ខួរក្បាល ជាសរីរាង្គសំខាន់ណាស់ក្នុងរាងកាយដែលផ្សារភ្ជាប់សសៃប្រសាទរាប់លានជាមួយរាងកាយ ហើយនៅពេលអ្នកទទួលទានអាហារត្រឹមត្រូវនោះអ្នកអាចបង្កើនការចងចាំរបស់ខ្លួនឯងបានប្រកប
ដោយប្រសិទ្ធិភាព។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) វ័យកាន់តែជ្រេមនុស្សចំណាស់ភាគច្រើនជួបប្រទះបញ្ហាភ្លេចភ្លាំង ឬខ្សោយការចងចាំ។ ប៉ុន្តែកុំបារម្ភ! ថ្ងៃនេះវេបសាយសុខភាព​ Health.com.kh នឹងបង្ហាញឱ្យដឹងពីប្រភេទនៃអាហារដែលជួយបង្កើនថាមពលខួរក្បាលជម្រុញការចងចាំទប់ស្កាត់ហានិភ័យនៃជំងឺភ្លេចភ្លាំង ៖

១. ត្រីសម្បូរខ្លាញ់

មានផ្ទុកសម្បូរទៅដោយអាស៊ីតខ្លាញ់អូមេហ្គា ៣ និង អូមេហ្គា ៦ ដែលចាំបាច់ណាស់សម្រាប់បង្កើនសុខភាពខួរក្បាល។ ជាតិខ្លាញ់អូមេហ្គា ៣ និង អូមេហ្គា ៦ ក៏ជួយបង្កើតកោសិកាខួរក្បាល រួមទាំង
សសៃប្រសាទផងដែរ។ ការទទួលទានត្រីសម្បូរខ្លាញ់ថែមទាំងអាចជួយសម្រួលអារម្មណ៍និងអាចធ្វើអោយខួរក្បាលស្ងប់ទៀតផង។

២. ផ្កាខាត់ណាខៀវ

បន្លែនេះមានផ្ទុកសារធាតុចិញ្ចឹមចាំបាច់ពីរដែលខួរក្បាលត្រូវការដើម្បីដំណើរការមុខងារបានល្អប្រសើរបំផុត។ សារធាតុនោះ គឺសារធាតុ choline និងវីតាមីន K ដែលជួយបង្កើនការចងចាំ។

៣. ស៊ុត

មានផ្ទុកសម្បូរទៅដោយសារធាតុ choline ជាប្រភេទនៃវីតាមីន B មួយដែលប្រើប្រាស់ដោយខួរក្បាលដើម្បីបង្កើតម៉ូលេគុលនិងភ្នាសកោសិកាថ្មីៗ។

៤. ខ្ទឹមស

ខ្ទឹមសជាប្រភពដ៏ល្អបំផុតមួយនៃសារធាតុប្រឆាំងអុកស៊ីតកម្មនិងមានលក្ខណៈសម្បត្តិប្រឆាំងការរលាក ដែលផ្ដល់ប្រយោជន៍ប្រសើរណាស់សម្រាប់ទាំងសុខភាពរាងកាយទាំងមូល រួមទាំងខួរក្បាល។ ការទទួលទានខ្ទឹមសជាប្រចាំអាចជួយពង្រឹងប្រព័ន្ធភាពស៊ាំនិងបង្កើនការចងចាំផងដែរ។ បន្ថែមខ្ទឹមសពី ២ ទៅ ៨ កំពឹសក្នុងអាហាររបស់អ្នក។ 

៥. គ្រាប់ធញ្ញជាតិ

ប្រភពដ៏ល្អមួយទៀតនៃអាស៊ីតខ្លាញ់អូមេហ្គា ៣ គឺគ្រាប់ធញ្ញជាតិរួមមានគ្រាប់អាល់ម៉ុន គ្រាប់វាល់ណឺត សណ្ដែកដី គ្រាប់ស្វាយចន្ទី និងគ្រាប់រីករាយជាដើម។ គ្រាប់ធញ្ញជាតិទាំងនេះក៏ផ្ដល់អោយខួរខ្បាលនូវសារធាតុចិញ្ចឹមចាំបាច់ផ្សេងទៀតផងដែរ។

៦. បន្លែបៃតង

ជាប្រភពដ៏ប្រសើរនៃសារធាតុចិញ្ចឹមចាំបាច់ រួមទាំងសារធាតុប្រឆាំងអុកស៊ីតកម្មដែលជួយដល់ការលូតលាស់នៃកោសិកាខួរក្បាល៕