Join with Health.com.kh on Telegram

ការរក្សាបាននូវបរិមាណជាតិដែកគ្រប់គ្រាន់ក្នុងរាងកាយ គឺពិតជាសំខាន់ណាស់ក៏ព្រោះជាតិរ៉ែនេះមានប្រសិទ្ធភាពជួយបង្កើនសមត្ថភាពរបស់ឈាមក្នុងការដឹកជញ្ជូនម៉ូលេគុលអុកស៊ីសែនទៅកាន់គ្រប់សរីរាង្គ រួមទាំងខួរក្បាល។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ជាតិដែកក៏ចាំបាច់សម្រាប់ការផលិតថាមពលរាងកាយផងដែរ។ កង្វះជាតិដែកអាចនាំអោយកើតមានជំងឺខ្វះគ្រាប់ឈាមក្រហម និងបញ្ហាអស់កម្លាំងជាប្រចាំ។ ក្រៅពីថ្នាំគ្រាប់ជាតិដែកហើយនោះថាតើប្រភពធម្មជាតិនៃជាតិដែកមានអ្វីខ្លះទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារដែលមានផ្ទុកសម្បូរទៅដោយជាតិដែក ៖ 

១. ថ្លើ

ត្រឹម ២៨ក្រាមនៃថ្លើមជ្រូក គោ មាន់ ឬចៀមអាចផ្ដល់អោយរាងកាយនូវជាតិដែកដល់ទៅ ៣៦ ភាគ
រយ​​​នៃតម្រូវការចាំបាច់ប្រចាំថ្ងៃ។ ក្រៅពីមានផ្ទុកសម្បូរទៅដោយជាតិដែក ថ្លើមក៏ជាប្រភពដ៏ប្រសើរនៃវីតាមីននិងជាតិរ៉ែចាំបាច់ជាច្រើនផ្សេងទៀតដែលល្អសម្រាប់សុខភាពរាងកាយទាំងមូល។ ហើយប្រសិនបើអ្នកកំពុងជួបប្រទះបញ្ហាខ្វះគ្រាប់ឈាមក្រហម ចូរកុំភ្លេចបន្ថែមថ្លើមក្នុងរបបអាហារប្រចាំថ្ងៃអោយសោះ។

២. បន្លែបៃតង

មិនត្រឹមតែជាប្រភពដ៏ប្រសើរនៃជាតិដែកប៉ុណ្ណោះទេ ប៉ុន្តែបន្លែបៃតងក៏មានផ្ទុកសម្បូរទៅដោយអាស៊ីត folic ជាតិសសៃ និងវីតាមីន C រួមទាំងវីតាមីនច្រើនផ្សេងទៀតដែលចាំបាច់សម្រាប់សុខភាពផងដែរ។ 

៣. អយស្ទ័រ

អយស្ទ័រជាប្រភេទអាហារសមុទ្រម្យ៉ាងដែលកំពុងពេញនិយមមានផ្ទុកសម្បូរទៅដោយសារធាតុចិញ្ចឹមជាច្រើន រួមបញ្ចូលទាំងជាតិដែក ប្រូតេអ៊ីន niacin និងវីតាមីន B12។ ការទទួលទានត្រឹម ២៥ ក្រាមនៃអាហារសមុទ្រនេះអាចផ្ដល់អោយរាងកាយនូវជាតិដែកប្រមាណដល់ទៅ ១៣ ភាគរយនៃតម្រូវការប្រចាំថ្ងៃ។ 

៤. បង្គា

មានផ្ទុកសម្បូរទៅដោយជាតិរ៉ែនិងសារធាតុចិញ្ចឹមសំខាន់ៗ ក៏ដូចជាប្រូតេអ៊ីន វីតាមីន អាស៊ីតខ្លាញ់អូមេហ្គា ៣ រួមទាំងជាតិដែកដែលធ្វើអោយការទទួលទានគ្រឿងសមុទ្រនេះអាចជួយរាងកាយក្នុងការបង្កើនការផលិតកោសិកាគ្រាប់ឈាមក្រហម។

៥. គ្រាប់ធញ្ញជាតិ

ក៏ជាប្រភពធម្មជាតិដ៏ល្អបំផុតមួយនៃជាតិដែក។ ទោះជាយ៉ាងណាអ្នកមិនគួរទទួលទានច្រើនជាងមួយក្ដាប់ដៃពេញក្នុងមួយថ្ងៃឡើយ។

៦. សាច់គ្មានខ្លាញ់

អ្នកអាចដោះស្រាយបញ្ហាខ្វះគ្រាប់ឈាមក្រហមបានយ៉ាងឆាប់រហ័សតាមរយៈការទទួលទានសាច់គ្មានខ្លាញ់ ជាពិសេសសាច់ក្រហមក៏ព្រោះវាមានផ្ទុកសម្បូរទៅដោយជាតិដែក។ ទោះជាយ៉ាងណាដើម្បីជាការប្រសើរ អ្នកគួរទទួលទានសាច់លាយជាមួយនឹងបន្លែបៃតងផ្សេងៗ។ ការទទួលទានសាច់គ្មានខ្លាញ់ក៏ផ្ដល់អោយរាងកាយនូវប្រូតេអ៊ីន ម៉ាញ៉េស្យូម ផូស្វ័រ ស័ង្កសី វីតាមីន B1 b6 និងវីតាមីន B12 
ផងដែរ។

៧. ផ្លែទទឹម

នោះក៏ព្រោះតែទទឹមមានផ្ទុកសម្បូរទៅដោយជាតិដែក រួមទាំងជាតិរ៉ែសំខាន់ៗផ្សេងទៀតដែលចាំបាច់សម្រាប់បង្កើនការផលិតកោសិកាឈាមក្រហមកាន់តែច្រើនក្នុងរាងកាយ។ លើសពីនេះទៅទៀតទទឹមក៏ជាប្រភពដ៏ល្អបំផុតមួយនៃវីតាមីន C ដែលជួយបង្កើនសមត្ថភាពរាងកាយក្នុងការស្រូបយកជាតិដែក។ 

៨. ស៊ុត

ក្រៅពីមានផ្ទុកសម្បូរទៅដោយប្រូតេអ៊ីនគុណភាពល្អហើយនោះ ស៊ុតក៏ជាប្រភពដ៏ប្រសើរបំផុតមួយនៃជាតិដែកផងដែរ។ បរិមាណខ្ពស់នៃជាតិដែកក្នុងស៊ុតជួយក្នុងការបង្កើនការផលិតកោសិកាគ្រាប់ឈាមក្រហមទប់ស្កាត់ហានិភ័យនៃជំងឺខ្វះគ្រាប់ឈាមក្រហម៕