ក្មេង​ៗ​សិស្ស​សាលា​មួយ​ក្រុម​ដែល​មាន​អាយុ​ចន្លោះ​ពី ១១ ដល់​១៦​ឆ្នាំ​រួម​ជាមួយ​គ្រូ​បង្វឹក​ពីរ​នាក់ បាន​បាត់​ខ្លួន​ក្នុង​រូងភ្នំ​មួយ​នៅ​ខេត្ត ឈៀងរ៉ៃ​ប្រទេស​ថៃ​កាល​ពី​ថ្ងៃ​សៅរ៍។

ក្រុម​អ្នក​មុជ​ទឹក​នៅ​តែ​បន្ត​ការ​ស្វែង​រក​ពួក​គេ​កាល​ពី​ម្សិល​មិញ ក្រោយ​ពេល​ទឹក​ក្នុង​រូង​ភ្នំ​ឡើង​ខ្ពស់​និង​បង្អាក់​ដំណើរ​ការ​របស់​ពួកគេ។ យ៉ាង​ណា​មិញ ពួកគេ​ត្រូវ​បាន​រាយការណ៍ថា បាន​រក​ឃើញ​ស្នាម​ដាន​ជើង​ថ្មី​ៗ​ក្នុង​រូង​ភ្នំ ហើយ​សង្ឃឹម​ថា​ក្មេង​ៗ​ទាំង​នោះ អាច​នៅ​មាន​ជីវិត។

យោង​តាម​ឧបនាយករដ្ឋមន្ត្រី​លោក Prawit Wongsuwon បាន​និយាយ​កាល​ពី​ថ្ងៃ​អង្គារ​ថា “យើង​នៅ​តែ​មាន​សុទិដ្ឋិនិយម​ថា​ពួក​គេ​នៅ​រស់ បើ​ទោះ​បី​ជា​ពួក​គេ​មិន​មាន​របស់​ញ៉ាំ​ក៏​ដោយ ប៉ុន្តែ​ពួកគេ​អាច​មាន​ទឹក​សម្រាប់​ញ៉ាំ​ហើយ។”

គួរ​បញ្ជាក់​ថា​ រូង​ភ្នំ Tham Luang Nang Non គឺ​ជា​កន្លែង​ទាក់​ទាញ​ភ្ញៀវ​ទេសចរ​មួយ​ក្នុង​ប្រទេស​ថៃ ដែល​ស្ថិត​នៅ​ចម្ងាយ​ច្រើន​គីឡូម៉ែត្រ​ទៅ​ក្នុង​ដី៕


ប្រភព៖ sabay.com.kh