មនុស្សភាគច្រើនតែងតែចៀសមិនផុតឡើយពីអាការៈឈឺចាប់នៅពេលលេបទឹកមាត់ម្តងៗ។ ប៉ុន្តែចំពោះមូលហេតុរបស់វាវិញច្រើនតែស្រួលបួលទៅវិញដោយខ្លួនឯងនៅរយៈពេលពីរបីថ្ងៃគ្រោយ មានន័យថាគឺមិនបាច់ភ័យខ្លាចចំពោះមូលហេតុរបស់វាឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ តាមរយៈអត្ថបទមួយនេះ ខ្ញុំនឹងបង្ហាញអំពីមូលហេតុញឹកញាប់មួយចំនួនដែលនាំឲ្យមានការឈឺចាប់នៅពេលលេបទឹកមាត់ម្តងៗ ហើយវាក៏អាចជាដើមហេតុនាំឲ្យពិបាកលេបអាហារ ឬទឹកដែរ។
ជំងឺផ្តាសាយ
មូលហេតុញឹកញាប់បំផុតដែលនាំឲ្យឈឺចាប់ពេលលេបទឹកមាត់ម្តងៗគឺជំងឺផ្តាសាយតែម្តង។ រឿងនេះអាចបង្កឡើងដោយការបង្ករោគពីវីរុសនៅផ្លូវដង្ហើមខាងលើ ហើយក៏មាននៅក្នុងបំពង់ករដែរ។ ជាធម្មតា ជំងឺភ្តាសាយតែងកើតជាមួយគ្នានឹងការក្អក ដែលធ្វើឲ្យរលាកដល់បំពង់ករ ទើបវាធ្វើឲ្យមានការឈឺបំពង់ករនៅពេលលេបទឹកមាត់។
រលាកក្រពេញអាមីដាស
នៅផ្នែកខាងក្រោយរបស់បំពង់ករមានដុំសាច់មួយគូរនៅសងខាងបំពង់ករដែលហៅថាក្រពេញអាមីដាស ហើយវាក៏ជាកន្លែងដែលចាប់មេរោគជាច្រើនដែរដូចជា បាក់តេរី និងវីរុសនៅពេលដកដង្ហើម ញ៉ាំអាហារ ឬទឹកផងដែរ។ ដោយសារតែវាមាននាទីចាប់មេរោគ ប៉ុន្តែមិនមែនមានន័យថា វាមិនចេះមានជំងឺឡើយ តែអាចមានការរលាកដូចគ្នា។ ក្រោយពីរលាកហើយ វាក៏អាចនាំឲ្យមានការឈឺចាប់នៅពេលលេបទឹកមាត់ថែមទៀត។
ការបង្ករោគដោយមេរោគផ្សិត
ថ្វីបើអ្វីដែលមនុស្សភាគច្រើនជឿនោះគឺថា ការបង្ករោគដោយមេរោគផ្សិតមិនគ្រាន់តែកើតឡើងនៅទ្វារមាសប៉ុណ្ណោះទេ តែវាក៏អាចប៉ះពាល់ដល់មាត់ផងដែរ ព្រមទាំងធ្វើឲ្យមានអារម្មណ៍ឈឺចាប់នៅពេលលេបទឹកមាត់ថែមទៀត។ ជាក់ស្តែកការបង្ករោគផ្សិតនៅមាត់អាចធ្វើឲ្យមានកំណកពណ៌ស ឬក្រហមនៅក្នុងមាត់ និងបង្ករសជាតិមិនល្អក្នុងមាត់ផង។
ការច្រាលទឹកអាស៊ីតក្រពះ
គ្រប់គ្នាដឹងការពិតថា ការច្រាលទឹកអាស៊ីតក្រពះគឺជារឿងដែលនាំឲ្យក្រហាយដើមទ្រូង។ មិនមែនគ្រប់គ្នាដឹងថា វាក៏អាចធ្វើឲ្យឈឺចាប់ពេលលេបទឹកមាត់ដែរនោះទេ ជាពិសេសនៅពេលអាស៊ីតក្រពះច្រាលដល់ក្នុងមាត់ និងបង្កជាការរលាកដល់បំពង់ករតែម្តង។(អាន:ថ្នាំងងុយគេង ពេលអ្នកគួរប្រើ) វាទំនងជាធ្វើឲ្យឈឺខ្លាំងនៅពេលលេបទឹកមាត់ណាស់ ជាពិសេសបើសិនជាការក្អកកើតឡើងជាមួយគ្នានឹងការមានរសជាតិដែកៗក្នុងមាត់ថែមទៀត៕