កើតជំងឺផ្តាសាយនៅរដូវក្តៅ អាចសាកល្បងវិធីព្យាបាលដោយខ្លួនឯងទាំងនេះបាន

ជាធម្មតា យើងច្រើនតែដឹងហើយថា ជំងឺផ្តាសាយច្រើនតែវាយប្រហារទៅលើសុខភាពមនុស្សយើងនៅរដូវរងារ ឬរដូវភ្លឿង។ ប៉ុន្តែសម័យនេះហើយ មិនខ្វល់ថារដូវណាឡើយ គឺអាចកើតជំងឺផ្តាសាយបានទាំងអស់ រួមទាំងរដូវក្តៅផងដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)រឿងនេះអាចដោយសារតែ ការដែលមិនសូវប៉ះពាល់នឹងពន្លឺព្រះអាទិត្យ និងមិនសូវទទួលបានវីតាមីន D នឹងបង្កើនឱកាសនៃការឆ្លងវីរុសបង្កជំងឺផ្តាសាយបាន។ ទោះបីជាយ៉ាងណាក៏ដោយ បើសិនជាអ្នកកំពុងតែកើតជំងឺផ្តាសាយនៅរដូវក្តៅមែន យកល្អគួរតែសាកល្បងវិធីព្យាបាលដោយខ្លួនឯងដូចខាងក្រោមនេះបាន៖

ទឹកឃ្មុំ

• ចូរលាយទឹកឃ្មុំឆៅពីរស្លាបព្រាកាហ្វេ ជាមួយទឹកក្រូចឆ្មា ឬទឹកខ្ញីមួយស្លាបព្រាកាហ្វេ
• ចូរញ៉ាំល្បាយដែលលាយចូលគ្នាខាងលើនេះចំនួន ២ ទៅ ៣ដងក្នុងមួយថ្ងៃ
• អ្នកក៏អាចញ៉ាំទឹកឃ្មុំឆៅមួយស្លាបព្រាបាយក៏បានដែរ
• ចូរញ៉ាំទឹកឃ្មុំមួយស្លាបព្រាកាហ្វេមុនចូលគេងដើម្បីបំបាត់ការក្អក

តែខ្ញី

• ចូរហាន់ខ្ញីជាបន្ទះស្តើងៗ បន្ទាប់មក ដាក់វាទៅក្នុងទឹកមួយពែង ហើយដាំវាឲ្យពុះដើម្បីធ្វើជាតែផឹក(អាន:ថ្នាំងងុយគេង ពេលអ្នកគួរប្រើ)
• ចូរបន្ថែមទឹកឃ្មុំបន្តិចបន្តួចទៀតដើម្បីបង្កើតរសជាតិ និងញ៉ាំវា ៣ ទៅ ៤ដងក្នុងមួយថ្ងៃជាការស្រេច៕