កូឡេស្តេរ៉ុលគឺជាសារធាតុខ្លាញ់មួយប្រភេទដែលថ្លើមផលិតឡើងដើម្បីប្រើប្រាស់ទៅតាមតម្រូវការផ្សេងៗរបស់រាងកាយ។ ប៉ុន្តែនៅពេលវាត្រូវបានផលិតច្រើនពេក វាអាចនាំឲ្យមានបញ្ហាដល់សុខភាពបានដូចជា ប្រឈមកាន់តែខ្ពស់នឹងបញ្ហាសុខភាពបេះដូង និងដាច់សរសៃឈាមខួរក្បាលជាដើម។ ការលើសកូឡេស្តេរ៉ុលបែបនេះអាចបណ្តាលមកពីរបៀបរស់នៅមិនផ្តល់សុខភាព ហ្សែន ជំងឺ និងប្រើថ្នាំមួយចំនួន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ ដើម្បីបញ្ចុះកូឡេស្តេរ៉ុលមកធម្មតាវិញ អ្នកអាចសាកល្បងវិធីធម្មជាតិដូចខាងក្រោមនេះបាន

បន្ថយការញ៉ាំខ្លាញ់ប្រភេទ Saturated Fats

ខ្លាញ់ប្រភេទនេះជាធម្មតាមាននៅក្នុងប័រ សាច់ក្រហម ប្រេងឆា សាច់ជ្រូក និងស្បែកសាច់មាន់។ អ្នកជំនាញនិយាយថា របបអាហារយើងគួរតែមានខ្លាញ់ប្រភេទនេះតែ ៥ ទៅ ៦ភាគរយប៉ុណ្ណោះ ព្រោះកាលណាមានច្រើនពេក វានឹងបង្កើនកូឡេស្តេរ៉ុលអាក្រក់ក្នុងឈាមបាន។ 

ញ៉ាំវីតាមីន C ឲ្យបានច្រើន

វីតាមីន C គឺជាអង់ទីអុកស៊ីដង់មួយប្រភេទដែលអាចបន្ថយការរលាកក្នុងរាងកាយបាន។ តាមការសិក្សាបានឲ្យដឹងថា អង់ទីអុកស៊ីដង់ពិសេសមួយនេះអាចបញ្ចុះកូឡេស្តេរ៉ុលផង និងខ្លាញ់ Triglyceride ផង។ ក្រៅពីលេបថ្នាំវីតាមីន C អ្នកក៏អាចទទួលបានអង់ទីអុកស៊ីដង់នេះពីអាហារផ្សេងៗដូចជា ផ្លែគីវី ម្នាស់ ល្ហុង និងបន្លែប្រភេទក្តោបៗបានដែរ។ 

ជ្រើសរើសខ្លាញ់ប្រភេទ Polyunsaturated Fats

ខ្លាញ់ប្រភេទនេះមានលក្ខណៈដូចជា អូមេហ្គាបី និង អូមេហ្គាប្រាំមួយ ដែលត្រូវបានគេរកឃើញថាមានប្រយោជន៍ក្នុងការបន្ថយចំនួនកូឡេស្តេរ៉ុលអាក្រក់ ខណៈពេលបង្កើនកូឡេស្តេរ៉ុលល្អវិញ។ ការសិក្សាបានឲ្យដឹងថា ខ្លាញ់ត្រីសម្បូរខ្លាញ់មួយនេះ ហើយក៏អាចបន្ថយបញ្ហាបេះដូងលោតខុសប្រក្រតីផង។ ប្រភពនៃខ្លាញ់ Polyunsaturated Fats នេះមានក្នុងត្រី ឬផ្លែវ៉ុលណាត់។ 

ញ៉ាំខ្ទឹមស

បើសិនជាអ្នកមិនបានប្រើប្រាស់ខ្ទឹមសដើម្បីធ្វើម្ហូបទេ យកល្អគួរតែចាប់ផ្តើមប្រើប្រាស់វាទៅ ដោយសារតែវាត្រូវបានគេរកឃើញថា អាចបន្ថយចំនួនកូឡេស្តេរ៉ុល និងខ្លាញ់ Triglycerides ក្នុងឈាមបាន។ ក្រៅពីនេះ ខ្ទឹមសក៏អាចប្រឆាំងនឹងមេរោគផ្សិត បាក់តេរី ព្រមទាំងវីរុសផងដែរ។ 

ញ៉ាំអាហារសម្បូរជាតិសរសៃរលាយ

ការញ៉ាំអាហារសម្បូរជាតិសរសៃរលាយក៏ជាមធ្យោបាយដ៏ល្អមួយក្នុងការបន្ថយចំនួនកូឡេស្តេរ៉ុលក្នុងឈាមបាន ដោយសារតែវានឹងទៅតោងជាតិខ្លាញ់ និងកូឡេស្តេរ៉ុលមុនពេលច្រោះចេញពីរាងកាយ។ (អាន:ថ្នាំងងុយគេង ពេលអ្នកគួរប្រើ)អ្នកអាចរកអាហារប្រភេទនេះបានពីក្នុងបន្លែគ្រប់ប្រភេទ និងគ្រាប់ធញ្ញជាតិ៕