នារីម្នាក់ដែលត្អូញថាបបូរមាត់កែរបស់នាងហើមឈឺចាប់មានការភ្ញាក់ផ្អើលយ៉ាងខ្លាំង នៅពេល អ្នកគ្រប់គ្រងគ្លីនិកបន្ទោសនាងថា បបូរមាត់កែរបស់នាងដែលហើមមិនមែនមកពីខាងគ្លីនិកនោះទេ គឺបណ្តាលមកពីនាងលេងអូរ៉ាល់សិចខ្លាំងពេក ទើបបានជាហើមស្ទីកបែបនេះ។
នាង ឆាឡូត នៀល (Charlotte Neale) វ័យ ២៦ ឆ្នាំមកពីសង្កាត់អ៊ីសសិច (Essex) ប្រទេសអង់គ្លេស អះអាងថា បបូរមាត់របស់នាងបានហើមឈឺចុកចាប់យ៉ាងខ្លាំង និងញ៉ាំអ្វី មិនបានអស់ជាច្រើនថ្ងៃ ហើយនាងខ្មាសគេមិនហ៊ានចេញពីផ្ទះទេ បន្ទាប់ពីនាងបានកែបបូរ មាត់ពីរលើកនៅគ្លីនិក BeautyBox By Maggie នៅហនឈើច (Hornchurch)។
បន្ទាប់ពីការតវ៉ារបស់នាងមិនបានគ្លីនិកដោះស្រាយ នាងបានសរសេរបង្ហោះរឿងនេះ តាមបណ្តាញទំនាក់ទំនងសង្គម ដើម្បីក្រើនរំឮកដល់អ្នកផ្សេងទៀតឱ្យមានការប្រុងប្រយ័ត្ន កុំឱ្យជួបរឿងដូចនាង។
ជាការតបតគួរឱ្យភ្ញាក់ផ្អើល អ្នកគ្រប់គ្រងគ្លីនិកខាងលើបាននិយាយថា បបូរមាត់របស់នាង បានកែរយៈពេល ៦ ខែហើយហើយមូលហេតុដែលវាហើមស្ទីកគឺដោយសារនាងលេង អូរ៉ាល់សិចខ្លាំងពេក។ ដូច្នេះគ្លីនិកមិនទទួលខុសត្រូវឡើយ៕
ប្រភព៖ rasmeinews.com