ស្គាល់ “គ្រាប់រីករាយ” ឬអត់? ប្រសើរណាស់ចំពោះសុខភាព ទប់ស្កាត់ជំងឺសាហាវជាច្រើន

គ្រាប់រីករាយ គឺមិនត្រឹមតែជាគ្រាប់ធញ្ញជាតិមួយប្រភេទដែលមានរសជាតិឆ្ងាញ់តែប៉ុណ្ណោះទេ ប៉ុន្តែអាចផ្ដល់ផលល្អប្រសើរជាច្រើនចំពោះសុខភាពរាងកាយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) នោះក៏ព្រោះតែគ្រាប់រីករាយមានផ្ទុកសម្បូរទៅដោយអាស៊ីតខ្លាញ់ល្អៗ ជាតិសសៃ ប្រូតេអ៊ីន រួមទាំងសារធាតុប្រឆាំងនឹងអុកស៊ីតកម្មដែលល្អសម្រាប់រក្សាសុខភាពរាងកាយរឹងមាំទប់ស្កាត់ជំងឺផ្សេងៗ ក៏ដូចជាជួយអោយស្រកទម្ងន់បានផងដែរ។ ថ្ងៃនេះវេបសាយសុខភាព Health.com.kh នឹងបង្ហាញអោយដឹងពីអត្ថប្រយោជន៍ស្មានមិនដល់នៃការទទួលទានគ្រាប់រីករាយ ៖

១. សុខភាពពោះវៀនធំ

គ្រាប់រីករាយ ជាប្រភពដ៏ប្រសើរនៃជាតិសសៃ dietary fiber។ ដូច្នេះហើយទើបការទទួលទានគ្រាប់រីករាយក្នុងបរិមាណសមល្មមជាប្រចាំអាចផ្ដល់អត្ថប្រយោជន៍យ៉ាងប្រសើរដល់ដំណើរការមុខងារពោះវៀនធំ។ ជាតិសសៃ​ Dietary fiber នៅក្នុងរបបអាហារជួយសម្រួលដល់ចលនាពោះវៀនឲ្យដំណើរការបានត្រឹមត្រូវជៀសផុតពីបញ្ហាផ្សេងៗទាក់ទងនឹងមុខងារនៃពោះវៀន។

២. បញ្ចុះសម្ពាធឈាម

នោះក៏ព្រោះតែគ្រាប់រីករាយមានផ្ទុកសម្បូរទៅដោយសារធាតុប្រឆាំងអុកស៊ីតកម្ម រួមបញ្ចូលទាំងសារធាតុ lutein សារធាតុ zeaxanthin សារធាតុ polyphenols វីតាមីន C វីតាមីន E ប៉ូតាស្យូម 
កាល់ស្យូម និងម៉ាញ៉េស្យូមដែលជួយបង្កើនភាពបត់បែននៃសសៃឈាម ហើយបញ្ចុះសម្ពាធឈាម។គ្រាប់ធញ្ញជាតិនេះក៏ជាប្រភពដ៏ប្រសើរនៃសារធាតុ l-arginine ដែលមានប្រសិទ្ធភាពខ្ពស់ក្នុងការបញ្ចុះសម្ពាធឈាមផងដែរ។ 

៣. សុខភាពភ្នែក

គ្រាប់រីករាយ គឺជាគ្រាប់ធញ្ញជាតិតែមួយគត់ដែលមានផ្ទុកបរិមាណដ៏ច្រើននៃសារធាតុ zeaxanthin និង lutein។ សារធាតុទាំងនេះជួយបង្កើនសុខភាពរាងកាយដោយកាត់បន្ថយហានិភ័យនៃជំងឺផ្សេងៗ ជាពិសេសជំងឺផ្សេងៗទាក់ទងជាមួយភ្នែក និងជំងឺមហារីក។

៤. គ្រប់គ្រងជំងឺទឹកនោមផ្អែម

គ្រាប់រីករាយ ជួយក្នុងការគ្រប់គ្រងជំងឺទឹកនោមផ្អែម តាមរយៈសារធាតុប្រឆាំងអុកស៊ីតកម្មដែលវាមានផ្ទុក។ សារធាតុប្រឆាំងអុកស៊ីតកម្មដែលមាននៅក្នុងគ្រាប់រីករាយអាចជួយកាត់បន្ថយដំណើរការនៃ glycation (ការផ្សារភ្ជាប់ខុសប្រក្រតីនៃជាតិស្ករជាមួយប្រូតេអ៊ីន)។

៥. មានផ្ទុកសម្បូរទៅដោយសារធាតុប្រឆាំងអុកស៊ីតកម្ម

គ្រាប់រីករាយ ក៏ជាប្រភពដ៏ប្រសើរនៃសារធាតុប្រឆាំងអុកស៊ីតកម្ម រួមបញ្ចូលទាំង betacarotene, lutein និង gamma-tocopherol។ សារធាតុ Beta-carotene ដើរតួជាវីតាមីន A និង gamma-tocopherol ជាវីតាមីន E។ វីតាមីនទាំងពីរ ជាសារធាតុប្រឆាំងអុកស៊ីតកម្មខ្ពស់ដែលធ្វើឲ្យការទទួលទានគ្រាប់រីករាយក្លាយជាវិធីដ៏មានប្រសិទ្ធិភាពបំផុតមួយជួយក្នុងការកាត់បន្ថយកម្រិតនៃកូឡេស្តេរ៉ូលមិនល្អ។ វត្តមាន​នៃ​សារធាតុ​ប្រឆាំង​អុក​ស៊ី​តកម្ម​ក្នុង​កម្រិត​ខ្ពស់ក៏​អាច​ជួយ​ទប់ស្កាត់​ផល​ប៉ះពាល់​ដោយ Oxidative ផងដែរ។

៦. សុខភាពបេះដូង

ការទទួលទានគ្រាប់រីករាយជួយរក្សាសុខភាពល្អរឹងមាំនៃបេះដូង នោះក៏ព្រោះតែគ្រាប់ធញ្ញជាតិនេះជាប្រភពដ៏ប្រសើរនៃជាតិខ្លាញ់ monounsaturated fats ដែលដើរតួនាទីយ៉ាងសំខាន់ក្នុងការកាត់បន្ថយកម្រិតនៃកូឡេស្តេរ៉ូលមិនល្អ។ ដូចដែលបានដឹងរួចមកហើយថា កូឡេស្តេរ៉ូលមិនល្អជាសត្រូវនៃសុខភាពបេះដូងល្អ ដោយវាអាចបង្កឲ្យស្ទះសសៃឈាមបេះដូង ជាហេតុនេះការនាំឈាមផ្គត់ផ្គត់បេះដូង គឺមិនគ្រប់គ្រាន់ដូចប្រក្រតីបណ្ដាលឲ្យគាំងបេះដូង  ព្រមទាំងបញ្ហានៃជំងឺបេះដូងផ្សេងៗ។

៧. ពង្រឹងប្រព័ន្ធភាពស៊ាំ

គ្រាប់រីករាយក៏ជាប្រភពដ៏ល្អបំផុតមួយនៃវីតាមីន B6 សារធាតុ betacarotene និងអាស៊ីត 
oleanolic ដែលមានឥទ្ធិពលអស្ចារ្យជួយពង្រឹងប្រព័ន្ធភាពស៊ាំនៃរាងកាយឲ្យមានលក្ខណៈកាន់តែប្រសើរឡើង និងដំណើរការមុខងារបានត្រឹមត្រូវ។ កម្រិតនៃសារធាតុប្រឆាំងអុកស៊ីតកម្មខ្ពស់ដែលមានក្នុងគ្រាប់រីករាយជួយទប់ស្កាត់ជំងឺផ្សេងៗ។

៨. ជួយអោយស្រកទម្ងន់

គ្រាប់រីករាយមានផ្ទុកសម្បូរទៅដោយជាតិខ្លាញ់ល្អ monounsaturated fats និងជាតិសសៃដែលជួយធ្វើឲ្យអ្នកឆ្អែតបានយូរ។ ហើយជាតិប្រូតេអ៊ីនក្នុងគ្រាប់រីករាយប្រើប្រាស់ជាតិខ្លាញ់ និងដុតបំផ្លាញជាតិខ្លាញ់ក្នុងរាងកាយជំនួសការរក្សាទុកវា៕