ធ្លាប់ញ៊ាំ “ពោតបារាំង” អត់? បន្លែនេះអាចទប់ស្កាត់សូម្បីជំងឺមហារីក

ពោតបារាំង ជាបន្លែដ៏ពេញនិយមមួយនិងសម្បូរណាស់ដែរក្នុងប្រទេសកម្ពុជា។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អ្វីដែលពិសេសនោះ គឺបន្លែនេះប្រសើរណាស់ចំពោះសុខភាពអាចទប់ស្កាត់ជំងឹបានជាច្រើន។ ដូច្នេះបើទោះជាមិនចូលចិត្ត ក៏អ្នកគួរតែរៀនញ៊ាំពោតបារាំងដែរ។ ខាងក្រោមវេបសាយសុខភាព Health.com.kh នឹងបង្ហាញអោយពីអត្ថប្រយោជន៍អស្ចារ្យនៃការទទួលទានពោតបារាំង ៖

១. កាត់បន្ថយកូឡេស្តេរ៉ូលមិនល្អ

នោះក៏ព្រោះតែពោតបារាំងមានផ្ទុកសម្បូរទៅដោយជាតិសសៃរលាយដែលជួយកាត់បន្ថយកម្រិតនៃកូឡេស្តេរ៉ូលមិនល្អទប់ស្កាត់ជំងឺស្ទះសសៃឈាម ព្រមទាំងកាត់បន្ថយហានិភ័យនៃជំងឺបេះដូងផងដែរ។

២. បង្កើនសុខភាពខួរក្បាល

នោះក៏ព្រោះតែពោតបារាំងជាប្រភពដ៏ល្អបំផុតមួយនៃជាតិប៉ូតាស្យូមដែលដើរតួនាទីយ៉ាងសំខាន់ក្នុងការរក្សាមុខងារខួរក្បាលប្រក្រតី។ កម្រិតខ្ពស់នៃប៉ូតាស្យូមអនុញ្ញាតអោយអុកស៊ីសែនកាន់តែច្រើនត្រូវបានដឹកនាំទៅដល់ខួរក្បាលដែលជំរុញសកម្មភាពសរសៃប្រសាទនិងបង្កើនមុខងារនៃការយល់ដឹងចងចាំ។

៣. ប្រយុទ្ធប្រឆាំងជំងឺមហារីក

ពោតបារាំងជាប្រភពដ៏ប្រសើរនៃសារធាតុប្រឆាំងអុកស៊ីតកម្មជាដែលជួយទប់ស្កាត់ជំងឺមហារីកតាមរយៈការការពារប្រព័ន្ធភាពស៊ាំរាងកាយប្រឆាំងនឹងរ៉ាឌីកាល់សេរីដែលបង្កគ្រោះថ្នាក់ ឬបំផ្លាញដល់កោសិ
កា។

៤. ​​​បង្កើនការរំលាយអាហារ

ពោតបារាំងជាប្រភពដ៏ប្រសើរនៃជាតិសសៃ ជាតិរំអិល និងសារធាតុ laxative​ ធម្មជាតិដែលមានប្រសិទ្ធិភាពសម្រួលដល់ដំណើរការនៃការរំលាយអាហារ ក៏ដូចជាចលនានៃពោះវៀន។ ការទទួលទានពោតបារាំងជាប្រចាំជួយទប់ស្កាត់បញ្ហាទល់លាមក និងសូម្បីតែជំងឺមហារីកពោះវៀនធំ។

៥. ពង្រឹងសុខភាពឆ្អឹង

បរិមាណនៃសារធាតុ folate រួមទាំងវីតាមីន K នៅក្នុងពោតបារាំងជួយរក្សាសុខភាពឆ្អឹងរឹងមាំនិងមានដង់ស៊ីតេត្រឹមត្រូវទប់ស្កាត់កាត់បន្ថយហានិភ័យនៃជំងឺពុកឆ្អឹងបានយ៉ាងប្រសើរ។

៦. ទប់ស្កាត់ជំងឺទឹកនោមផ្អែម

ពោតបារាំងមានប្រសិទ្ធភាពជួយគ្រប់គ្រងកម្រិតនៃការផលិតអាំងស៊ុយលីន ហើយកាត់បន្ថយកម្រិតនៃជាតិស្ករក្នុងឈាមប្រកបដោយប្រសិទ្ធិភាព។

៧. សុខភាពភ្នែក

ពោតបារាំងអាចជួយបង្កើនសុខភាពភ្នែកអោយមើលឃើញកាន់តែច្បាស់ជៀសផុតពីជំងឺភ្នែកផ្សេងៗតាមរយៈបរិមាណនៃវីតាមីន A ដែលវាមានផ្ទុក។

៨. ទប់ស្កាត់ជំងឺមហារីកសុដន់

នោះក៏ព្រោះតែពោតបារាំងជាប្រភពដ៏ប្រសើរនៃសារធាតុ Lectin ដែលមានឥទ្ធិពលសម្លាប់កោសិកាមហារីកសុដន់និងទប់ស្កាត់ការរីករាលដាលនៃជំងឺ៕