ត្របែក ជាផ្លែឈើហូបផ្លែមួយប្រភេទដែលមានរសជាតិជូអែមអាចទទួលទានបានទាំងខ្ចីនិងទុំ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះបីជាភាគច្រើននៃពួកយើងសុទ្ធតែស្គាល់និងឧស្សាហ៍ទទួលទានផ្លែឈើនេះក៏ដោយ ក៏ប៉ុន្តែប្រហែលជាមិនធ្លាប់ចាប់អារម្មណ៍ទេថាត្របែកអាចផ្ដល់អត្ថប្រយោជន៍អស្ចារ្យចំពោះសុខភាពទប់ស្កាត់ជំងឺផ្សេងៗបាន។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីឥទ្ធិពលវិជ្ជមានគួរឱ្យភ្ញាក់ផ្អើលនៃការទទួលទានត្របែក ៖
១. ពង្រឹងប្រព័ន្ធភាពស៊ាំរាងកាយ
បរិមាណខ្ពស់នៃវីតាមីន C ក្នុងផ្លែត្របែកជួយជម្រុញពង្រឹងប្រព័ន្ធភាពស៊ាំរាងកាយអោយមានលក្ខណៈកាន់តែប្រសើរឡើងដើម្បីអាចទប់ស្កាត់បញ្ហាសុខភាពបានជាច្រើន។
២. ជួយឱ្យស្រកទម្ងន់
ត្របែកមានផ្ទុកសម្បូរទៅដោយប្រូតេអ៊ីន ជាតិសសៃ និងវីតាមីន ប៉ុន្តែកាឡូរីទាបនិងគ្មានកូឡេស្តេរ៉ូល
ដែលធ្វើឱ្យវាក្លាយជាជម្រើសនៃផ្លែឈើដ៏ប្រសើរសម្រាប់អ្នកចង់ស្រកទម្ងន់។
៣. បង្កើនសុខភាពភ្នែក
ត្របែក ក៏ជាប្រភពដ៏ល្អបំផុតមួយនៃវីតាមីន A ដែលជួយរក្សាសុខភាពភ្នែកជៀសផុតពីជំងឺផ្សេងៗ និងធ្វើឱ្យមើលឃើញបានកាន់តែច្បាស់។
៤. ព្យាបាលអាការៈទល់លាមក
ត្របែកជាប្រភពដ៏ប្រសើរនៃជាតិសសៃ dietary ជួយសម្រួលប្រព័ន្ធរំលាយអាហារនិងចលនាពោះវៀនបំបាត់អាការៈទល់លាមកបានយ៉ាងឆាបរហ័ស។
៥. កាត់បន្ថយហានិភ័យនៃជំងឺមហារីក
នោះក៏ព្រោះតែ ត្របែក ជាប្រភពដ៏ប្រសើរនៃវីតាមីន C, សារធាតុ lycopene, សារធាតុ polyphenols និងសារធាតុ quercitin ដែលមានឥទ្ធិពលខ្លាំងក្លាប្រយុទ្ធប្រឆាំងរ៉ាឌីកាល់សេរីដែលបង្កជំងឺមហារីក។
៦. បំបាត់ក្លិនមាត់មិនល្អ
ក្រៅពីមានផ្ទុកសម្បូរទៅដោយសារធាតុចិញ្ចឹមសំខាន់ៗជាច្រើនហើយនោះ ត្របែកក៏ជាប្រភពដ៏ប្រសើរនៃសារធាតុ tannic ផូស្វ័រិក និងអាស៊ីត malic ជួយកម្ចាត់បាក់តេរីក្នុងមាត់និងរក្សាសុខភាពអញ្ចាញល្អប្រសើរផងដែរ។ ព្យាយាមទទួលទានផ្លែត្របែកខ្ចីដើម្បីជៀសផុតពីបញ្ហាក្លិនមាត់មិនល្អ។
៧. បញ្ចុះសម្ពាធឈាម
បរិមាណនៃជាតិសសៃខ្ពស់ក្នុងផ្លែត្របែក ក៏ជួយបញ្ចុះសម្ពាធឈាម និងកូឡេស្តេរ៉ូលមិនល្អដែលធ្វើឱ្យអ្នកអាចជៀសផុតពីជំងឺសសៃឈាមបេះដូង រួមទាំងជំងឺដាច់សសៃឈាមខួរក្បាល។
៨. ទប់ស្កាត់ជំងឺទឹកនោមផ្អែម
ជាតិសសៃ dietary នៃផ្លែត្របែកជួយគ្រប់គ្រងការស្រូបយកជាតិស្ករដោយរាងកាយ។ ដូច្នេះវាកាត់បន្ថយឱកាសនៃការធ្លាក់ចុះ ឬកើនឡើងខុសប្រក្រតីនៃជាតិស្ករ និងអាំងស៊ុយលីនក្នុងរាងកាយទប់ស្កាត់ហានិភ័យនៃជំងឺទឹកនោមផ្អែមប្រភេទទី ២៕