ភាគច្រើននៃពួកយើងសុទ្ធតែដឹងថា ល្ហុងជាផ្លែឈើល្អបំផុតមួយសម្រាប់សុខភាព ប៉ុន្តែប្រហែលជាមិនធ្លាប់ចាប់អារម្មណ៍ទេថាគ្រាប់នៃផ្លែឈើនេះអាចទទួលទាននិងមានផ្ទុកសារធាតុចិញ្ចឹមសំខាន់ៗជួយ
ដោះស្រាយបញ្ហាសុខភាពផ្សេងៗបាន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) មានវិធីច្រើនណាស់ក្នុងការទទួលទានគ្រាប់ល្ហុង។ ប៉ុន្តែវិធីដ៏ងាយនិងពេញនិយមបំផុតនោះ គឺការទទួលទាន ឬទំពារគ្រាប់ល្ហុងទាំងមូលក្នុងមាត់តែម្ដង។ រសជាតិនៃគ្រាប់ល្ហុងមិនសូវឆ្ងាញ់ឡើយ ដូច្នេះដំបូងឡើយអ្នកអាចគ្រាន់តែទទួលទាន ១ ឬ ២ គ្រាប់ជាប្រចាំក៏បាន។ សម្រាប់អ្នកដែលមិនធ្លាប់ទទួលទានសោះអាចនឹងឈឺពោះប្រសិនបើទទួលទានច្រើន។ ប៉ុន្តែរយៈពេល ២ ទៅ ៣ ថ្ងៃក្រោយមកអ្នកនឹងមានអារម្មណ៍អាចទទួលយករសជាតិនៃគ្រាប់ល្ហុងបានហើយ ដូច្នេះអ្នកក៏អាចចាប់ផ្ដើមបង្កើនបរិមាណនៃការទទួលទានពី ១ ភាគ ៤ ឬមួយចុងស្លាបព្រាកាហ្វេទៅកន្លះស្លាបព្រា បន្ទាប់មកក៏ឡើងដល់ ១ ស្លាបព្រាកាហ្វេ។ អ្នកអាចបន្ថែមគ្រាប់ល្ហុងក្នុងអាហារក៏បាន។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអត្ថប្រយោជន៍ការទទួលទានគ្រាប់ល្ហុង ៖
១. ប្រយុទ្ធប្រឆាំងជំងឺមហារីក
នោះក៏ព្រោះតែគ្រាប់ល្ហុងមានផ្ទុកសម្បូរទៅដោយសារធាតុប្រឆាំងអុកស៊ីតកម្ម flavonoid និងសមាសធាតុ phenolic ដែលជួយពន្យឺតការលូតលាស់កោសិកាដុំសាច់មហារីក។ លើសពីនេះទៅទៀតគ្រាប់ល្ហុងក៏ជាប្រភពនៃសារធាតុ carpaine និង isothiocyanate ដែលមានប្រសិទ្ធិភាពប្រយុទ្ធប្រឆាំងជំងឺមហារីកច្រើនប្រភេទ រួមបញ្ចូលទាំអជំងឺមហារីកសួត មហារីកសុដន់ មហារីកពោះវៀនធំ មហារីកគ្រាប់ឈាម និងជំងឺមហារីកក្រពេញប្រូស្តាត។
២. សុខភាពប្រព័ន្ធរំលាយអាហារ
គ្រាប់ល្ហុងជាប្រភពដ៏ប្រសើរនៃអង់ស៊ីម proteolytic ដូចជា carpaine និង papain ដែលមានប្រសិទ្ធិភាពខ្ពស់ជួយកម្ចាត់ពពួកប៉ារ៉ាស៊ីតក្នុងរាងកាយលើកកម្ពស់សុខភាពប្រព័ន្ធរំលាយអាហារ។ អង់ស៊ីម papain មានសមត្ថភាពក្នុងការរំលាយកាកសំណល់ពីប្រូតេអ៊ីន ហើយក៏សម្លាប់ពពួកប៉ារ៉ាស៊ីត រួមទាំងពងរបស់វា។ រីឯអង់ស៊ីម carpaine វិញមានប្រសិទ្ធិភាពខ្ពស់ក្នុងការសម្លាប់ពពួកមេរោគគ្រោះថ្នាក់។
៣. បន្សាបជាតិពុលក្នុងថ្លើម
អ្នកមិនចាំបាច់ត្រូវប្រើប្រាស់ ឬទទួលទានគ្រាប់ល្ហុងច្រើនឡើងដើម្បីទទួលបានអត្ថប្រយោជន៍នេះ។ គ្រាប់ល្ហុងមិនត្រឹមតែជួយកម្ចាត់ជាតិពុលផ្សេងៗប៉ុណ្ណោះទេ ប៉ុន្តែក៏ជួយទប់ស្កាត់ជំងឺថ្លើមផងដែរដោយការព្យាបាលជំងឺក្រិនថ្លើម។ ត្រឹមពី ៥ ទៅ ៦ គ្រាប់នៃគ្រាប់ល្ហុងស្ងួតក្រៀមដែលត្រូវបានយកទៅបុក ឬកិនម៉ដ្ឋនឹងផ្ដល់ឱ្យអ្នកនូវឥទ្ធិពលអស្ចារ្យ ជាពិសេសប្រសិនបើអ្នកព្យាយាមទទួលទានរាល់ថ្ងៃសម្រាប់
រយៈពេល ៣០ ថ្ងៃ។
៤. សម្អាតតម្រងនោម
គ្រាប់ល្ហុងមានលក្ខណៈសម្បត្តិប្រឆាំងបាក់តេរី ក៏ដូចជាការរលាកដែលជួយបន្សាបជាតិពុលនិងការពារតម្រងនោមបានយ៉ាងប្រសើរចៀសផុតពីបញ្ហា។
៥. ទប់ស្កាត់បញ្ហាសម្ពាធឈាមឡើងខ្ពស់
នោះក៏ព្រោះតែគ្រាប់ល្ហុងមានផ្ទុកសារធាតុ carpaine ដែលមានប្រសិទ្ធិភាពគ្រប់គ្រងសម្ពាធឈាមមិនអោយឡើងខ្ពស់ខុសប្រក្រតី៕