តារាម៉ូដែលសិង្ហបុរីដែលមានឈ្មោះ Debbie Valerie Long ឬ moniker Tenashar កំពុងប្រឈមមុខនឹងរឿងរ៉ាវប្រើប្រាស់គ្រឿងញៀន និងបានបង្កឲ្យប្រព័ន្ធផ្សព្វផ្សាយផ្ដោតការតាមដានគ្រប់គ្នា។
អតីតតារាស្រីដែលសព្វថ្ងៃជា DJ Tenashar កំពុងវ័ណ្ឌករឿងប្រើប្រាស់គ្រឿងញៀនដល់ទៅ ២ករណី។ ក្នុងនោះ ១គឺជាប់ពាក់ព័ន្ធនឹងថ្នាំញៀនប្រភេទកូកាអ៊ីន និងមួយទៀតប្រភេទ Psilocin ដែលក្នុងនោះមានផ្ទុកទៅដោយថ្នាំរោគចិត្ត។
ជាក់ស្ដែងស្ត្រីរូបនេះ ត្រូវបានជាប់ចោទកាលពីខែតុលា ឆ្នាំ ២០១៥ និងចូលជម្រះក្ដីក្នុងតុលាការលើកដំបូងកាលពីថ្ងៃទី ២៦ ខែឧសភាកន្លងទៅ។
យ៉ាងណាមិញ នាងក៏ត្រូវបានគេចោទប្រកាន់ពីបទនាំចូលកុងតឺន័រពីរគ្រឿងដែលមានលាក់ទុកនូវសារធាតុញៀនប្រភេទម្ស៉ៅពណ៌ស និងពណ៌ត្នោតនៅអាកាសយានដ្ឋាន Changi នៅម៉ោងប្រហែល ១០:២០នាទីយប់ នៅថ្ងៃទី ២៨ ខែតុលា ឆ្នាំ ២០១៥។
ក្រៅពីជួញដូរហើយ DJ រូបនេះក៏ប្រើប្រាស់សារធាតុញៀនម្យ៉ាងមានឈ្មោះថា Benzoylecgonine ដែលជាប្រភេទថ្នាំញៀនម្យ៉ាងមានអានុភាពខ្លាំងបំផុតរបស់ថ្នាំកូកាអ៊ីន។
បច្ចុប្បន្ន នាងត្រូវបានគេបញ្ជូនទៅពន្ធនាគារ Changi Women’s Prison ហើយក៏បានបង្ហាញខ្លួនក្នុងតុលាការកាលថ្ងៃសុក្រ ទី ២២កន្លងទៅដែរ និងត្រៀមខ្លួនវិលចូលតុលាការនៅថ្ងៃទី ១៨ ខែកក្កដាខាងមុខដែរ។ មេធាវីការពារក្ដីរបស់ Long មាន២នាក់គឺ Eugene Thuraisingam និង Syazana Yahya។ ដោយឡែក នាងនឹងត្រូវបង់ប្រាក់ធានានៅក្រៅឃុំចំនួន ៣សែនដុល្លារសិង្ហបុរី (ប្រហែល ២២ ០៦៩ដុល្លារអាមេរិក)។ ក្រៅពីនេះ នាងនឹងប្រឈមមុខជាប់ពន្ធនាគារចាប់ពី ១០ឆ្នាំឡើង និងពិន័យជាទឹកប្រាក់ប្រមាណ ១៤ ៧១៣ដុល្លារ សម្រាប់គ្រឿងញៀនមួយមុខ។ ក្នុងករណីដែលនាំចូលថ្នាំញៀន Psilocin វិញ Long ក៏មានហានិភ័យខ្ពស់ ជាប់ពន្ធនាគាររហូតដល់ ២០ឆ្នាំ៕
ប្រភព៖ sabay.com.kh