Join with Health.com.kh on Telegram

ការលើសកូឡេស្តេរ៉ុលក្នុងឈាម ត្រូវបានគេចាត់ទុកថាជាជំងឺមួយដែរ។ ហ្សែនអាចជាដើមហេតុនាំឲ្យមនុស្សយើងងាយនឹងលើសសម្ពាធឈាម ឬលើសកូឡេស្តេរ៉ុលក្នុងឈាម ប៉ុន្តែបើយើងគិតសព្វៗទៅ វាច្រើនតែបង្កឡើងដោយជម្រើសផ្ទាល់ខ្លួនរបស់យើងទៅវិញទេ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ បើសិនជាអ្នកដឹងខ្លួនកំពុងតែលើសកូឡេស្តេរ៉ុលក្នុងឈាមហើយ យកល្អគួរតែបញ្ចូលអាហារពីរឬបីមុខខាងក្រោមនេះទៅក្នុងរបបអាហារប្រចាំថ្ងៃផងទៅ ក្រៅពីការលេបថ្នាំតាមវេជ្ជបញ្ជាគ្រូពេទ្យ។ 

ផ្លែប័រ

ផ្លែឈើមួយនេះច្រើនតែត្រូវបានគេចាត់ទុកថាជាអាហារដ៏ល្អចំពោះសុខភាព ហើយក៏ជាទីពេញនិយមសម្រាប់ប្រជាជនម៉ិចស៊ីកូផងដែរ។ ផ្លែប័រអាចគ្រប់គ្រង ឬបញ្ចេញចោលជាតិខ្លាញ់អាក្រក់ពីក្នុងខ្លួនបាន។ 

ប្រេងអូលីវ

ប្រេងប្រភេទនេះសម្បូរទៅដោយ Oleic Acid ដែលអាចជួយបញ្ចុះកូឡេស្តេរ៉ុលអាក្រក់ ហើយក៏បន្ថយការកើតជំងឺបេះដូងសរសៃឈាម ព្រមទាំងការពារកុំឲ្យខ្លាញ់អាក្រក់កកកុញក្នុងជញ្ជាំងសរសៃឈាមបានទៀងផង។ 

ត្រីសាលម៉ុង

ត្រីនេះផ្ទុកទៅដោយអាស៊ីតខ្លាញ់អូមេហ្គាបី។ រាងកាយមនុស្សយើងត្រូវការកូឡេស្តេរ៉ុលដែលមានតុល្យភាព ជាពិសេសកូឡេស្តេរ៉ុលល្អតែម្តង។ ត្រីសម្បូរខ្លាញ់មួយនេះ មានខ្លាញ់ល្អ ហើយក៏ជួយឲ្យអ្នកទទួលទានទទួលបានភាពឆ្ងាញ់ក្នុងមាត់ផងដែរ។ 

ស្រា

ការញ៉ាំស្រាមួយកែវពីរ ត្រូវបានគេចាត់ទុកថាអាចបន្ថយស្រ្តេស និងការពារសុខភាពបេះដូងពីរ៉ាឌីកាលសេរីបាន។ ស្រាមានអង់ទីអុកស៊ីដង់ច្រើនក្នុងការបន្ថយការប្រឈមជំងឺគាំងបេះដូង ហើយក៏ល្អចំពោះក្រពះពោះវៀនដែរ។ យ៉ាងណាមិញ ការញ៉ាំក្នុងចំនួនប៉ុណ្ណេះ ក៏ជួយជំរុញដល់កូឡេស្តេរ៉ុលក្នុងឈាមកើនឡើងផងដែរ។ 

សណ្តែកសៀង

ចូរចាំថា សណ្តែកសៀងអាចបញ្ចុះអ័រម៉ូនតេស្តូស្តេរ៉ូន ដែលជាអ័រម៉ូនភេទប្រុសបាន។ ដោយសារតែវាមានកាឡូរីទាប តែវាមានជីវជាតិដ៏គួរឲ្យចាប់អារម្មណ៍ ជាពិសេសសារធាតុ Flavours តែម្តង។ សណ្តែកសៀងក៏អាចប្រើដើម្បីធ្វើជាតៅហ៊ូញ៉ាំយ៉ាងឆ្ងាញ់បានដែរ។ 

ប៉េងប៉ោះ

ប៉េងប៉ោះសម្បូរទៅដោយសារធាតុ Lycopene ដែលជា Phytochemical សម្រាប់ជួយបន្ថយការប្រឈមជំងឺបេះដូងបានពី ១០ ទៅ ១៧ភាគរយដែរ។ វានឹងក្លាយទៅជាអាហារដ៏ល្អនៅពេលញ៉ាំផ្សំគ្នាជាមួយផ្លែប័រ ឬស៊ុត ឬសាច់ក្រកចៀន។ 

ទឹក

វាពិតជាមិនមែនជារឿងល្អសោះដែល មនុស្សយើងភ្លេចញ៉ាំទឹក ប៉ុន្តែវាគឺជាភេសជ្ជៈដែលស្រួលរក និងសំខាន់សម្រាប់មូលដ្ឋានសុខភាពមនុស្សយើង។ (អាន:ថ្នាំងងុយគេង ពេលអ្នកគួរប្រើ)យកល្អគួរតែញ៉ាំទឹកធម្មតាឲ្យបានច្រើនចៀសជាងញ៉ាំភេសជ្ជៈមានជាតិផ្អែមផ្សេងៗវិញ៕