ទឹកដូង គឺជាភេសជ្ជៈធម្មជាតិដ៏ល្អបំផុតមួយសម្រាប់អ្នកដែលចង់រក្សាបាននូវសុខភាពរឹងមាំប្រសើរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) បើទោះជាឧស្សាហ៍ទទួលទានយ៉ាងណាក៏ដោយ ក៏ភាគច្រើននៃពួកយើងមិនដឹងទេថាការទទួលទានទឹកដូង ២សប្តាហ៍ជាប់គ្នាអាចផ្ដល់អត្ថប្រយោជន៍គួរអោយភ្ញាក់ផ្អើលចំពោះសុខភាពបាន។ ហើយថ្ងៃនេះវេបសាយសុខភាព Health.com.kh នឹងបង្ហាញអោយដឹងពីផលល្អៗ
នៃការទទួលទានទឹកដូងពេញ ១៤ ថ្ងៃ ៖

១. ទប់ស្កាត់បញ្ហាខ្សោះជាតិទឹកក្នុងរាងកាយ

នោះក៏ព្រោះតែទឹកដូងមានផ្ទុកសម្បូរទៅដោយសារធាតុ isotonic ជាតិអេឡិត្រូលីត្រ ម៉ាញ៉េស្យូម 
ផូស្វ័រ ប៉ូតាស្យូម និងកាល់ស្យូមដែលជួយទប់ស្កាត់បញ្ហាខ្សោះជាតិទឹកក្នុងរាងកាយបានយ៉ាងប្រសើរ។

២. ល្អសម្រាប់ខួរក្បាលនិងសាច់ដុំ

ទឹកដូងត្រឹម ១ ពែងអាចផ្ដល់អោយរាងកាយនូវជាតិប៉ូតាស្យូមដល់ទៅ ២៩៥ មីលីក្រាមឯណោះ។ហើយប៉ូតាស្យូម គឺជាជាតិរ៉ែចាំបាច់បំផុតសម្រាប់គ្រប់គ្រងអត្រាចង្វាក់បេះដូងនិងធ្វើអោយមុខងារ
សាច់ដុំកាន់តែមានភាពប្រសើរឡើង។ ប៉ូតាស្យូមក៏ដើរតួជាអេឡិចត្រូលីត្រធម្មជាតិដែលជួយសម្រួលប្រព័ន​​​្ធសសៃប្រសាទបង្កើនការចងចាំ រួមទាំងបង្កើនមុខងារប្រព័ន្ធសសៃប្រសាទផងដែរ។

៣. ល្អសម្រាប់សុខភាពប្រព័ន្ធរំលាយអាហារ

នោះក៏ព្រោះតែទឹកដូងមានផ្ទុកសម្បូរទៅដោយជាតិសសៃ។ លើសពីនេះទៅទៀតឥទ្ធិពលអេឡិចត្រូលីត្រនៃទឹកដូង ក៏ជួយសម្រួលរាងកាយក្នុងការស្រូបយកនូវជាតិប្រូតេអ៊ីនពីអាហារបានពេញលេញផងដែរ។ ទឹកដូង ក៏ល្អសម្រាប់បំបាត់អាការៈកន្ត្រាក់សាច់ដុំនិងការឈឺចាប់ពោះវៀនដែលបណ្ដាលមកពីបញ្ហាពិបាករំលាយអាហារ។ ដូច្នេះការទទួលទានទឹកដូងជាប្រចាំ ឬយ៉ាងហោចណាស់ជាប់គ្នា 
១៤ ថ្ងៃអាចទប់ស្កាត់ព្យាបាលបញ្ហាពិបាករំលាយអាហារនិងទល់លាមកគួរអោយកត់សម្គាល់។

៤. ពង្រឹងប្រព័ន្ធភាពស៊ាំ

អ្នកអាចជៀសផុតពីជំងឺដោយគ្រាន់តែទទួលទានទឹកដូងជាប្រចាំ។ នោះក៏ព្រោះតែទឹកដូងជួយពង្រឹងប្រព័ន្ធភាពស៊ាំនៃរាងកាយបានយ៉ាងប្រសើរដោយវាមានផ្ទុកសម្បូរទៅដោយអាស៊ីត lauric ដែល
ជួយប្រយុទ្ធប្រឆាំងបាក់តេរីនិងពពួកវីរុស។ វាមានប្រសិទ្ធិភាពកម្ចាត់រាល់បាក់តេរីមិនល្អក្នុងរាងកាយដែលបង្កជំងឺអញ្ចាញនិងមេរោគឆ្លងក្នុងផ្លូវទឹកនោម។ ទឹកដូងក៏ជួយទប់ស្កាត់វីរុសដែលបង្កជំងឺផ្ដាសាយ និងមេរោគឆ្លងផ្សេងៗផងដែរ។

៥. គ្រប់គ្រងសម្ពាធឈាម

ទឹកដូង គឺជាជម្រើសនៃភេសជ្ជៈដ៏ល្អបំផុតមួយសម្រាប់អ្នកដែលមានបញ្ហាលើសសម្ពាធឈាម។ នោះក៏ព្រោះតែវាមានផ្ទុកសម្បូរទៅដោយជាតិប៉ូតាស្យូមដែលជួយកម្ចាត់និងកាត់បន្ថយឥទ្ធិពលនៃជាតិសូដ្យូមទប់ស្កាត់បញា្ហសម្ពាធឈាមឡើងខ្ពស់៕

Loading...