អ្វីដែលស្រ្តីគ្រប់រូបគួរដឹងអំពី “ការបែកសាច់ ឬឡើងទម្ងន់” ក្នុងពេលមានផ្ទៃពោះ

វាគឺជារឿងធម្មតាមួយទៅហើយដែលថា ម្តាយគ្រប់រូបអាចនឹងឡើងទម្ងន់ក្នុងពេលមានផ្ទៃពោះ ព្រោះតែមានការបន្ថែមទម្ងន់ពីទារកក្នុងផ្ទៃ សុដន់ ទឹកភ្លោះ និងចំណុះឈាម ព្រមទាំងការលូតលាស់ស្បូនកាន់តែធំ ទើបធ្វើឲ្យស្រ្តីមានផ្ទៃពោះឡើងទម្ងន់ខ្លាំង។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) យ៉ាងណាមិញ ស្រ្តីខ្លះអាចនឹងមាននិន្នាការឡើងទម្ងន់កាន់តែច្រើនទៀតក្នុងពេលមានផ្ទៃពោះ។ 

អាចនឹងធាត់ជ្រុល

ការឡើងទម្ងន់គឺជាផ្នែកមួយធម្មតានៃការមានផ្ទៃពោះប្រកបដោយសុខភាពល្អ។ យ៉ាងណាមិញ បើសិនជាអ្នកធាត់ ឬធាត់ជ្រុល អ្នកទំនងជាអាចឡើងទម្ងន់កាន់តែខ្លាំងក្នុងពេលមានផ្ទៃពោះជាងស្រ្តីដែលមានទម្ងន់ធម្មតា។ ប៉ុន្តែ បើសិនជាអ្នកស្គម ឬមាន BMI តិចជាង ១៨,៥ អ្នកគួរតែអាចឡើងទម្ងន់ពី ១២ ទៅ១៨គីឡូក្រាមក្នុងពេលមានផ្ទៃពោះហើយ។ បើសិនជា BMI ធម្មតា ឬ ១៨,៥ ទៅ២៤,៩ នោះអាចនឹងឡើងទម្ងន់ពី ១៥ ទៅ១៨គីឡូក្រាម។ បើសិនជាធាត់ ឬ BMI ខ្ពស់ជាង ៣០ អ្នកមិនគួរណាឡើងទម្ងន់ច្រើនជាង ៥ ទៅ៩គីឡូក្រាមឡើយ។ 

ស្ត្រេស

បើសិនជាអ្នកញ៉ាំកាហ្វេដើម្បីបំបាត់ស្រ្តេស នោះវាអាចជាសញ្ញាមួយដែលធ្វើឲ្យអ្នកទៅជាឡើងទម្ងន់បាននៅពេលមានផ្ទៃពោះ។ ស្រ្តេសនឹងបង្កើនចំនួនអ័រម៉ូន Cortisol ដែលទៅបន្ថយការរំលាយអាហារ និងបង្កើនទម្ងន់វិញ។ បើសិនអ្នកចង់បានកូន ចូរចំណាយពេលហាត់យូហ្គា និងតាំងសមាធិ ឬដើរចេញពីកន្លែងថ្វើការ ១៥នាទីដើម្បីបំបាត់ស្រ្តេសទៅ។ 

គេងមិនគ្រប់

តើអ្នកមានទម្លាប់មើលកម្មវិធីទូរទស្សន៍ទៀងទាត់ដែរទេ? ទម្លាប់បែបនេះអាចនឹងធ្វើឲ្យអ្នកឡើងទម្ងន់ច្រើនក្នុងពេលមានផ្ទៃពោះបាន ព្រោះតែមិនបានគេងគ្រប់។ កាលណាគេងមិនគ្រប់ អាចធ្វើឲ្យឃ្លានញ៉ាំរបស់ផ្អែម និងខ្លាញ់កាន់តែច្រើន។ វាក៏បន្ថយការរំលាយអាហារក្នុងខ្លួនដែរ។ ដូច្នេះចូរធ្វើយ៉ាងណារៀបគម្រោងគេងពី ៧ ទៅ៨ម៉ោងក្នុងមួយយប់ជាទៀតទាត់។ 

សម្រាប់ត្រីមាសដំបូងអ្នកអាចនឹងញ៉ាំច្រើនជាងតម្រូវការ

ស្រ្តីភាគច្រើនគិតថា ការមានផ្ទៃពោះត្រូវការញ៉ាំអាហារសម្រាប់មនុស្សពីរនាក់ ដូច្នេះក៏ត្រូវការញ៉ាំច្រើនជាងតម្រូវការបាន។ ប៉ុន្តែតាមពិតនោះគឺថា តម្រូវការកាឡូរីបន្ថែមនោះគឺចំនួនតិចតួចទេ ហើយអ្នកក៏មិនបាច់បន្ថែមកាឡូរីច្រើនសម្រាប់ត្រីមាសដំបូងនេះដែរ។ ប៉ុន្តែសម្រាប់ត្រីមាសទីពីរគឺត្រូវការកាឡូរីបន្ថែម ៣៤០កាឡូរី និង ៤៥០កាឡូរីសម្រាប់ត្រីមាសទី ៣។ (អាន:ថ្នាំងងុយគេង ពេលអ្នកគួរប្រើ) ៣៤០កាឡូរីស្មើនឹងការញ៉ាំផ្លែប៉ោមទំហំមធ្យមមួយផ្លែ និងទឹកដោះគោយ៉ាអួគ្មានជាតិខ្លាញ់មួយពែង។ រាល់ការញ៉ាំអាហារសម្បូរកាឡូរីបន្ថែមទាំងអស់សុទ្ធតែអាចធ្វើឲ្យឡើងទម្ងន់ក្នុងពេលមានផ្ទៃពោះបានទាំងអស់៕