ពេលឈឺពោះដោយសារតែគ្រួសថង់ទឹកប្រមាត់ កុំភ្លេចសាកល្បងវិធីបែបនេះ

តើអ្នកកំពុងតែឈឺចាប់ក្នុងពោះដែលឈឺម្តងៗចាក់ទៅខ្នងមែនទេ? វាប្រហែលជាការឈឺចាប់ដោយសារតែគ្រួសក្នុងថង់ទឹកប្រមាត់ហើយ។ គ្រួសក្នុងថង់ប្រមាត់បង្កឡើងដោយមានកូឡេស្តេរ៉ុលក្នុងឈាមច្រើន ឬដោយសារតែ Bilirubin។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)សំណាងដែរ មានវិធីព្យាបាលដោយខ្លួនឯងច្រើនណាស់ដែលអាចជួយបន្ថយការឈឺចាប់នេះបានដូចជា៖

រមៀត និងទឹកឃ្មុំ

ទាំងរមៀត និងទឹកឃ្មុំត្រូវបានគេដឹងថា មានប្រយោជន៍ច្រើនណាស់ដែលអ្នកជំនាញទទួលស្គាល់។ រមៀតអាចជួយបន្ថយការកើតគ្រួសក្នុងថង់ទឹកប្រមាត់ដោយសារតែមានកូឡេស្តេរ៉ុលខ្ពស់បាន។ ទឹកឃ្មុំវិញអាចបំបាត់ការបង្ករោគខណៈពេលបន្ថយការឈឺចាប់ដែលចាក់ទៅខ្នង។ អ្វីដែលអ្នកគួរធ្វើគឺ លាយទឹកឃ្មុំមួយស្លាបព្រាបាយ ជាមួយម្សៅរមៀតមួយស្លាបព្រាកាហ្វេ ហើយកូវាឲ្យសប់ ញ៉ាំតិចៗ តែម្តងក្នុងមួយថ្ងៃបានហើយ។ 

ជីអង្កាម

យើងទាំងអស់គ្នាដឹងហើយថា ជីអង្កាមជារបស់ដ៏ល្អមួយដើម្បីផ្តល់ក្លិនមាត់ស្រស់ស្រាយ ហើយវាក៏មានប្រយោជន៍ក្នុងការព្យាបាលចង្កោមរោគសញ្ញារលាកពោះវៀនផងដែរ។ ជីអង្កាមក៏អាចប្រើដើម្បីបន្ថយការឈឺចាប់បង្កឡើងដោយគ្រួសក្នុងថង់ទឹកប្រមាត់ថែមទៀត។ អ្វីដែលត្រូវការ គឺទឹកមួយពែង ទឹកឃ្មុំមួយស្លាបព្រាបាយ និងស្លឹកជីង្កាមដែលស្ងួតម៉ត់មួយស្លាបព្រាកាហ្វេ។ ចូរដាំទឹកឲ្យពុះសិន ចាំដាក់ស្លឹកជីអង្កាមខ្លះចូល។ ចូរយកទឹកចេញពីឆ្នាំ ហើយចាំចាក់ទឹកឃ្មុំចូលរួចកូរឲ្យសប់។ បន្ទាប់មកអ្នកអាចញ៉ាំវាបានហើយ។ 

ទឹកក្រូចឆ្មា

ទឹកក្រូចឆ្មាច្រើនតែត្រូវបានគេប្រើប្រាស់សម្រាប់ព្យាបាលបញ្ហាសុខភាពជាច្រើនខុសៗគ្នា។ សារធាតុសកម្មក្នុងភេសជ្ជៈមួយនេះត្រូវបានគេជឿថា ជួយរំលាយកូឡេស្តេរ៉ុល ដើម្បីបន្ថយការឈឺចាប់។ សារធាតុ Pectin ដែលមានក្នុងក្រូចឆ្មា ក៏មានប្រយោជន៍ក្នុងការបញ្ចុះកូឡេស្តេរ៉ុលក្នុងឈាមផងដែ។ អ្វីដែលត្រូវការគឺ ទឹកក្រូចឆ្មា ៤ស្លាបព្រាបាយ និងទឹកក្តៅឧណ្ហៗមួយកែវ។(អាន:ថ្នាំងងុយគេង ពេលអ្នកគួរប្រើ) ចូរយករបស់ទាំងពីរនេះលាយចូលគ្នា ហើយញ៉ាំវាម្តងក្នុងមួយថ្ងៃ៕