ការញ៉ាំអាហារបានត្រឹមត្រូវប្រហែលជាមិនមែនជារឿងដែលបុរសវ័យក្មេងអាចធ្វើបានរាល់ថ្ងៃឡើយ។ ប៉ុន្តែការចាប់ផ្តើមទម្លាប់ញ៉ាំអាហារផ្តល់សុខភាពក្នុងវ័យ ២០ឆ្នាំ អាចជួយឲ្យពួកគេលូតលាស់កាន់តែមានសុខភាពល្អ និងក្លាយទៅជាមនុស្សវ័យកណ្តាលដែលមិនងាយឈឺបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដើម្បីទទួលបានលទ្ធផលបែបនេះបាន យកល្អគួរតែធ្វើទៅតាមការណែនាំខាងក្រោមនេះ៖
- ចូរញ៉ាំអាហារពេលព្រឹកដែលមានជីវជាតិ ជារៀងរាល់ថ្ងៃ
- ចូរញ៉ាំអាហារសម្រន់ផ្តល់សុខភាពនៅពាក់កណ្តាលពេលព្រឹក និងពេលរសៀល ព្រោះវានឹងជួយបង្កើនថាមពលក្នុងខ្លួន និងចៀសវាងការញ៉ាំអាហារច្រើនជ្រុលបាន
- ចូរញ៉ាំទឹកផ្លែឈើ និងបន្លែយ៉ាងហោចណាស់ ៤៧៣មីលីលីត្រជារៀងរាល់ថ្ងៃ
- ចូរជ្រើសរើសការញ៉ាំប្រូតេអ៊ីនសុទ្ធដូចជា សាច់មាន់ សាច់ត្រី និងសាច់ជ្រូកគ្មានខ្លាញ់ ចៀសជាងសាច់ក្រហម
- បញ្ចូលអាហារជាប្រភេទរុក្ខជាតិទៅក្នុងរបបអាហារឲ្យបានច្រើនផង ជាពិសេសតៅហ៊ូ ឬសណ្តែកជាដើម
- ចូរញ៉ាំខ្លាញ់ផ្តល់សុខភាពដូចជា ផ្លែប័រ ប្រេងអូលីវ ផ្លែអាលម៉ុន និងប្រេង Canola ជាដើម
- ចូរញ៉ាំផលិតផលធ្វើពីទឹកដោះគោមានជាតិខ្លាញ់ទាបបីពេលក្នុងមួយថ្ងៃ ដើម្បីជំរុញដល់ឆ្អឹងកាន់តែមានសុខភាពល្អ
- ចូរញ៉ាំវីតាមីន D ឲ្យបានគ្រប់គ្រាន់ តាមរយៈការញ៉ាំថ្នាំបំប៉ន ឬហាលថ្ងៃ(អាន:ថ្នាំងងុយគេង ពេលអ្នកគួរប្រើ)
- ចូរញ៉ាំជាតិដែកឲ្យបានគ្រប់គ្រាន់ តាមរយៈការញ៉ាំបន្លែពណ៌បៃតង៕