មានកត្តាច្រើនណាស់ដែលអាចនាំឲ្យមានជំងឺសើស្បែក ចាប់ពី ហ្សែនរហូតដល់របៀបរស់នៅ និងផ្សេងៗទៀត ប៉ុន្តែរឿងនេះមិនមែនមានន័យថា អ្នកត្រូវនិយាយថាលាហើយចំពោះស្បែកដែលស្អាតរហូតនោះទេ។ ការដែលមានបញ្ហាកើតមុន និងអាការៈនៃភាពចាស់អាចជារឿងកើតមានជាញឹកញាប់ ហើយភាគច្រើនយើងតែងទៅហាងកែសម្ផស្សដើម្បីដោះស្រាយរឿងនេះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ថ្វីបើមានផលិតផលថែរក្សាសម្ផស្សជាច្រើនអាចជួយឲ្យស្បែកភ្លឺរលោង ក៏ដោយ តែសារធាតុគីមីជាច្រើនដែលវាមានអាចធ្វើឲ្យរន្ធញើសរីកធំ រហូតដល់បង្កជាបញ្ហាកាន់តែខ្លាំងទៀតផង។ សំណាងដែរ មានមធ្យោបាយមានសុវត្ថិភាពជាងនេះនិងផ្តល់សុខភាពជាងនេះ ដើម្បីទទួលបានប្រយោជន៍កាន់តែច្រើនដល់សុខភាពស្បែកដែរ នោះគឺការបញ្ចូលអាហារខាងក្រោមនេះទៅក្នុងរបបអាហារប្រចាំថ្ងៃ៖

ដំឡូងជ្វា

ការសិក្សាជាច្រើនបានឲ្យដឹងថា របបអាហារដែលសម្បូរទៅដោយបន្លែ និងផ្លែឈើអាចផ្តល់ភាពភ្លឺរលោងដល់ស្បែកកាន់តែខ្លាំង។ យ៉ាងណាមិញ ចំពោះអាហារមានពណ៌ក្រហម និងទឹកក្រូចអាចផ្តល់ជាសារធាតុ Beta-carotids ដើម្បីជំរុញដល់សុខភាពស្បែកបាន។ ប្រភពដ៏ល្អនោះគឺដំឡូងជ្វាតែម្តង។ 

ល្ហុង

ល្ហុងមានអង់ស៊ីមជាច្រើនដែលពិតជាផ្តល់ភាពល្អដល់សុខភាពស្បែកបាន។ ជាក់ស្តែងអង់ស៊ីម Papain ដែលមានដ៏ច្រើននោះ អាចជួយបំបាត់ស្នាមអ៊ុចខ្មៅ និងមុនបាន ព្រមទាំងព្យាបាលផលវិបាករបស់ស្បែកជាច្រើនទៀត។ ល្ហុងមានវីតាមីន C ដែលអាចពង្រឹងដល់ស្រទាប់កូឡាជែនរបស់ស្បែក និងជួយឲ្យស្បែកក្មេងជាងវ័យបាន។ 

ត្រីសាលម៉ុង

ត្រីនេះជាប្រភពដ៏ល្អនៃសារធាតុប្រឆាំងការរលាក ព្រមទាំ DMAE ឬ Dimethylaminoethanol ដែលត្រូវបានគេដឹងថា ជួយជំរុញដល់សុខភាពស្បែក។ ជីវជាតិដ៏ពិសេសមួយនេះក៏អាចជួយបង្ការ Arachidonic Acid កុំឲ្យផលិតច្រើនក្នុងរាងកាយ ព្រោះវានាំឲ្យកើតស្បែកជ្រីវជ្រួញបាន។ 

ម្ទេសប្លោក

បន្លែមួយនេះអ្នកអាចបញ្ចូលក្នុងរបបអាហារដោយមិនបាច់ខ្វល់ពីពណ៌របស់វាឡើយ ព្រោះវាជាប្រភពដ៏ល្អបំផុតមួយនៃវីតាមីន C ដែលជំរុញដល់ការផលិតសារធាតុកូឡាជែន។ វីតាមីន C សំខាន់សម្រាប់ការបង្កើត និងលូតលាស់របស់ជាលិកាសាច់ដុំនៅលើស្បែក។ ហេតុផលមួយផ្សេងទៀតគឺ វាមានសារធាតុ Capsaicin ដែលជំរុញដល់របត់ឈាមរត់ និងច្រោះជាតិពុលពីក្នុងស្បែកផង។ 

ស៊ុត

វាតែងតែជាគំនិតដ៏ល្អមួយដែលត្រូវញ៉ាំស៊ុត ព្រោះវាផ្ទុកទោដោយវីតាមីនជាច្រើន ដែលចាំបាច់សម្រាប់មុខងារកោសិការបស់រាងកាយ។(អាន:ថ្នាំងងុយគេង ពេលអ្នកគួរប្រើ) វីតាមីន B សំខាន់ណាស់សម្រាប់ការលូតលាស់សក់ និងជំរុញដល់ភាពរឹងមាំរបស់ក្រចក ព្រមទាំងល្អនៅពេលការពារសុខភាពស្បែកពីបញ្ហាកើតមុន៕

Loading...