តម្រងនោមគឺជាសរីរាង្គដ៏សំខាន់មួយដែលមាននាទីច្រោះជាតិពុលពីក្នុងឈាម ហើយកាលណាវាធ្វើការងារច្រើនដោយសារតែមានជាតិពុល នោះអ្នកនឹងអាចមានអាការៈខាងក្រោមនេះ៖(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- ចេះតែមានអារម្មណ៍ហើមពោះជាប់រហូត និងឡើងទម្ងន់
- ឧស្សាហ៍មានការបង្ករោគនៅផ្លូវទឹកម៉ូត្រ និងបញ្ហាពាក់ព័ន្ធផ្សេងៗទៀត
- មានអារម្មណ៍ប្រែប្រួលច្រើន និងបញ្ហាជាទូទៅគឺទាក់ទងនឹងអតុល្យភាពអ័រម៉ូនតែម្តង
- មានគ្រួសក្នុងតម្រងនោម
- ស្បែកមានបញ្ហាដូចជា ឡើងកន្ទួលរមាស់ តាអក ឬកើតមុន
- មានអារម្មណ៍អស់កម្លាំងខ្លាំង
- មានអារម្មណ៍ថាឈឺនៅចង្កេះ។
ដូច្នេះ ជាពិតជារឿងល្អបំផុតណាស់ដែលអ្នកគួរតែមានវិធានការបង្ការបញ្ហាទាំងនេះ ហើយវិធីដែលល្អនោះគឺការច្រោះជាតិពុលចេញតម្រងនោមតែម្តង។ ខាងក្រោមនេះ ខ្ញុំមានវិធីសាស្រ្តពីរយ៉ាងដែលអ្នកអាចសាកល្បងបាន៖
ក្រូចឆ្មា និងផ្លែឪឡឹក
- ផ្លែឪឡឹកមួយផ្លែ
- ក្រូចឆ្មាមួយផ្លែ
ចូរកិនគ្រឿងផ្សំទាំងពីរនេះចូលគ្នា ហើយញ៉ាំវា ព្រោះវានឹងផ្តល់ជាជាតិប៉ូតាស្យូម និងវីតាមីន C ដល់រាងកាយ។ ប៉ុន្តែអ្នកក៏អាចបន្ថែមអំបិលខ្លះបានដែរ ដោយសារតែវាល្អចំពោះជំងឺទឹកនោមផ្អែម និងជួយច្រោះជាតិពុលបានល្អ ទោះបីជាមានគ្រួសក្នុងតម្រងនោមតូចៗក៏ដោយ។
ត្រសក់ និងការ៉ុត
- ការ៉ុតពីរមឺម
- ត្រសក់ធំមួយផ្លែ
អ្វីដែលអ្នកត្រូវធ្វើគឺកិតគ្រឿងផ្សំទាំងពីរនេះចូលគ្នា។ នេះគឺជាភេសជ្ជៈច្រោះជាតិពុលដ៏ឆ្លាតវៃដោយសារតែគ្រឿងផ្សំទាំងនេះមានផលល្អរបស់វារៀងខ្លួន ដូច្នេះបើបានប្រើទាំងពីរចូលគ្នាទៀត នឹងក្លាយទៅជាវត្ថុស័ក្តិសិទ្ធមិនខាន។(អាន:ថ្នាំងងុយគេង ពេលអ្នកគួរប្រើ) ៩០ភាគរយនៃជាតិទឹកដែលមានក្នុងត្រសក់បូករួមនឹងសារធាតុ Beta-carotene ក្នុងការ៉ុតទៀតនឹងផ្តល់ឲ្យរាងកាយនូវជីវជាតិគ្រប់គ្រាន់ដែលរាងកាយត្រូវការ។ អ្វីដែលកាន់តែសំខាន់ទៀតនោះ វានឹងច្រោះនូវអាស៊ីតអ៊ុយរិកដែលមានច្រើនខ្លាំងមកក្រៅផងដែរ៕