ឧស្សាហ៍ញ៊ាំ “ស្ពៃក្ដោប” ប៉ុន្តែតិចអត់ដឹងពីអត្ថប្រយោជន៍អស្ចារ្យចំពោះសុខភាព ទប់ស្កាត់ជំងឺ

ស្ពៃក្ដោប ជាបន្លែមួយប្រភេទដែលអាចយកមកច្នៃធ្វើជាម្ហូបបានជាច្រើនមុខ រួមទាំងអន្លក់ ហើយសម្បូរណាស់ក្នុងប្រទេសកម្ពុជា។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ភាគច្រើននៃពួកយើងសុទ្ធតែស្គាល់និងឧស្សាហ៍ទទួលទានបន្លែនេះ ប៉ុន្តែប្រហែលជាមិនធ្លាប់ដឹងពីអត្ថប្រយោជន៍ដ៏ប្រសើររបស់វាចំពោះសុខភាពឡើយ។ ថាតើការទទួលទានស្ពៃក្ដោបល្អយ៉ាងណាខ្លះទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីឥទ្ធិពលវិជ្ជមាននៃការរួមបញ្ចូលស្ពៃក្ដោបក្នុងរបបអាហារប្រចាំថ្ងៃ ៖ 

១. ព្យាបាលដំបៅក្រពះ

ស្ពៃក្ដោបមានផ្ទុកសម្បូរទៅដោយស្ពាន់ធ័រដែលជាជាតិរ៉ែម្យ៉ាងមានលក្ខណៈសម្បត្តិប្រឆាំងបាក់តេរី និងបន្សាបជាតិពុល។ ការរួមបញ្ចូលបន្លែនេះក្នុងរបបអាហារប្រចាំថ្ងៃជួយកម្ចាត់និងរារាំងរាល់បាក់តេរីដែលបង្កបញ្ហាដំបៅក្រពះបានយ៉ាងប្រសើរ។ បន្លែនេះជាប្រភពដ៏ប្រសើរនៃអាស៊ីតអាមីណូ glutamine ដែលជួយបំបាត់ការឈឺចាប់និងការរលាកនៃស្រទាប់បំពង់អាហារ។

២. កាត់បន្ថយកូឡេស្តេរ៉ូលមិនល្អ

ស្ពៃក្ដោបជាប្រភពនៃសារធាតុ phytosterol ដ៏មានឥទ្ធិពល រួមទាំងជាតិសសៃខ្ពស់ដែលជួយបញ្ចុះកម្រិតកូឡេស្តេរ៉ូលប្រកបដោយប្រសិទ្ធិភាពខ្ពស់។

៣. រក្សាសុខភាពតម្រងនោម

នោះក៏ព្រោះតែស្ពៃក្ដោបជាប្រភពដ៏ល្អបំផុតនៃវីតាមីន K វីតាមីន C វីតាមីន B រួមទាំងជាតិសសៃដែលមានប្រសិទ្ធិភាពបង្កើនសុខភាពតម្រងនោមល្អប្រសើរចៀសផុតពីបញ្ហាផ្សេងៗ។

៤. កាត់បន្ថយហានិភ័យនៃជំងឺមហារីកសួត

ស្ពៃក្ដោបមានផ្ទុកសម្បូរទៅដោយសារធាតុប្រឆាំងអុកស៊ីតកម្ម, វីតាមីន C និងសារធាតុក្លរ៉ូភីលដែលជួយបន្សាបជាតិពុល និងទប់ស្កាត់ហានិភ័យនៃជំងឺមហារីកសួតគួរអោយកត់សម្គាល់។

៥. ពង្រឹងប្រព័ន្ធភាពស៊ាំរាងកាយ

ស្ពៃក្ដោបក៏ជាប្រភពដ៏ប្រសើរនៃវីតាមីន C ដែលជាសារធាតុចិញ្ចឹមមួយជួយធ្វើឲ្យប្រព័ន្ធភាពស៊ាំមានលក្ខណៈកាន់តែប្រសើរឡើង។

៦. បង្កើនភាពមានកូនបាន

ស្ពៃក្ដោប គឺជាអាហារដ៏មានឥទ្ធិពលបំផុតមួយដែលផ្ដល់ឱ្យរាងកាយនូវវីតាមីន ជាតិរ៉ែ និងសារធាតុ di-indol methane បង្កើនភាពមានកូនបាន។ ស្ពៃក្ដោបក៏ជួយទប់ស្កាត់ជំងឺដុំសាច់ស្បូននិង ជំងឺ endometriosisផងដែរ ( ជាស្ថានភាពមិនប្រក្រតីមួយដែលជាលិកាស្ថិតនៅខាងក្នុងនៃស្បូនដុះលូតលាស់នៅក្រៅស្បូន)។

៧. បញ្ចុះទឹកនោមបែបធម្មជាតិ

ស្ពៃក្ដោបមានផ្ទុកសម្បូរទៅដោយជាតិសសៃ ក៏ដូចជាវីតាមីន C និង B6។ លើសពីនេះទៅទៀត ស្ពៃក្ដោបក៏ជាប្រភពដ៏ប្រសើរនៃជាតិស្ពាន់ធ័រដែលជួយបន្សាបជាតិពុលក្នុងរាងកាយផងដែរ។ ប្រសិនបើអ្នកចង់កម្ចាត់ជាតិទឹកដែលលើស ចូរទទួលទានស៊ុបស្ពៃក្ដោប ហើយត្រូវចាំថាប្រើប្រាស់អំបិលបន្តិចបានហើយក្នុងស៊ុប!

៨. ទប់ស្កាត់ជំងឺពុកឆ្អឹង

ការទទួលទានស្ពៃក្ដោបអាចជួយទប់ស្កាត់ ក៏ដូចជាកាត់បន្ថយហានិភ័យនៃជំងឺពុកឆ្អឹងបាន។ នោះក៏ព្រោះតែបន្លែនេះមានផ្ទុកសម្បូរទៅដោយជាតិរ៉ែចាំបាច់ជាច្រើនសម្រាប់សុខភាពឆ្អឹងរឹងមាំដូចជា ជាតិកាល់ស្យូម ម៉ាញ៉េស្យូម វីតាមីន K និងម៉ង់កាណែស៕