ការដែលរៀបគម្រោងយកកូនស្តាប់មើលទៅដូចជារឿងគួរឲ្យកំប្លែងណាស់។ ផ្ទុយទៅវិញ ការផលិតកូនក៏ត្រូវការធ្វើឡើងដោយធម្មជាតិដោយមានការចូលរួមតាមរយៈការរស់នៅល្អ ការញ៉ាំគ្រប់គ្រាន់ និងគេងគ្រប់គ្រាន់ដែរ។ ប៉ុន្តែខណៈពេលដែលការរួមភេទជាមួយដៃគូគឺជារឿងល្អទាំងអស់ ប៉ុន្តែក៏មិនប្រាកដថា ការរួមភេទសុទ្ធតែនាំឲ្យមានផ្ទៃពោះបានដែរ លុះត្រាតែមានគ្រឿងផ្សំបន្ថែមផ្សេងៗទៀត។
យ៉ាងណាមិញ និយាយដល់ការរួមភេទ ខ្ញុំសូមណែនាំនូវក្បាច់រួមភេទចំនួន ២ យ៉ាងដែលត្រូវបានគេជឿថាជួយជំរុញដល់ឱកាសនៃការមានផ្ទៃពោះកាន់តែលឿននោះគឺក្បាច់ Missionary និង Doggy Pose។ វាមិនមានអំណះអំណាងបែបវិទ្យាសាស្រ្តដែលនិយាយអំពីក្បាច់រួមភេទណាមួយធ្វើឲ្យមានផ្ទៃពោះលឿនឡើយ។ ប៉ុន្តែអ្វីដែលជាការពិតនោះគឺថា កាលណាមេជីវិតឈ្មោលបានចូលទៅក្នុងទ្វារមាសស្រ្តីកាន់តែយូរ វានឹងធ្វើការងាររបស់វាហើយ។ ប៉ុន្តែកំណត់ត្រាគួរឲ្យចាប់អារម្មណ៍ពីគូរស្វាមីភរិយា ដែលធ្លាប់តែមានកូនបានសម្រេច និងសុខភាពល្អ តែងតែលើកសរសើរអំពីគុណបំណាច់នៃការប្រើក្បាច់រួមភេទទាំងពីរនេះ។
- ក្បាច់រួមភេទបែប Missionary ត្រូវបានគេស្គាល់ថាជាក្បាច់ម៉ែចែកឲ្យ ដោយខាងប្រុសត្រូវក្រាបពីលើខាងស្រី។ ក្បាច់នេះដែរ ក៏មានសុវត្ថិភាព និងមានប្រសិទ្ធភាពបំផុតដែរក្នុងដំណើរនៃការឆ្ពោះទៅរកភាពមានកូន។
- ចំពោះក្បាច់រួមភេទបែប Doggy Pose វិញ មិនបាច់ខ្ញុំនិយាយបញ្ជាក់ជាភាសាខ្មែរ ក៏បងប្អូនអាចដឹងដែរ ថាវាត្រូវប្រើជំហររបៀបម៉េច។ យ៉ាងណាមិញ ក្បាច់មួយនេះត្រូវបានគេជឿថា ជួយធ្វើឲ្យលិង្គកាន់តែទៅជិតដល់មាត់ស្បូន ដើម្បីបាញ់ទឹកកាមកាន់តែជាប់មាត់ស្បូនទៀត។
ពិតណាស់ អ្នកមិនគួរណាប្រើក្បាច់រួមភេទតែមួយដែលអ្នកចូលចិត្ត ឬក្បាច់តែពីរខាងលើជាប់រហូតឡើយ ព្រោះថាវាមិនមានការស្រាវជ្រាវណាមួយបញ្ជាក់ថា ក្បាច់រួមភេទណាដែលមានប្រសិទ្ធភាពខ្លាំងឡើយ។ ប៉ុន្តែជឿខ្ញុំទៅថា គ្រាន់តែសាកល្បង វាមិនមានអ្វីខាត់បង់ ឬឈឺចាប់អ្វីឡើយ។
បើយើងនិយាយតាមទ្រឹស្តីវិញគឺថា ស្រ្តីគួរតែគេងផ្ងាសិនក្រោយពីរួមភេទរួចដើម្បីជួយឲ្យមេជីវិតឈ្មោលមានឱកាសហែលទៅជួបមេជីវិតញីដើម្បីបង្កកំណើត ដូច្នេះអ្នកក៏អាចប្រើពេលវេលានេះជជែកគ្នាដើម្បីបង្កើនទំនាក់ទំនងស្នេហាកាន់តែស្អិតរមួលថែមទៀតដែរ៕