ការដែលមានទម្លាប់អានសៀវភៅអាចក្លាយទៅជារឿងដ៏ល្អឥតខ្ចោះមួយចៀសជាងការកម្សាន្តផ្សេងៗទៀត។ បើសិនជាអ្នកកំពុងតែរៀបគម្រោងចង់អានសៀវភៅ ឬទៅហាងលក់សៀវភៅដើម្បីទិញសៀវភៅមកអាននោះ អ្នកគួរតែអាចនឹងទទួលបានអត្ថប្រយោជន៍ខាងក្រោមនេះ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

កាន់តែឆ្លាត

ការសិក្សាបានបង្ហាញថា ក្មេងដែលកាន់សៀវភៅអានច្រើនតាំងពីក្មេងមិនត្រឹមតែទទួលបានពិន្ទុរខ្ពស់ចំពោះការប្រឡងទេ តែក៏អាចទទួលបានពិន្ទុរល្អក្នុងការធ្វើតេស្តលើភាពវ័យឆ្លាតដែរ។ ដូច្នេះហើយ ការបើកសៀវភៅអានតែងតែជាឱកាសក្នុងការទទួលបានចំណេះដឹងថ្មីៗជានិច្ច។ 

បង្កើនថាមពលខួរក្បាល

អ្នកអាចគិតថា ខួរក្បាលប្រៀបដូចគ្នានឹងសាច់ដុំអញ្ជឹង ព្រោះកាលណាអ្នកប្រើវាកាន់តែច្រើន វាក៏កាន់តែរឹងមាំ និងរីកធំជាងមុនដែរ។ ហេតុដូច្នេះហើយ ការអានសៀវភៅច្រើនអាចជួយបង្កើនថាមពលខួរក្បាលបានដូចគ្នា។ វានឹងជួយថែរក្សាការចងចាំកាន់តែល្អ កាត់បន្ថយការខូចមុខងារខួរក្បាលនៅពេលចាស់។ 

បន្ថយការប្រឈមជំងឺភ្លេចភ្លាំងពេលចាស់ជរា

តើអ្នកចង់កាត់បន្ថការប្រឈមជំងឺភ្លេចភ្លាំងពេលចាស់ជរាដែរទេ? អញ្ជឹងគួរតែចាប់សៀវភៅអានចាប់ពីថ្ងៃនេះទៅ! មិនខ្វល់អ្នកចូលចិត្តអានសៀវភៅប្រភេទណាទេ ការអាននឹងជួយភ្ញោចដល់ខួរក្បាលឲ្យរស់រវើកជានិច្ច។ 

មិនងាយកាត់សេចក្តីខុស

ការអានសៀវភៅច្រើននឹងជួយបង្កើនចំណេះដឹងនៅជុំវិញខ្លួន ដូច្នេះអ្នកក៏អាចចេះប្រើគំនិតគិតទៅលើការពិចារណារបស់អ្នកដទៃបានកាន់តែច្រើនដែរ។ មានន័យថា អ្នកនឹងយល់ដឹងកាន់តែល្អចំពោះអារម្មណ៍របស់អ្នកដទៃ ព្រមទាំងព្យាយាមបង្កើតទំនាក់ទំនងបានកាន់តែច្រើនជាមួយពួកគេទៀតផង។ អ្នកប្រហែលជាមិនធ្លាប់មានបទពិសោធន៍ធ្វើរឿងគ្រប់យ៉ាងដែលអ្នកដទៃធ្លាប់ឆ្លងកាត់ទេ តែការអានសៀវភៅអាចឲ្យអ្នកដឹងថាក្នុងចិត្តពួកគេមានទិដ្ឋភាពច្រើនប៉ុណ្ណា។

ជួយបន្ធូរអារម្មណ៍

តើអ្នកកំពុងតែស្វែងរកមធ្យោបាយដើម្បីកាត់បន្ថយស្រ្តេស និងភាពតានតឹងក្នុងអារម្មណ៍មែនទេ? ការសិក្សាមួយបានបង្ហាញថា ការអានសៀវភៅអាចកាត់បន្ថយស្រ្តេសរហូតដល់ ៦៨ភាគរយ។ ដូច្នេះកុំបារម្ភថាការអានសៀវភៅធ្វើឲ្យអ្នកស្រ្តេសលើសដើមអី។ មានន័យថា អ្នកគួរតែជ្រើសរើសសៀវភៅណាដែលអ្នកពេញចិត្តនឹងអានប្រចាំថ្ងៃទៅបានហើយ។ 

ជំរុញដល់ការគេងកាន់តែលក់ស្រួល

ការអានសៀវភៅក៏អាចជួយអ្នកគេងលក់បានកាន់តែស្រួលនៅពេលយប់បានដែរ។ (អាន:ថ្នាំងងុយគេង ពេលអ្នកគួរប្រើ)ការបើកទំព័រសៀវភៅមើលមួយសន្លឹកៗអាចនឹងក្លាយទៅជាសញ្ញាដាស់ដល់ខួរក្បាលថាត្រូវចូលទៅក្នុងដែនដីសុបិន្តហើយ៕