អាការៈនោមឈឺ គឺជាបញ្ហាគួរអោយរំខានបំផុតមួយដោយវាមិនត្រឹមតែឈឺចាប់នៅពេលនោមប៉ុណ្ណោះទេ ប៉ុន្តែក៏អមមកជាមួយនូវអារម្មណ៍មិនស្រួល ឬក្រហាយៗផងដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អាការៈនោមឈឺភាគច្រើនបណ្ដាលមកពីការឆ្លងមេរោគផ្លូវបង្ហូរនោម ឬការរលាកតម្រងនោម។ ទោះជាយ៉ាងណាប្រសិនបើមិនមែនបណ្ដាលមកពីមូលហេតុណាមួយធ្ងន់ធ្ងរទេនោះអាការៈនោមឈឺអាចត្រូវបានព្យាបាលតាមរយៈរូបមន្តបែបធម្មជាតិមួយចំនួន។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗដោះស្រាយបញ្ហានោមឈឺ ៖ 

១. ទទួលទានទឹកអោយបានច្រើន

ការទទួលទានទឹក គឺជាវិធីដ៏ងាយនិងមានប្រសិទ្ធិភាពខ្ពស់បំផុតមួយទប់ស្កាត់ការឆ្លងមេរោគផ្លូវបង្ហូរនោម ដោយទឹកជួយកម្ចាត់បាក់តេរីមិនល្អដែលបង្កបញ្ហាក្នុងផ្លោកនោម។ ដូច្នេះដើម្បីជៀសផុតពីបញ្ហាតម្រងនោម ក៏ដូចជាអាការៈនោមឈឺអ្នកគួរទទួលទានទឹកឱ្យបានច្រើនគ្រប់គ្រាន់។

២. ទទួលទានទឹកខ្មេះផ្លែប៉ោម

អ្វីដែលអ្នកត្រូវធ្វើ គឺលាយទឹកខ្មេះផ្លែប៉ោម ១ ស្លាបព្រាបាយជាមួយទឹកធម្មតា ១ កែវ។ កូរអោយសព្វសឹមទទួលទាន ២ ដងក្នុងមួយថ្ងៃ។

៣. ម្ស៉ៅ Baking Soda

អ្នកអាចព្យាបាលអាការៈនោមឈឺបានយ៉ាងឆាប់រហ័សដោយគ្រាន់តែលាយម្ស៉ៅ Baking Soda
១ ស្លាបព្រាកាហ្វេក្នុងទឹកធម្មតា ១ កែវ រួចកូរអោយសព្វសឹមទទួលទានម្ដងក្នុងមួយថ្ងៃសម្រាប់រយៈពេល ៧ ថ្ងៃ។

៤. ទទួលទានតែខ្ញី

តែខ្ញីមានផ្ទុកលក្ខណៈសម្បត្តិប្រឆាំងការរលាកដែលប្រសើរណាស់សម្រាប់បំបាត់អាការៈនោមឈឺ។

៥. យ៉ាអួរ

បាក់តេរីប្រូបាយអូទិកក្នុងយ៉ាងអួរមានឥទ្ធិពលជួយក្នុងការទប់ស្កាត់បញ្ហាឆ្លងមេរោគផ្លូវបង្ហូរនោមបានយ៉ាងប្រសើរ។ អ្នកជំនាញជាច្រើនបានឱ្យដឹងថា ការទទួលទានយ៉ាអួរយ៉ាងហោចណាស់ ៣ដងក្នុងមួយសប្តាហ៍ជួយកាត់បន្ថយហានិភ័យនៃបញ្ហាតម្រងនោមដល់ទៅ ៨០ភាគរយឯណោះ។ ទោះជាយ៉ាងណាត្រូវប្រាកដថាយ៉ាអួរដែលអ្នកជ្រើសរើសទទួលទានជាយ៉ាអួរសុទ្ធ៕