អាហារអស្ចារ្យទាំងនេះ អាចរក្សាតុល្យភាពអ័រម៉ូនក្នុងខ្លួនបាន

អ័រម៉ូនមនុស្សយើងដើរតួនាទីសំខាន់ណាស់ ចាប់ពីសម្រួលដល់អារម្មណ៍រហូតដល់គ្រប់គ្រងទម្ងន់ និងមុខងាររាងកាយផ្សេងៗទៀត ហេតុដូច្នេះហើយទើបយើងត្រូវការប្រាកដថា រាងកាយកំពុងតែផលិតអ័រម៉ូនទាំងនេះបានច្រើនបំផុតតាមតែអាចធ្វើទៅបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)នៅពេលផលិតផលអ័រម៉ូនរងការប៉ះពាល់ យើងនឹងងាយមានបញ្ហាសុខភាពជាច្រើនចាប់តាំងពី ឡើងទម្ងន់រហូតដល់អារម្មណ៍មិនល្អ និងមានបញ្ហាបន្តពូជថែមទៀត។ យ៉ាងណាមិញ បើសិនជាអ្នកចង់សម្រួលដល់សង្វាក់ផលិតកម្មអ័រម៉ូនក្នុងរាងកាយកាន់តែមានតុល្យភាពមែន យកល្អគួរតែបញ្ចូលរបបអាហារខាងក្រោមនេះទៅក្នុងរបបអាហារប្រចាំថ្ងៃទៅ៖

ប្រេងដូង

ប្រេងដូងត្រូវបានគេដឹងថាផ្ទុកទៅដោយសារធាតុ Lauric Acid ដែលត្រូវបានគេស្គាល់ថា មានសមត្ថភាពជួយឲ្យស្បែកជាសះស្បើយ និងទ្រងទ្រង់ដល់ការផលិតអ័រម៉ូនយ៉ាងល្អ។ មួយវិញទៀត វាអាចបមបាត់បាក់តេរី និងវីរុសអាក្រក់ៗដែលមានក្នុងរាងកាយ ខណៈពេលជួយបង្កើនថាមពលក្នុងខ្លួនផង។

ប្រូខូលី

បន្លែប្រភេទក្តោបៗមួយនេះត្រូវបានគេដឹងថា មានសមត្ថភាពសម្រួលដល់អ័រម៉ូនជាពិសេសអេស្រ្តូជែនតែម្តង។ អ័រម៉ូននេះសំខាន់ណាស់សម្រាប់ស្រ្តី ព្រោះវាជាតម្រូវការសម្រាប់ប្រព័ន្ធប្រដាប់បន្តពូជយ៉ាងមានសុខភាពល្អ។ ប៉ុន្តែនៅពេលមានចំនួនអ័រម៉ូនអេស្រ្តូជែននេះច្រើនពេក អ្នកនឹងប្រឈមការលើងទម្ងន់ ចង្កោមរោគសញ្ញាត្រៀមមករដូវ និងជំងឺពុកឆ្អឹងបាន។ 

ផ្លែប័រ

ជម្រើសដ៏មានសុខភាពមួយទៀតសម្រាប់រក្សាតុល្យភាពអ័រម៉ូនដែរនោះគឺផ្លែប័រ។ ផ្លែឈើមួយនេះផ្ទុកទៅដោយជាតិខ្លាញ់ផ្តល់សុខភាពដែលជំរុញដល់ការបឺតស្រូបជីវជាតិ។ ផ្លែប័រក៏មានប៉ូតាស្យូម វីតាមីន E, B9 ជាតិសរសៃ ម៉ាញ៉េស្យូម ព្រមទាំងវីតាមីន B ជាច្រើនផងដែរ ដែលសុទ្ធសឹងតែតម្រូវការរបស់រាងកាយដើម្បីសម្រួលដល់កម្រិតអ័រម៉ូនក្នុងខ្លួន។

ផ្លែទទឹម

អ្វីគ្រប់យ៉ាងអំពីផ្លែឈើមួយនេះចាប់ពី ផ្កា រហូតដល់គ្រាប់ ទឹករបស់វា ព្រមទាំងសម្បក គឺផ្ទុកទៅដោយសារធាតុ Punic Acid ដែលជាអាស៊ីតខ្លាញ់ដ៏កម្រ។ វាមិនត្រឹមតែមានមុខងារប្រឆាំងការរលាកទេ តែក៏មានសមត្ថភាពរំលាយជាតិខ្លាញ់ ដែលប៉ះពាល់ដល់ការផលិតអ័រម៉ូនផង។ (អាន:ថ្នាំងងុយគេង ពេលអ្នកគួរប្រើ)ទាំងសារធាតុ Progesterone និង Phytoestrogens ដែលមានក្នុងគ្រាប់ផ្លែឈើមួយនេះ ការញ៉ាំវាអាចជំរុញដល់លទ្ធភាពមានកូន បន្ថយអាការៈពេលមករដូវ សម្រួលដល់វដ្តរដូវ និងបន្ថយភាពញឹកញាប់នៃការក្តៅពេលខ្លួនលើស្រ្តីក្រោយរ៉ាំងរដូវផង៕