ចង់ឲ្យប្រព័ន្ធភាពស៊ាំខ្លាំង និងមិនងាយឈឺ ចូរឧស្សាហ៍ធ្វើភេសជ្ជៈទាំងនេះញ៉ាំ

ការថែរក្សារាងកាយពីជំងឺឈឺស្កាត់គឺជារឿងមួយកាន់តែងាយស្រួលបើសិនជាអ្នកញ៉ាំអាហារដែលផ្តល់ផលល្អដល់ប្រព័ន្ធភាពស៊ាំ។ មានបន្លែ និងផ្លែឈើច្រើនណាស់ដែលផ្ទុកទៅដោយជីវជាតិ និងសារធាតុមានប្រយោជន៍ក្នុងការជួយអ្នកប្រឆាំងនឹងមេរោគផ្សេងៗ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)មានភេសជ្ជៈច្រើនទៀតដែលអ្នកជំនាញនិយាយថា អាចជួយបង្កើនមុខងារប្រព័ន្ធភាពស៊ាំបានដូចជា៖

ទឹកក្រូចឆ្មា

ទឹកច្របាច់ដែលថោក និងងាយស្រួលធ្វើជាងគេ ហើយល្អចំពោះប្រព័ន្ធភាពស៊ាំទៀតនោះគឺទឹកក្រូចឆ្មានេះឯង។ ដោយសារតែភេសជ្ជៈមួយនេះសម្បូរទៅដោយវីតាមីន C ដូច្នេះវាពិតជាល្អខ្លាំងណាស់ក្នុងការការពារជំងឺ។ ថ្វីបើវាជាប្រភេទភេសជ្ជៈបែបអាស៊ិត តែវាអាចផ្តល់ភាពអាលកាឡាំងដល់រាងកាយ និងបង្កើនមុខងារប្រព័ន្ធភាពស៊ាំបានយ៉ាងល្អ។ 

ទឹកផ្លែប៉ោម

តាមចាស់ៗនិយាយថា ញ៉ាំផ្លែប៉ោមមួយថ្ងៃមិនបាច់មានគ្រូពេទ្យព្យាបាលជំងឺ។ ដូច្នេះវាក៏មិនមានអ្វីភ្ញាក់ផ្អើលដែរនៅពេលយើងញ៉ាំទឹកផ្លែប៉ោមនោះ ព្រោះវាជួយជំរុញដល់ភាពខ្លាំងក្លារបស់ប្រព័ន្ធភាពស៊ាំបានមួយកម្រិតទៀតក្នុងការប្រឆាំងនឹងជំងឺ។ នៅពេលអ្នកធ្វើទឹកផ្លែប៉ោម ចូរប្រាកដថា អ្នកបានប្រើទាំងសម្បកវាផងដែរ ព្រោះវាមានអង់ទីអុកស៊ីដង់ខ្ពស់។ 

តែបៃតង

ការញ៉ាំតែបៃតងជាទៀងទាត់ប្រហែលជាជួយបង្កើតបាននូវប្រព័ន្ធភាពស៊ាំយ៉ាងខ្លាំងក្លា។ នេះដោយសារតែ តែបៃតងសម្បូរសារធាតុ Epigallocatechin Gallate ឬ EGCG ដែលមានមុខងារប្រឆាំងនឹងមេរោគ។ ការសិក្សាបានបង្ហាញថា សារធាតុមួយនេះក៏ជួយបំបាត់ជំងឺមហារីកដែរ។ 

ទឹកផ្លែគីវី

តើអ្នកមានដឹងទេថា ផ្លែគីវីមានវីតាមីន C ច្រើនជាងផ្លែក្រូចដែរទេ? ហេតុដូច្នេះហើយ ទើបថាការញ៉ាំទឹកផ្លែគីវីម្តងអាចបង្កើនមុខងារប្រព័ន្ធភាពស៊ាំ និងធ្វើឲ្យអ្នកមិនសូវកើតជំងឺឈឺស្កាត់ឡើយ។ ផ្លែមួយនេះមានវីតាមីន A ដែលល្អចំពោះភ្នែក និងវីតាមីន E ដែលល្អចំពោះស្បែក។ 

ទឹកប្រូខូលី

បន្លែពណ៌បៃតងមួយនេះផ្ទុកទៅដោយសារធាតុ ស្ពាន់ធ័រ ដែលអាចជួយបន្សាបជាតិពុលបាន ដូច្នេះ វានឹងបង្កើនមុខងារប្រព័ន្ធភាពស៊ាំបានមួយកម្រិតទៀត។ (អាន:ថ្នាំងងុយគេង ពេលអ្នកគួរប្រើ)ដោយសារតែទឹករបស់វាមានក្លិនឈួលខ្លាំង អ្នកគួរតែកិនវាញ៉ាំជាមួយផ្លែឈើ និងបន្លែផ្សេងវិញទៅទើបស្រួលញ៉ាំ៕