមានក្លិនមិនល្អ។ ថាតើយើងអាចដោះស្រាយបញ្ហាក្លិនខ្លួនមិនល្អឆាប់រហ័សបានយ៉ាងដូចម្ដេចទៅ? កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីរូបមន្តធម្មជាតិងាយៗដោះស្រាយបញ្ហាក្លិនខ្លួន ៖

១. ប្រេងដូង

ប្រេងដូង ជាផលិតផលបែបធម្មជាតិដ៏មានប្រសិទ្ធិភាពខ្ពស់បំផុតមួយដែលផ្ដល់ឱ្យរាងកាយនូវក្លិនក្រអូប។ វាមានលក្ខណៈសម្បត្តិប្រឆាំងមេរោគ ហើយរារាំងការលូតលាស់នៃបាក់តេរី ខណៈដែលអាស៊ីត lauric នៃប្រេងដូងកម្ចាត់ក្លិនឈួលមិនល្អនៃរាងកាយ។ អ្វីដែលអ្នកត្រូវធ្វើ គឺគ្រាន់តែលាបប្រេងដូងត្រង់ក្លៀកឱ្យបានពី ១ ទៅ ២ ដងក្នុងមួយថ្ងៃក្រោយពេលងូតទឹករួច។ ហើយក៏កុំភ្លេចទទួលទានវាជាមួយនឹងអាហារដើម្បីកម្ចាត់បញ្ហាក្លិនមាត់មិនល្អ។

២. ទឹកខ្មេះផ្លែប៉ោម

អ្វីដែលអ្នកត្រូវធ្វើ គឺគ្រាន់តែប្រើប្រាស់សំឡីជ្រលក់ក្នុងទឹកខ្មេះផ្លែប៉ោមរួចជូតលាបត្រង់ក្លៀក រួមទាំងផ្នែកផ្សេងទៀតនៃរាងកាយដែលងាយនឹងបែកញើសជាការស្រេច។

៣. ក្រូចឆ្មារ

ក្លិនក្លៀកមិនមែនជាបញ្ហាតែមួយដែលលក្ខណៈសម្បត្តិសម្លាប់មេរោគរបស់ក្រូចឆ្មារជួយកម្ចាត់បានឡើយ។ ក៏ដូចទៅនឹងប្រេងដូងដែរ ទឹកក្រូចឆ្មារអាចគ្រប់គ្រងបញ្ហាក្លិនខ្យល់ដង្ហើមមិនល្អដែលបង្កឡើងដោយបាក់តេរីបានយ៉ាងប្រសើរ។ ការទទួលទានទឹកក្រូចឆ្មារមួយកែវនៅពេលព្រឹកអាចជួយដោះស្រាយបញ្ហាក្លិនមាត់ឆាប់រហ័ស។ ជម្រើសផ្សេងទៀតដើម្បីបំបាត់ក្លិនមិនល្អ គឺច្របាច់ក្រូចឆ្មារម្ខាង រួចយកទឹកក្រូចឆ្មារនេះទៅដុសលាបក្រោមបាតជើង ឬត្រង់ក្លៀក ទុកឱ្យស្ងួត រួចងូតទឹកជាការស្រេច។

៤. ម្ស៉ៅ baking soda

អ្វីដែលអ្នកត្រូវធ្វើ គឺគ្រាន់តែលាបម្ស៉ៅ baking soda ត្រង់ក្លៀក រួមទាំងផ្នែកផ្សេងទៀតនៃរាងកាយដែលងាយនឹងបែកញើសជាការស្រេច។ 

៥. ទឹកខ្ពុរមាត់

គ្រាន់តែប្រើប្រាស់បន្ទះសំឡីជ្រលក់ទឹកខ្ពុរមាត់ រួចលាបត្រង់ក្លៀកជាការស្រេច។ ទឹកខ្ពុរមាត់កម្ចាត់ពពួកបាក់តេរីដែលបង្កក្លិនក្លៀក ហើយធ្វើឱ្យអ្នកមានក្លិនស្រស់ស្រាយក្នុងរយៈពេលយូរ។ ក្នុងករណីអ្នកចង់បំបាត់ក្លិនជើង ចូរលាយទឹកក្ដៅឧណ្ហៗជាមួយនឹងទឹកខ្ពុរមាត់មានផ្ទុកជាតិអាល់កុល។ កូរ​ឱ្យសព្វ សឹមត្រាំជើងក្នុងទឹកល្បាយនេះសម្រាប់រយៈពេលប៉ុន្មាននាទី ឬរហូតដល់ទឹកចុះត្រជាក់តែម្ដង។ វិធីនេះក្រៅពីជួយកម្ចាត់ក្លិនជើងមិនល្អហើយនោះ ក៏ជួយធ្វើឱ្យអ្នកមានអារម្មណ៍ធូរស្រាលផងដែរ៕