វាមិនខុសគ្នានឹងមនុស្សប្រុសឡើយ ការខូចលើចំណង់ផ្លូវភេទក៏កើតមានជាញឹកញាប់លើមនុស្សស្រីដែរ។ យ៉ាងណាមិញ មនុស្សស្រីច្រើនតែមិនខ្វល់មិនខ្វាយអំពីអាការៈទាំងនេះទេ ដោយសារតែមិនបានដឹងអំពីវា។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ហេតុដូច្នេះហើយទើបខ្ញុំបញ្ហាអំពីរោគសញ្ញាមួយចំនួនដែលបញ្ជាក់ថា អ្នកគួរតែត្រូវទៅជួបពេទ្យភ្លាមៗដើម្បីដោះស្រាយព្រោះវាទាក់ទងនឹងការខូចចំណង់ផ្លូវភេទរបស់អ្នក។
១. មិនចាប់អារម្មណ៍ខាងផ្លូវភេទ
ការខ្សោយចំណង់ផ្លូវភេទអាចជាដើមហេតុមួយនៃបញ្ហាមួយចំនួនដូចជា សម្ពាធឈាមខ្សោយ ជំងឺទឹកនោមផ្អែម និងបាក់ទឹកចិត្ត។ ចំណង់ផ្លូវភេទរបស់អ្នកក៏អាចធ្លាក់ចុះបាននៅពេលដែលអ័រម៉ូនថយចុះកាន់តែខ្លាំងរយៈពេលច្រើនឆ្នាំជាពិសេសពេលរ៉ាំងរដូវតែម្តង។
២. ស្ងួតទ្វារមាស
ភាពស្ងួតរបស់ទ្វារមាសអាចជាលទ្ធផលនៃការប្រែប្រួលអ័រម៉ូនក្នុងពេលបំបៅដោះកូន ឬរ៉ាំងរដូវ។ ក្រៅពីនេះ ការស្ត្រេស និងថប់អារម្មណ៍ក៏អាចបណ្តាលឲ្យទ្វារមាសស្ងួតបានដែរ។
មានបញ្ហាក្នុងការទទួលបានសម្រើបផ្លូវភេទ
ការដែលមិនអាចទទួលបានភាពស្រើបស្រាលខាងផ្លូវភេទបាន អាចបណ្តាលមកពីបញ្ហាមួយចំនួនដែរដូចជា ការកង្វះភាពរំញោច និងស្រ្តេស។ វាក៏អាចក្លាយទៅជាបញ្ហាធំមួយក្នុងការដាសអារម្មណ៍បើសិនជាអ្នកកំពុងតែជួបបញ្ហាស្ងួតទ្វារមាសទៀតនោះ។
៣. ឈឺក្នុងពេលរួមភេទ
ការស្ងួតរបស់ទ្វារមាសអាចបណ្តាលឲ្យឈឺចាប់ក្នុងពេលរួមភេទ។ វាក៏អាចជាសញ្ញាបញ្ជាក់មួយនៃជំងឺជាច្រើនដែរដូចជា ជំងឺ Endometriosis និង គីសក្នុងក្រពេញអូវ៉ែ។ ការឈឺចាប់ក្នុងពេលរួមភេទក៏មានជាប់ទាក់ទងនឹងជំងឺ Vaginismus ដែលជាជំងឺមួយធ្វើឲ្យទ្វារមាសស្រ្តីកន្ត្រាក់ដោយខ្លួនឯងក្នុងពេលរួមភេទ។ (អាន:ថ្នាំងងុយគេង ពេលអ្នកគួរប្រើ)
៤. អ្នកមិនអាចទទួលបានចំណុចកំពូល
ការដែលមិនអាចឈានដល់ចំណុចកំពូលនៃការរួមភេទ ប្រហែលជាអាចដោយសារតែការប្រើថ្នាំ ជំងឺរ៉ាំរ៉ៃ ការថប់អារម្មណ៍ និងកង្វះការបរបោសអង្អែល ព្រមទាំងការប្រែប្រួលអ័រម៉ូនលើស្រ្តីត្រៀមរ៉ាំងរដូវ៕