ការញៀនរបបអាហារមានជាតិសរសៃខ្ពស់ អាចជួយបង្ការការទល់លាមក បំបាត់មហារីកពោះវៀនធំ ជំរុញដល់ការសម្រកទម្ងន់ប្រកបដោយសុខភាពល្អ និងគ្រប់គ្រងកូឡេស្តេរ៉ុលព្រមទាំងស្ករក្នុងឈាមបានយ៉ាងល្អ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែវាអាចជារឿងខុសគ្នាដាច់បើសិនជាអ្នកញ៉ាំជាតិសរសៃច្រើនពេក។ ជាទូទៅ ចំនួនជាតិសរសៃដែលមនុស្សយើងត្រូវការក្នុងមួយថ្ងៃគឺអាស្រ័យទោតាមកាឡូរីដែលបានញ៉ាំដែរ។ រាល់ ១០០០កាឡូរីដែលបានញ៉ាំ គួរតែមានជាតិសរសៃ ១៤ក្រាមក្នុងនោះ។ អ្នដកែលញ៉ាំ ២០០០កាឡូរីក្នុងមួយថ្ងៃ ត្រូវការជាតិសរសៃរហូតដល់ ២៤ក្រាមដែរ។ ដូច្នេះខាងក្រោមនេះអាចជាសញ្ញាប្រាប់ថា អ្នកកំពុងតែញ៉ាំជាតិសរសៃច្រើនជាងតម្រូវការហើយ៖
រាករូស
ជាតិសរសៃអាចជួយឲ្យបន្ទោបង់ទៀងទាត់។ តែការញ៉ាំច្រើនពេក អាចធ្វើឲ្យអ្នកត្រូវឧស្សាហ៍ចូលបន្ទប់ទឹកដែរ ដោយសារតែជាតិសរសៃច្រើនធ្វើឲ្យកើតបញ្ហារាករូស។
ទល់លាមក
ពេលខ្លះ អ្នកអាចនឹងទល់លាមកបើសិនាញ៉ាំជាតិសរសៃច្រើនជាងធម្មតា។ រឿងនេះកើតឡើជាពិសេសបើសិនជាអ្នកមិនបានញ៉ាំទឹកគ្រប់គ្រាន់ ឬមិនធ្វើលំហាត់ប្រាណរាងកាយគ្រប់គ្រាន់ទែ។ ចូរចាំថា ត្រូវញ៉ាំទឹកឲ្យបានច្រើន និងហាត់ប្រាណឲ្យបានច្រើនដែរនៅពេលញ៉ាំជាតិសរសៃច្រើន។
ខ្សោះជាតិទឹកក្នុងខ្លួន
ជាតិសរសៃនឹងបឺតស្រូបជាតិទឹក។ មានន័យថា កាលណាជាតិសរសៃច្រើនក្នុងខ្លួន វានឹងធ្វើឲ្យទាញទឹកចូលទៅក្នុងពោះវៀនកាន់តែច្រើន រហូតដល់រាងកាយខ្សោះជាតិទឹកបាន។ ដូច្នេះត្រូវចាំថា ត្រូវញ៉ាំទឹកឲ្យបានច្រើនដែរបើសិនជាអ្នកញ៉ាំជាតិសរសៃច្រើន។
ឡើងទម្ងន់
គ្រប់គ្នាដឹងហើយថា អាហារសម្បូរជាតិសរសៃអាចជួយសម្រកទម្ងន់បាន។ តែមិនមែនមានន៍យថា អ្នកត្រូវញ៉ាំអាហារសម្បូរជាតិសរសៃច្រើនជាងការណែនាំឡើយ ព្រោះវាអាចធ្វើឲ្យឡើងទម្ងន់វិញបាន។
ចង្អោ
ការមានអារម្មណ៍ចង់ក្អួតក្រោយពីញ៉ាំអាហាររួច មានន័យថាអ្នកកំពុងតែញ៉ាំអាហារមានជាតិខ្លាញ់ ឬហិរច្រើន។ ប៉ុន្តែការញ៉ាំអាហារជាតិសរសៃច្រើនពេកក៏បង្កអាការៈដូចគ្នាដែរ។ ជាតិសរសៃគឺជារបស់មិនអាចរំលាយបាន ប៉ុន្តែក្រពេះនឹងព្យាយាមរំលាយវា។ កាលណាឲ្យក្រពះធ្វើការនេះច្រើន វានឹងបង្កអាការៈចង្អោបាន។
ផោមច្រើន
មានអាហារសម្បូរជាតិសរសៃជាច្រើនដែលដឹងថាបង្កើនការផលិតឧស្ម័នក្នុងពោះវៀន ដូចជា សណ្តែក និងប្រូខូលីាដើម។ ប៉ុន្តែអ្នកអាចយល់ថាខ្លួនឯងផោមច្រើនបើសិនជាញ៉ាំអាហារសម្បូរជាតិសរសៃច្រើនដែរ។ ដូច្នេះចូរញ៉ាំវាក្នុងកម្រិតត្រឹមត្រូវផងបើសិនជាមិនចង់ខ្មាស់គេទេ។
ឈឺពោះ
វាទំនងជាធ្វើឲ្យឈឺក្នុងពោះបាន ជាពិសេសតំបន់កណ្តៀតក្អម និងចង្កេះ បើសិនជាអ្នកញ៉ាំជាតិសរសៃច្រើនពេក។ (អាន:ថ្នាំងងុយគេង ពេលអ្នកគួរប្រើ)នេះដោយសារតែ ជាតិសរសៃច្រើនធ្វើឲ្យថយចុះនៃល្បឿនបញ្ជូនអាហារមិនរលាយក្នុងពោះវៀន ហើយពេលខ្លះទើបធ្វើឲ្យឈឺចាប់ដូចគេចាក់អ៊ីចឹង៕