តើអ្នកកំពុងមានបញ្ហាស្បែកនៅត្រង់កែងជើងឡើងក្រិនមែនទេ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះតើកូនស្រីរបស់អ្នកចេះតែរមាស់ស្បែកមែនទេ?) កុំបារម្ភ! រូបមន្តបែបធម្មជាតិងាយៗមួយចំនួនអាចដោះស្រាយបញ្ហានេះបានយ៉ាងឆាប់រហ័ស ហើយអ្នកនឹងទទួលបានប្រអប់ជើងទន់រលោងស្អាតដូចបំណង។ ថាតើរូបមន្តទាំងនោះមានអ្វីខ្លះទៅ? ខាងក្រោមវេបសាយសុខភាព Health.com.kh នឹងបង្ហាញអោយដឹងពីរូបមន្តបែបធម្មជាតិងាយៗ ប៉ុន្តែមានប្រសិទ្ធភាពខ្ពស់ក្នុងការកម្ចាត់បញ្ហាស្បែកក្រិនត្រង់កែងជើង ៖
១. ថ្នាំគ្រាប់អាស្ពីរីននិងក្រូចឆ្មារ
អ្វីដែលអ្នកត្រូវធ្វើ គឺគ្រាន់តែកិនថ្នាំអាស្ពីរីនប្រមាណពី ៥ ទៅ ៦ គ្រាប់អោយម៉ដ្ឋជាម្ស៉ៅ រួចលាយវាជាមួយទឹកក្រូចឆ្មារស្រស់មួយចំនួនរហូតក្លាយជាល្បាយខាប់ៗ។ លាបល្បាយនេះត្រង់ស្បែកកែងជើង
ដែលក្រិន ហើយប្រើប្រាស់ក្រណាត់ស្អាតក្ដៅឧណ្ហៗរុំពីលើ រួចរុំថង់ផ្លាស្ទិកពីលើមួយជាន់ទៀតសម្រាប់រយៈពេល ១០ នាទី។ ដោះក្រណាត់និងថង់ចេញ រួចប្រើប្រាស់ថ្មខាត់ដុសពីលើស្បែកក្រិនជាការស្រេច។ កុំអនុវត្តរូបមន្តនេះអោយសោះប្រសិនបើអ្នកមានជំងឺទឹកនោមផ្អែម ឬប្រតិកម្មនឹងថ្នាំអាស្ពីរីន។
២. ម្ស៉ៅ baking soda
លាយម្ស៉ៅ baking soda ជាមួយទឹកធម្មតារហូតដល់ក្លាយជាល្បាយខាប់ៗ រួចលាបវាលើស្បែកក្រិនរាល់ថ្ងៃជាការស្រេច។ បន្តអនុវត្តរហូតទទួលបានលទ្ធផលគាប់ចិត្ត។
៣. សំបកម្នាស់
អ្វីដែលអ្នកត្រូវធ្វើ គឺគ្រាន់តែលាបទឹកម្នាស់ស្រស់ពេញស្បែកកែងជើងដែលក្រិន បន្ទាប់មកដាក់សំបកផ្លែម្នាស់ពីលើ រួចប្រើប្រាស់ក្រណាត់ស្អាតរុំពីលើកុំអោយជ្រុះសម្រាប់រយៈពេល ១ យប់ពេញមួយសប្តាហ៍ជាការស្រេច។
៤. ប្រទាលកន្ទុយក្រពើ
អ្វីដែលអ្នកត្រូវធ្វើ គឺគ្រាន់តែលាបជែល ឬសាច់ប្រទាលកន្ទុយក្រពើស្រស់លើស្បែកក្រិន រួចប្រើប្រាស់ស្បៃស្អាតរុំពីលើសម្រាប់រយៈពេលពេញ ១ យប់ជាការស្រេច។ បន្តអនុវត្តរហូតដល់ទទួលបានលទ្ធផលគាប់ចិត្ត។
៥. ទឹកខ្មេះផ្លែប៉ោម
ជ្រលក់សំឡីមួយដុំតូចក្នុងទឹកខ្មេះផ្លែប៉ោម រួចផ្ដិតៗវាលើស្បែកកែងជើងដែលក្រិន។ ទុកចោលសម្រាប់រយៈពេលពេញ ១ យប់ និងប្រើប្រាស់ថ្មខាត់ដុសស្បែកក្រិនចេញនៅពេលព្រឹកជាការស្រេច៕