ការហាត់ប្រាណជាប្រចាំ ការញ៉ាំអាហារផ្តល់សុខភាព និងហាត់យូហ្គាគឺជារឿងល្អហើយនៅពេលអ្នកកំពុងតែចង់សម្រកទម្ងន់។ ប៉ុន្តែក្រៅពីរឿងទាំងនេះ តើអ្នកមានដឹងទេថា អ្នកអាចបង្កើនល្បឿននៃការសម្រកទម្ងន់បានតាមរយៈការបញ្ចូលផ្លែឈើមួយចំនួនទៅក្នុងរបបអាហារ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ផ្លែឈើត្រូវបានគេស្គាល់ថា ជាប្រភពដ៏ល្អបំផុតនៃជីវជាតិ និងវីតាមីន ដែលរាងកាយត្រូវការ ហើយក៏ជួយដល់ការសម្រកទម្ងន់ផងដែរ។ ខាងក្រោមនេះគឺជាផ្លែឈើពីរប្រភេទដែលត្រូវបានចាត់ទុកថា ជួយសម្រកទម្ងន់កាន់តែមានប្រសិទ្ធភាព៖

ផ្លែប៉ោម

ផ្លែប៉ោមសម្បូរជាតិសរសៃណាស់ តែមានកាឡូរីទាប។ ក្នុងផ្លែប៉ោម ២២៣ក្រាម មានជាតិសរសៃ ៥.៤ក្រាមទៅហើយ។ វាត្រូវបានគេរកឃើញថា ជួយទ្រទ្រង់ដល់ការសម្រកទម្ងន់បាន។ ការសិក្សាបានបង្ហាញថា ស្រ្តីដែលញ៉ាំផ្លែប៉ោម ៣ផ្លែជារៀងរាល់ថ្ងៃរយៈពេល ១០សប្តាហ៍ ឃើញថា ស្រកទម្ងន់បាន ១គីឡូក្រាម។ 

ការស្រាវជ្រាវបានបង្ហាញថា ផ្លែប៉ោមគឺជាផ្លែឈើដ៏ល្អបំផុត ហើយក៏ល្អជាងទឹកផ្លែឈើផ្សេងដែរ បើសិនជាអ្នកចង់សម្រកទម្ងន់ និងគ្រប់គ្រងការឃ្លានអាហារ។ ការសិក្សាពីរបានភ្ជាប់ទំនាក់ទំនងទឹកផ្លែប៉ោមទៅនឹងការថយចុះរបស់ខ្លាញ់រាងកាយ។ សារធាតុ Polyphenol ដែលចម្រាញ់ចេញពីផ្លែប៉ោម ត្រូវបានគេរកឃើញថាអាចជួយបញ្ចុះកូឡេស្តេរ៉ុលថែមទៀត។ 

ផ្លែចេក

នៅពេលអ្នកកំពុងតែព្យាយាមសម្រកទម្ងន់ មនុស្សមួយចំនួនព្យាយាមចៀសវាងការញ៉ាំផ្លែចេកដោយសារតែយល់ថា វាមានកាឡូរីខ្ពស់ និងផ្អែមច្រើន។ ខណៈពេលដែលផ្លែចេកមានកាឡូរីច្រើនជាងផ្លែឈើផ្សេងៗ តែវាក៏មានជីវជាតិច្រើនដូចគ្នាដែឬ ជាពិសេស ម៉ាញ៉េស្យូម ប៉ូតាស្យូម ជាតិសរសៃ ម៉ង់ហ្គាណេស វីតាមីន A, B6, C និង អង់ទីអុកស៊ីដង់មួយចំនួន។ 

ជាមួយគ្នានេះដែរ ការសិក្សាមួយបានបង្ហាញថា ការញ៉ាំផ្លែចេករាល់ថ្ងៃអាចបន្ថយទាំងកូឡេស្តេរ៉ុល និងជាតិស្ករក្នុងឈាមលើអ្នកដែលមានកូឡេស្តេរ៉ុលខ្ពស់ផង។(អាន:ថ្នាំងងុយគេង ពេលអ្នកគួរប្រើ) ជីវជាតិដ៏ច្រើន ព្រមទាំងមានគុណភាពខ្ពស់ ក្នុងផ្លែចេកនេះ គឺជារបស់ដ៏សំខាន់សម្រាប់ដំណើរឆ្ពោះទៅកាន់ការសម្រកទម្ងន់ប្រកបដោយសុខភាពល្អ៕