ចង់ជោគជ័យនៅវ័យ ៣០ ឆ្នាំមិនមែនជារឿងពិបាកណាស់ណាទេ ឲ្យតែអ្នកពេលស្ថិតនៅអាយុ ២០ ឆ្នាំអ្នកអាចធ្វើរឿងទាំងនេះបាន។
១.ក្ដោបក្ដាប់ព័ត៌មានផ្សេងៗបាន
ចំណេះដឹងគឺជាអំណាច ដែលមិនអាចបដិសេធបាន។ ការក្ដោបក្ដាប់បានព័ត៌មានច្រើន អ្នកនឹងឈានមុខគេមួយជំហានជានិច្ច ព្រោះអ្នកបានដឹងឮរឿងរ៉ាវ ដើម្បីជាដើមទុកនៅពេលក្រោយ។ មិនត្រឹមតែប៉ុណ្ណោះ អ្នកគួរតែកែលំអខ្លួនឯង ធ្វើជាមនុស្សមានសារៈសំខាន់ ទើបទៅថ្ងៃមុខអ្នកអាចជោគជ័យបាន។ នេះគឺជាពេលវេលា ដើម្បីធ្វើឲ្យខ្លួនអ្នកក្លាយជាស្ត្រីអស្ចារ្យ។
២.កុំសង្កត់ធ្ងន់អំពីពេលវេលា
ពេលវេលាពិតជាដើរលឿន ដូចនេះក្នុងមួយឆ្នាំៗត្រូវអ្នកមិនចាំបាច់រង់ចាំ ឬរ៉ាប់ថ្ងៃឡើយ។ ព្រោះ ១០ ឆ្នាំមិនយូរទេ អ្នកគួរធ្វើខ្លួនតាមសម្រួលតាមលំដាប់លំដោយ ដោយគិតថាពេល ២០ ឆ្នាំអ្នកចូលរៀនសាកលវិទ្យាល័យ ២៥ ឆ្នាំ មានការងារសមរម្យមួយធ្វើ ហើយដល់អាយុ ៣០ គិតគូរធ្វើការងារបន្ត ឬចាប់ផ្ដើមវិនិយោគទុកអ្វីមួយ។
៣.សន្សំលុយ
ភាពតានតឹងដ៏ធំបំផុតនៃជីវិតយុវវ័យ គឺបញ្ហាលុយកាក់នេះឯង។ ដូចនេះទោះជាស្ថិតនៅវ័យ ២០ ឆ្នាំកំពុងនៅរៀនយ៉ាងម៉េចក៏ដោយ ការសន្សំសំចៃពិតជាជួយអ្នកឲ្យល្អប្រពៃ និងជួយអ្នកឲ្យមើលទៅមានភាពចាស់ទុំ។ អ្នកត្រូវតែបែងចែកចំណែកសន្សំជាពីរ-បីផ្នែក ដើម្បីត្រៀមទុកថ្ងៃក្រោយ។
៤.ត្រូវចេះស្ទាត់ជំនាញភាសាផ្សេងៗ
ក្រៅពីភាសាកំណើត អ្នកគួរតែរៀន ២-៣ ភាសាទៀត ព្រោះអ្វីគ្រប់យ៉ាងគឺពឹងផ្អែកលើភាសាអន្តរជាតិ។ ដូច្នេះការនិយាយភាសាជាតិដទៃបានច្រើន អ្នកពិតជាចំណេញនៅពេលប្រឡូកការងារបានច្រើន។
៥.រៀនពីរបៀបវិនិយោគ ឬរបៀបគ្រប់គ្រង
អ្នកអាចរៀនរបៀបវិនិយោគនេះ តាមរយៈវគ្គសិក្សាខ្លីៗមួយចំនួនដោយមិនបាច់ផ្ដោតខ្លាំងពេកទេ។ ព្រោះនៅអាយុ ២០ ឆ្នាំអ្នកត្រូវរៀនជំនាញមួយច្បាស់លាស់ ហើយក្រោយមានការងារធ្វើ និងឱកាសផ្សេងៗ គួរតែទៅរៀនវិជ្ជាវិនិយោគ ឬការគ្រប់គ្រងផ្សេងៗបន្ថែម។
៦.បង្កើតទម្លាប់មួយ
ការបង្កើត និងថែរក្សាទម្លាប់សម្រាប់ខ្លួនអ្នកពីវ័យនេះទៅ នឹងជួយអ្នកច្រើននៅពេលក្រោយ។ ដោយសារការខិតខំប្រឹងប្រែងធ្វើរឿងមួយដែលប្រយោជន៍ ជីវិតអ្នកនឹងជួបតែរឿងវិជ្ជមានរហូត។អាយុ ៣០ ឆ្នាំ គឺជាពេលសំខាន់បំផុតនៃជីវិត ហើយវាក៏ជាពេលដែលអ្វីឲ្យបានសម្រេចផងដែរ។
៧.ស្វែងរកបទពិសោធន៍ច្រើនតាមដែលអាចធ្វើទៅបាន
នៅវ័យ ២០ ឆ្នាំ អ្នកមិនគួររៀនតែមួយមុខទេ ត្រូវស្វែងរកការងារក្រៅម៉ោងដទៃដែលអាចជួយឲ្យអ្នករីកចម្រើននៅពេលបញ្ចប់ការសិក្សា។ បន្ទាប់មកពេលចាប់ផ្ដើមធ្វើការ ក៏មិនគួរធ្វើតែមួយកន្លែងដែរ បែបនេះ ទើបអាចអ្នកដឹង និងស្គាល់ពីសង្គមការងារបានច្រើនជាងអ្នកដទៃ៕
ប្រភព៖ sabay.com.kh