Join with Health.com.kh on Telegram

ឃឹនឆាយ គឺជាបន្លែដ៏ល្អមួយប្រភេទដោយសារតែវាសម្បូរទៅដោយវីតាមីនទាំងអស់ដែលរាងកាយត្រូវការ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែវាក៏ផ្តល់នូវ Phytonutrients ផងដែរ។ Phytonutrients គឺជាសារធាតុគីមីរបស់រុក្ខជាតិដែលប្រើដើម្បីបង្ការការខូចខាតដោយសារពន្លឺព្រះអាទិត្យ និងសត្វល្អិត ប៉ុន្តែឥទ្ធិពលរបស់វាទៅលើមនុស្សក៏មានដែរ គឺទប់ស្កាត់ការរលាក និងដើរតួនាទីជាអង់ទីអុកស៊ីដង់តែម្តង។ ជាមួយគ្នានេះដែរ Phytonutrients ត្រូវបានគេដឹងទៀតថា អាចជួយជួសជុលការខូចខាតដោយសារជាតិពុល រហូតដល់ DNA ព្រមទាំងផ្តល់លទ្ធផលល្អថែមទៀតនៅពេលប្រើដើម្បីប្រឆាំងជំងឺបេះដូង និងមហារីកតែម្តង។ យ៉ាងណាមិញ មានរឿងមួយចំនួននឹងកើតឡើងចំពោះរាងកាយអ្នកបើសិនជាអ្នកព្យាយាមញ៉ាំឃឹនឆាយនេះ។

  • បង្គ្រប់ជាតិទឹកល្អជាងមុន៖ ឃឹនឆាយមានជាតិទឹកប្រមាណ ៥៩ភាគរយ ដូច្នេះវាអាចជួយបង្ការការខ្សោះជាតិទឹកបានយ៉ាងល្អ
  • បន្ថយការរលាក៖ ក្នុងករណីដែលមានការប្រឈមការរលាករ៉ាំរ៉ៃច្រើន ជំងឺបេះដូងសរសៃឈាម ឬមហារីក អ្នកគួរតែដឹងថា ឃឹនឆាយអាចជួយបន្ថយការកើតជំងឺទាំងនេះបាន
  • ស្រកទម្ងន់៖ ឃឹនឆាយជាបន្លែសម្បូរទៅដោយជាតិសរសៃតែមានកាឡូរីទាប ដូច្នេះវានឹងធ្វើឲ្យអ្នកញ៉ាំបានច្រើនតែមិនឡើងទម្ងន់ទេ
  • បញ្ចុះសម្ពាធឈាម៖ តាមការសិក្សាបានឲ្យដឹងថា ឃឹនឆាយអាចបញ្ចុះសម្ពាធឈាមបាន ១៨ភាគរយ
  • បង្ការ ឬបញ្ឈប់ការច្រាលអាស៊ីត និងក្រហាយដើមទ្រូង៖ ឃឹនឆាយមានជាតិអាស៊ីតទាប ដូច្នេះវានឹងអាចជួយសម្រួលដល់បញ្ហាច្រាលអាស៊ីត និងក្រហាយដើមទ្រូងបានយ៉ាងល្អ
  • ជួួយរក្សាសុខភាពភ្នែក៖ ឃឹនឆាយសម្បូរទៅដោយវីតាមីន A ដូច្នេះវានឹងជួយដល់បញ្ហាភ្នែកស្ងួត និងការពារកញ្ចក់ភ្នែកបានយ៉ាងល្អ
  • ពង្រឹងដល់ការរំលាយអាហារ៖ ឃឹនឆាយសម្បូរជាតិសរសៃ ដូច្នេះវានឹងជួយសម្រួលដល់ការបន្ទោបង់ផង និងថែរក្សាពោះវៀនឲ្យមានសុខភាពល្អថែមទៀត(អាន:ថ្នាំងងុយគេង ពេលអ្នកគួរប្រើ)
  • ពង្រឹងដល់កម្រិតកូឡេស្តេរ៉ុលក្នុងឈាម៖ ឃឹនឆាយអាចបញ្ចុះកូឡេស្តេរ៉ុលបានរហូតដល់ ៧ភាគរយឯណោះ៕