គ្រាប់ត្នោត គឺជាសាច់ត្នោតមួយប្រភេទដែលយកចេញពីផ្លែត្នោត ហើយក៏មានភាពពេញនិយមច្រើនដែរក្នុងប្រទេសយើង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ តាមការសិក្សាបានឲ្យដឹងថា គ្រាប់ផ្តោតមានផ្ទុកទៅដោយសារធាតុមានប្រយោជន៍ច្រើនដូចជា ជាតិស្ករ ប្រូតេអ៊ីន កាបូអ៊ីដ្រាត អាស៊ីតអាមីណេ វីតាមីន C ប៉ូតាស្យូម ស័ង្គសី ម៉ាញ៉េស្យូម ជាតិដែក និងវីតាមីន B មួយចំនួនទៀត។ ក្រៅពីនេះគ្រាប់ត្នោតមានប្រយោជន៍ចំពោះសុខភាពជាច្រើនដូចជា៖

ពង្រឹងដល់គំហើញ

គ្រាប់ត្នោតផ្ទុកទៅដោយវីតាមីន C ដែលជាអង់ទីអុកស៊ីដង់ ហើយក៏មានក្នុងបន្លែ និងផ្លែឈើមួយចំនួន។ វីតាមីន B1 ក៏សំខាន់ក្នុងការពង្រឹងដល់ភាពមើលឃើញរបស់ភ្នែកយើង។ 

បន្ថយការប្រឈមនឹងជំងឺបេះដូង

ការញ៉ាំគ្រាប់ត្នោតក្នុងកម្រិតមធ្យមអាចជួយបន្ថយការកើតជំងឺបេះដូងសរសៃឈាមបាន ដូចជា ការខ្សោយបេះដូងជាដើម។ វាផ្ទុកទៅដោយជាតិប៉ូតាស្យូម ដែលពង្រឹងដល់មុខងាររបស់បេះដូង និងបន្ថយការលើសសម្ពាធឈាមបាន។ 

ប្រឆាំងនឹងភ្នាក់ងារបង្កមហារីក

គ្រាប់ត្នោតផ្ទុកទៅដោយវីតាមីន B2 ដែលជាអង់ទីអុកស៊ីដង់មួយជួយប្រឆាំងនឹងជំងឺមហារីកដែលបង្កឡើងដោយរ៉ាឌីកាលសេរីបាន។ 

ជំរុញដល់សុខភាពសក់ ក្រចក និងស្បែក

ជាតិដែក និងវីតាមីន ដែលមានក្នុងគ្រាប់ត្នោតនឹងជួយជំរុញដល់សុខភាពស្បែក សក់ និងក្រចក។ វានឹងជួយឲ្យរបួសឆាប់ជា តាមរយៈការជួសជុលជាលិកា និងបណ្តុះកោសិកាផ្តល់សុខភាពឡើងវិញ។ សម្រាប់ស្រ្តីគួរតែញ៉ាំក្នុងចំនួនតិចតួចបានហើយដើម្បីពង្រឹងដល់សភាពស្បែក។ 

ជំរុញដល់ការបំបៅដោះកូន

នៅប្រទេសអាហ្វ្រិក គ្រាប់ត្នោតត្រុវបានគេប្រើប្រាស់ជាថ្នាំព្យាបាលបែបធម្មជាតិ សម្រាប់បង្កើនការផលិតទឹកដោះលើស្រ្តីដែលកំពុងតែបំបៅដោះកូន។(អាន:ថ្នាំងងុយគេង ពេលអ្នកគួរប្រើ) វាក៏ត្រូវបានគេញ៉ាំដើម្បីជំរុញដល់សុខភាព និងបង្ការជំងឺជាច្រើនផងដែរ៕