បើយោងទៅតាមមជ្ឈមណ្ឌលគ្រប់គ្រង និងបង្ការជំងឺ (CDC) បានឲ្យដឹងថា ប្រជាជនអាមេរិកមាន មួយភាគបីហើយដែលមានទម្លាប់គេងមិនបាន ៦ម៉ោងផងក្នុងមួយយប់។ អ្វីដែលជាដំណឹងអាក្រក់ចំពោះរឿងនេះគឺថា វានឹងផ្តល់ផលប៉ះពាល់ដល់សុខភាពយ៉ាងច្រើន ព្រមទាំងកាត់បន្ថយការចងចាំថែមទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ដូច្នេះដើម្បីឲ្យអ្វីៗកាន់តែប្រសើរឡើងវិញ យកល្អគួរតែគេងឲ្យបានគ្រប់គ្រាន់ ជាពិសេសមនុស្សធំគេងពី ៧ ទៅ៨ម៉ោងក្នុងមួយយប់។ អ្នកអាចបង្កើនការគេងកាន់តែល្អឡើងវិញបានតាមរយៈវិធីធម្មជាតិដូចខាងក្រោមនេះ៖ 

បង្កើតពេលវេលាចូលគេងឲ្យទៀងទាត់

ទាក់ទងនឹងវិធីមួយនេះ យកល្អគួរតែមានទម្លាប់ចូលគេងនៅពេលវេលាដដែលៗជាទៀងទាត់ និងរាល់ថ្ងៃ ទោះបីជាថ្ងៃឈប់សម្រាក និងថ្ងៃចុងសប្តាហ៍ក៏ដោយ ដើម្បីឲ្យរាងកាយស៊ាំនឹងទម្លាប់នេះ ហើយគេងបានគ្រប់។ 

ហាត់ប្រាណ

សម្រាប់អ្នកដែលមានទម្លាប់ធ្វើការដោយអង្គុយច្រើនជាងដើរ ហើយចាំណាយពេលវេលាហាត់ប្រាណត្រឹម ៤ដងក្នុងមួយសប្តាហ៍ នឹងអាចពង្រឹងដល់គុណភាពនៃការគេងបាន។ សម្រាប់អ្នកធ្វើស្រែចំការវិញ ពួកគេច្រើនតែមិនសូវមានបញ្ហាបាក់ទឹកចិត្ត ឬគេងមិនសូវលក់នោះទេ នេះដោយសារតែពួកគេធ្វើការរាងកាយច្រើន។ 

ផ្លាស់ប្តូររបបអាហារ

ចូរកាត់បន្ថយភេសជ្ជៈ និងអាហារណាដែលមានជាតិកាហ្វេអ៊ីនដូចជា តែ កាហ្វេ ភេសជ្ជៈមានជាតិហ្គាស និងសូកូឡានៅពេលរសៀល។ សម្រាប់អាហារពេលយប់គួរតែញ៉ាំឲ្យបានមុនចូលគេងពីរទៅបីម៉ោង។ ចូរតមការញ៉ាំអាហារហឹរ ឬអាហារច្រើនៗមុនចូលគេង។ 

ឈប់ជក់បារី

តាមការសិក្សាបានឲ្យដឹងថា អ្នកជក់បារីទំនងជាគេងមិនបានលក់ស្រួលនៅពេលយប់ខ្លាំងជាងអ្នកមិនជក់បារីរហូតដល់ ៤ដងឯណោះ។ នេះដោសយារតែសារធាតុ Nicotine ធ្វើឲ្យគេភ្ញាក់ជាប់នៅពេលយប់។ 

ចូរមានទម្លាប់ល្អមុនពេលចូលគេងដែលអាចសម្រួលដល់ការគេងលក់

ចូរបញ្ឈប់ការមើលឧបករណ៍អេឡិចត្រូនិចទាំងអស់ដូចជា ទូរទស្សន៍ កុំព្យូទ័រ វីដេអូហ្គេម ឬទូរស័ព្ទ យ៉ាងហោចណាស់មួយម៉ោងមុនចូលគេង។ ឧបករណ៍ទាំងអស់នេះហើយ ជាអ្នកធ្វើឲ្យខួរក្បាលពិបាកនឹងគេងលក់។ 

គេងក្នុងភាពងងឹត

ពន្លឺភ្លើងគឺជារបស់ដែលជួយដាស់ខួរក្បាលឲ្យភ្ញាក់ ដូច្នេះដើម្បីគេងលក់បានកាន់តែស្រួល គួរតែធ្វើឲ្យបន្ទប់គេងងងឹតបំផុតតាមតែអាចធ្វើទៅបាន។ 

ដំណមក្នុងកន្លែងគេង

បន្ទប់គេងគួរតែជាកន្លែងសម្រាប់តែគេងប៉ុណ្ណោះ ដូច្នេះអ្នកមិនត្រូវយកវាសម្រាប់ធ្វើការងារ ញ៉ាំអាហារ ឬមើលទូរទស្សន៍ឡើយ។ (អាន:ថ្នាំងងុយគេង ពេលអ្នកគួរប្រើ)បើសិនជាអ្នកភ្ញាក់ពីគេងនៅពេលយប់ អ្នកពិតជាត្រូវប្រើប្រាស់របស់ទាំងនោះដែលមានក្នុងបន្ទប់គេង ហើយក៏គេងមិនងាយលក់វិញដែរ៕