នរណាដែលមិនចង់មានធ្មេញសស្អាតគ្មានកំណកកំបោរនោះ? ទោះជាផលិតផលធ្វើឱ្យធ្មេញសមានដាក់លក់មិនខ្វះពេញទីផ្សារក៏ដោយ ប៉ុន្តែភាគច្រើននៃផលិតផលទាំងនោះអាចជះឥទ្ធិពលវិជ្ជមានគួរឱ្យបារម្ភ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) កុំបារម្ភ! ប្រសិនបើអ្នកចង់បានធ្មេញសស្អាតគួរឲ្យទាក់ទាញដោយមិនចាប់បាច់ចំណាយប្រាក់អស់ច្រើន ហើយមិនប៉ះពាល់អ្វីចំពោះសុខភាពនោះ ចូរសាកល្បងរូបមន្តតាមបែបធម្មជាតិដែលវេបសាយសុខភាព Health.com.kh នឹងបង្ហាញឱ្យដឹងខាងក្រោមនេះ ៖

១. ទឹកខ្មេះផ្លែប៉ោម

អ្វីដែលអ្នកត្រូវធ្វើ គឺគ្រាន់តែលាយទឹកខ្មេះផ្លែប៉ោម ចំនួនកន្លះស្លាបព្រាកាហ្វេជាមួយទឹកធម្មតា
១ ពែង។ កូរឱ្យសព្វ សឹមខ្ពុរមាត់ជាមួយទឹកល្បាយនេះនៅមុនពេលដុសធ្មេញ។ អនុវត្តឱ្យបានយ៉ាង
ហោចណាស់ពី ២ ទៅ ៣ ដងក្នុងមួយសប្តាហ៍រាល់ព្រឹក។

២. ប្រេងដូងនិងរមៀត

អ្វីដែលអ្នកត្រូវធ្វើ គឺលាយប្រេងដូងជាមួយម្ស៉ៅរមៀតក្នុងបរិមាណសមល្មមរហូតដល់ក្លាយជាល្បាយខាប់ៗ។ ដុសធ្មេញជាមួយល្បាយនេះ និងទុកចោលសម្រាប់រយៈពេល ១០ នាទី សឹមខ្ពុរសម្អាតមាត់ចេញជាមួយទឹកធម្មតា។ បន្ទាប់មកដុសធ្មេញម្ដងទៀតជាមួយថ្នាំដុសធ្មេញជាការស្រេច។ អនុវត្តអោយបាន ៣ ដងក្នុងមួយសប្តាហ៍ជាប្រចាំ។

៣. ម្ស៉ៅ Baking soda និងអំបិល

រូបមន្តនេះមិនត្រឹមតែជួយធ្វើអោយធ្មេញសប៉ុណ្ណោះទេ ប៉ុន្តែក៏ជួយកម្ចាត់កំណកកំបោរជាប់ធ្មេញផង
ដែរ! អ្វីដែលអ្នកត្រូវធ្វើ គឺគ្រាន់តែលាយម្ស៉ៅ baking soda ចំនួន ១ ស្លាបព្រាបាយ ជាមួយអំបិលមួយច្បិចដៃ ហើយដាក់ល្បាយនេះលើច្រាសដុសធ្មេញ រួចចាប់ផ្ដើមដុសសម្អាតធ្មេញរបស់អ្នកជាមួយល្បាយនេះដូចធម្មតាជាការស្រេច។ ទោះជាយ៉ាងណា មិនត្រូវដុសសម្អាតធ្មេញជាមួយម្ស៉ៅ baking soda លើសពី ១ ដង ក្នុងមួយសប្តាហ៍ឡើយព្រោះវាអាចបណ្ដាលអោយខូចកាចាធ្មេញ។

៤. ម្ស៉ៅ Baking soda និងទឹកក្រូចឆ្មារ

លាយម្ស៉ៅ baking soda មួយច្បិចដៃជាមួយទឹកក្រូចឆ្មារស្រស់ប៉ុន្មានដំណក់អោយក្លាយជាល្បាយខាប់ៗ រួចកូរអោយសព្វ សឹមដុសធ្មេញជាមួយល្បាយនេះដូចធម្មតាជាការស្រេច។ ទោះជាយ៉ាងណា មិនត្រូវអនុវត្តរូបមន្តនេះលើសពី ១ ដង ក្នុងមួយសប្តាហ៍ឡើយព្រោះវាអាចបណ្ដាលអោយខូចកាចាធ្មេញ។

៥. ស្ត្របឺរី

អ្វីដែលអ្នកត្រូវធ្វើ គឺគ្រាន់តែកិនស្ត្របឺរីទុំមួយផ្លែអោយម៉ដ្ឋ រួចដុសសម្អាតធ្មេញជាមួយល្បាយនេះសម្រាប់រយៈពេលពី ២ ទៅ ៣ នាទី សឹមខ្ពុរសម្អាតមាត់ចេញជាមួយទឹកធម្មតា៕