រឿងនេះស្តាប់ទៅប្រហែលជាអាក្រក់ជាងភាពអាត្មានិយមទៅទៀតត្រង់ថា អ្នកមិនចង់បានកូនប្រុសទេក្រោយពីមានកូនប្រុសពីរនាក់រួចហើយ។ កូនអ្នកមិនមែនជាស្ករគ្រាប់ដែលអ្នកត្រូវបដិសេធន៍មិនទទួលយកដោយសារតែមិនត្រូវរស់ជាតិឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការដែលមានកូនប្រុសនៅពេលអ្នកកំពុងតែចង់បានកូនស្រីតាមរយៈការថតអេកូអាចធ្វើឲ្យអ្នកមានអារម្មណ៍អាក់អន់ចិត្តដែរ ដូច្នេះតើវាយុត្តិធម៌ទេដែលត្រូវមានអារម្មណ៍បែបនេះ?
ការដែលមានអារម្មណ៍មិនសប្បាយចិត្តចំពោះភេទរបស់កូនកម្រនឹងមានគេលើកយកមកនិយាយខ្លាំងណាស់។ ចាប់តាំងពីរឿងនេះមិនត្រូវបានគេទទួលស្គាល់មក តែក៏មានមនុស្សមួយចំនួនដែលបានធ្វើរឿងនេះ មិនចង់និយាយអំពីអារម្មណ៍ពិតរបស់គេដែរ។
ស្រ្តីជាច្រើនប្រហែលជាមានអារម្មណ៍មិនសប្បាយចិត្តដែលរំពឹងថាកូនក្នុងពោះខ្លួនមានភេទខុសនឹងអ្វីដែលនាងចង់បានប៉ុន្តែវាតែងតែមានហេតុផលមួយនៅពីក្រោយរឿងនេះ។
បើសិនជាម្តាយម្នាក់ត្រូវបានគេបង្ខំថាត្រូវតែយកកូនប្រុសឲ្យបាន ពេលនោះនាងប្រហែលជាមានអារម្មណ៍តក់ស្លុតណាស់។ នាងក៏ប្រហែលជាមានអារម្មណ៍ថាមិនមានសុវត្ថិភាពក្នុងខ្លួនដែលដឹងថាកូននៅក្នុងផ្ទៃគឺជាកូនស្រី។ កត្តាផ្សេងមួយទៀតគឺការដែលមានកូនច្រើនដែលជាភេទតែមួយ។ ម្តាយម្នាក់ប្រហែលជាមិនសប្បាយចិត្តដែលដឹងថាកូនទីបីរបស់ខ្លួនគឺជាកូនស្រីដដែល។
ពេលខ្លះ សមាជិកគ្រួសារក៏បានដាក់សម្ពាធទៅលើម្តាយដើម្បីបំពេញបំណងប្រាថ្នារបស់ពួកគេដើម្បីបានកូនភេទណាមួយពិសេសក៏មានដែរ។ ឧទាហរណ៍ ក្នុងសង្គមខ្លះ គ្រួសារតែងតែចង់បានកូនប្រុសច្រើនជាងដើម្បីស្នងត្រកូល ហើយក៏មិនសប្បាយចិត្តនៅពេលបានកូនស្រីដែរ។
យោងទៅតាម Dianne McGreal ដែលជាអ្នកជំនាញខាងរោគចិត្តសាស្រ្តបានឲ្យដឹងថា ស្រ្តីជាម្តាយត្រូវតែសរសេរអំពីអារម្មណ៍ និងការគិតរបស់ខ្លួនដោយភាពស្មោះត្រង់ ព្រោះវាអាចនឹងផ្តល់ប្រយោជន៍ដល់កូនរបស់ខ្លួនដើម្បីកំណត់នៅថ្ងៃអនាគត់ផង។ ពេលខ្លះ ការដែលសរសេរវាចេញហើយ ហើយដុតវាចោលក៏អាចធ្វើឲ្យអារម្មណ៍មួយនេះរលុតទៅវិញ និងលែងមានអារម្មណ៍ពិបាកចិត្តទៀតហើយ។
ជាធម្មតា អារម្មណ៍បែបនេះនឹងបាត់ទៅវិញក្រោយពីកូនកើតរួច។ ម្តាយនឹងចាប់ផ្តើមមានអារម្មណ៍ថាមានទំនាក់ទំនងខ្លាំងជាមួយកូន និងប៉ងចង់ការពារ និងថែរក្សាកូនឲ្យមានសុវត្ថិភាពគ្រប់កាលៈទេសៈទាំងអស់តែម្តង។ (អាន:ថ្នាំងងុយគេង ពេលអ្នកគួរប្រើ)
យ៉ាងណាមិញ វាអាចជាសញ្ញាមួយបញ្ជាក់ថា ជាការបាក់ទឹកចិត្តក្រោយសម្រាលកូនរួចដែរ។ បើសិនជាអញ្ចឹងមែន ម្តាយត្រូវតែមានការគាំទ្រពីក្រុមគ្រួសារ និងមិត្តភក្តិ ព្រមទាំងនាំគេទៅជួបអ្នកជំនាញខាងចិត្តសាស្រ្តផង៕